(+994) 050 678 37 80
(+994) 070 534 65 52

qaynar xətt

Tahir Süleymanov
Kamran Quliyev: “Bu, futbolçuların bizə jestidi”

Kamran Quliyev: “Bu, futbolçuların bizə jestidi”

“Oyun xeyli isti hava şəraitində keçdi. Qapımızda erkən qol gördük. Lakin komandamız toparlana və qollarını sıralaya bildi. Hansısa futbolçunu qeyd etmək istəməzdim. Bütün komanda yaxşı oynadı. Biz sevinirik". 

Futbolinfo.az xəbər verir ki, bunu "Neftçi" klubunun prezidenti Kamran Quliyev evdə Macarıstan "Uypeşt"ini 3:1 hesabı ilə yendikləri Avropa Liqasının I təsnifat mərhələsinin ilk görüşündən sonra jurnalistlərə müsahibəsində deyib. K.Quliyev digər sualları da cavablandırıb:
 
- Belə nəticəni gözləyirdiniz?
- Bəli, gözləyirdik. Yaxşı olardı ki, qapımızda qol görməyək. Amma hesab edirəm ki, bu, birinci addımdır. İkinci addımı bir həftə sonra Budapeştdə atmağa çalışacağıq. Macarıstan paytaxtında bizi daha çətin oyun gözləyəcək. Rəqib komandanın iki futbolçusu viza problemi ilə əlaqədar Bakıya gələ bilməmişdi. Onlar cavab görüşündə oynaya biləcəklər. Bizə qarşı daha istəkli və azarkeş dəstəyinə malik komanda çıxacaq. İnanmaq istərdik ki, öz oyunumuz sayəsində bu mərhələni keçə biləcəyik. 
 
- İsti hava şəraitinin "Neftçi"nin xeyrinə olduğunu düşünmürsünüz? 
- Fizioterapevt olsaydım, sizə daha dəqiqini deyərdim. Bizim komandada da xarici futbolçular var. Ola bilsin, onlar belə hava şəraitinə öyrəşməyiblər. Burada əsas üstünlüyümüz azarkeşlərimiz idi. 
 
- Sizcə, qələbədə əsas rolu kim oynadı? 
- Azarkeşlər! Belə deyək, havanın temperaturu 36 dərəcə idisə, azarkeşlər onu 45 dərəcə etdilər (gülür). Azakeşlərə, komandaya, klubumuzun bütün əməkdaşlarına və siz jurnalistlərə təşəkkürümü bildirirəm. Belə hava şəraitində bura gəlmisiniz, oyunumuzu işıqlandırırsınız. Buna çox sevinirəm. Bu gün tam bayram demək olmasa da, şad günümüzdür.
 
- Demək olarmı ki, "Neftçi" qayıtdı?
- Bunu 3-4 aydan sonra soruşarsınız, deyə bilərəm. Həmin vaxt məndən soruşmayacaqsınız, "Neftçi"nin qayıdıb-qayıtmadığını özünüz görəcəksiniz. Amma inanmaq istərdim ki, biz düzgün yoldayıq. 
 
- Oyundan sonra klubunuzun Müşahidə Şurasının sədri Çingiz Abdullayevlə birgə paltardəyişmə otağına daxil oldunuz və böyük səs-küy oldu. Komandaya mükafat verildimi? 
- Çingiz Abdullayev, Müşahidə Şurasının bütün üzvləri burada idi. Komandamız mükafat barədə çox danışmaq istəmədi. Futbolçular bizdən mükafatı mərhələ adlayacağımız təqdirdə istəyiblər. Bu, futbolçuların bizə jestidir. Komandanın necə oynayacağını heç kim bilmir. Amma kollektivdaxili ab-havanın belə olması bizim qazancımızdır. 
 
- Transferlər bitdi, yoxsa hələ davam edəcək?
- Baxarıq. Baş məşqçi, texniki heyətlə görüşümüz olacaq. Ondan sonra daha dəqiq nə isə deyə bilərik. Ola bilər ki, komandaya heç bir yeni futbolçu gəlməsin. Çünki hər mövqedə əvəzedici var. Baxarıq. 
 
- Yeni transferlərdən nə dərəcədə razı qaldınız?
- Qoran Paratski hələ 90 dəqiqə oynamağa hazır deyil. Amma sonadək mübarizə apardı. Onun həmyerlisi Slavko Braliç meydana daxil olduqdan sonra müdafiə xətti daha da keçilməz, möhkəm oldu. Dario Frederikonun çıxışını özünüz gördünüz, mən əlavə şərh etmək istəmirəm. Baqali Daboya isə sadəcə əhsən! Digərlərindən kimisə unutmuşamsa, inciməsinlər. Yeni oyunçular öz yerində, amma öz futbolçularımızın da bizə necə kömək etdiklərini gördünüz. Bacardığımız qədər ötən mövsümkü sütunu - Səlahət Ağayev, Ruslan Abışov, Anton Krivotsyuk, Emin Mahmudov, Rəhman Hacıyev, Namiq Ələsgərov və s.. Onların da qələbədə çox böyük payları var. (Sportnet)


 
tarix: 13-07-2018 00:48


 
Xəbər lenti
16.02.2019

12:42   Premyer Liqa klubunda iki yeni müqavilə

11:07   Kamran Quliyev – “like”?

11:00   “Qarabağ” yenə Miçelsiz hazırlaşır

10:50   “Neftçi” “Zirə” ilə üz-üzə - YENİLƏNİR

10:45   “Keşlə” “Sumqayıt”a qarşı - YENİLƏNİR

10:32   Əliyev İspaniya klubu ilə heç-heçəni kənardan izlədi

10:00   Dəniz Yılmaz oynadı, komandası qalib gəldi

09:32   “Traktorsazi”yə 1 qol bəs etdi

09:17   Ziya Əzizovsuz məhsuldar heç-heçə

09:00   Limitlə uyğun gəlməyən legioner bolluğu

02:23   İlk 1/4 finalçı bəlli oldu

02:04   Meydan sahiblərinin günü

01:57   “Bavariya”dan çətin qələbə

01:51   Hərəyə 2 qol, 1 xal

01:36   “Yuventus”dan darmadağın

00:11   “Beşiktaş”dan səfərdə çətin qələbə

15.02.2019

22:56  Premyer Liqada 17-ci tur rəqəmlərin gözü ilə

22:05  “Cinayətdən uzaq idman”

21:47  “Zirə” - “Neftçi”: VİDEOANONS

19:28  Emil Balayevin komandası darmadağın oldu

18:23  “Neftçi” yenə Məmmədovsuz çalışdı

17:38  “Qəbələ”dən böyükhesablı qələbə

17:07  “Səbail”lə “Sumqayıt”dan 10 qolluq heç-heçə

16:36  Avroliqada həftənin rəmzi komandası

16:08  ÇL-də həftənin ən yaxşı futbolçusu bəlli oldu

15:40  “Neftçi” yeni transferini rəsmən açıqladı

15:28  ÇL-də ilk həftənin rəmzi komandası açıqlandı

15:04  Yevgeni Koçuk: “Zirə”yə belə məğlubiyyət planlarda yox idi”

14:46  “Səbail”in müdafiəçisi: “Şanslarımızı reallaşdıra bilsək…”

14:28  Moldova millisinin üzvü “Neftçi”də

13:56  “Zirə” - “Neftçi”: 15-ci görüş

13:27  “Komanda qələbə qazanmalıdı ki, özünəinam hiss etsin”

13:06  “Barselona”dan Valverde ilə bağlı yekun qərar

12:43  Vadim Vasilyev istefaya göndərildi

12:25  Balayev: “Çempionluq arzusu ilə sonadək vuruşacağıq”

12:00  Musa Qurbanlı: “Var gücümüzlə mübarizə aparacağıq”

11:45  Avroliqada “həftənin ən yaxşısı” adına namizədlər açıqlandı

11:21  Azərbaycanlı hakimlər AÇ-nin oyunlarına təyinat aldılar

11:08  Elxan Məmmədov FİFA-nın sammitində

10:59  Aftandil Hacıyev təzyiq altında: qarşıdakı 2 oyun həlledici olacaq

10:39  UEFA-nın yeni reytinqi: 26-da qaldıq

10:34  Argentina, Çili, Paraqvay və Uruqvay şərik oldu

10:25  Yurçeviç Rəfiyevə nə qədər qazandırıb?

10:11  “Napoli”dən səfərdə inamlı qələbə - VİDEO

10:00  “Latsio” “Sevilya”ya evdə məğlub oldu - VİDEO

09:46  “İnter”ə 1 qol bəs etdi - VİDEO

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az