(+994) 050 678 37 80
(+994) 070 534 65 52

qaynar xətt

Tahir Süleymanov
Yarım milyonluq transfer oyunu

Yarım milyonluq transfer oyunu

Cavid İmamverdiyevin qəflətən “Sabah”da peyda olması aydın səmada şimşək effekti verdi. Görəsən, nə oldu ki, “Qarabağ”ın razı sala bilmədiyi “Sumqayıt” birdən-birə liderini debütanta buraxmağa razılaşdı.
 
Futbolinfo.az bu transferlə bağlı ilginc məlumatlar alıb. Sən demə, Cavidin transferindən bir qrup şəxs əməlli-başlı irəli düşüb. Bu səbəbdən satan da razıdı, alan da. Amma “satan və alan” deyərkən klublardan danışmayacağıq. Müəyyən adamların şəxsi maraqları daha önəmli olub.
 
Mənbəmizə inansaq, “Sabah” bu transfer üçün 500 min manatından keçib. “Qarabağ”ın 100 min təklif etdiyini, futbolçu ilə birillik müqaviləsi qalan “Sumqayıt”ın bunun ikiqatını tələb etməsini nəzərə alsaq, indi bu rəqəm adamı şoka salır. Əcəba, niyə?
 
“Sabah”ın büdcəsindən çıxan bu pulun “Sumqayıt”a hansı formada çatdığını bilmirik. Ancaq deyilənə görə, debütantın sponsorları bu transferin perspektivinə inandırılıb. Guya ki, bu oyunçunu almaq lazımdı ki, sonradan onu 4-5 milyona satmaq olsun. İmamverdiyevin adının Rusiya klubları ilə yanaşı hallandırılması, sonradan bunun boş şaiyə olmasının üzə çıxması təsadüf deyilmiş. “Sabah”ın himayədarlarını inandırmağa çalışıblar ki, bu futbolçunu mütləq almaq lazımdı – onu yüksək qiymətə satmaq olacaq. Menecer dəstəsi mətbuata yalan informasiya ötürərək Cavidi dəyərli biri kimi reklam edib.
 
Cavidlə üçillik müqavilə imzalanması da bu məqsədlədi. Yəqin razılaşarsız ki, hansısa azərbaycanlı ilə bu qədər uzunmüddətli müqavilə təsadüfi hallarda reallaşır. Deməli, “Sabah” rəhbərliyinin başına ağıl qoyan menecerlər məhz bunu düşünüb. Ancaq onu deməyiblər ki, xarici klublara gedən həmyerlilərimiz adətən sərbəst futbolçu olduğu halda transferləri reallaşır. Heç kim bizimkilər üçün transfer haqqı ödəmir. “Sabah” rəhbərliyi bunu başa düşəndə gec olacaq.
 
“Sabah”ın büdcəsindən yarım milyon çıxıb, ancaq onun hansı hissəsinin “Sumqayıt”ın hesabına köçdüyü bəlli deyil. Çünki ortada vasitəçilər var və onlar məbləği bu qədər şişirdiblər ki, öz cibləri də dolsun.
 
Cavidin meneceri “3R Sports Management”in sahibi Riad Rəfiyevdi. Bu möhtərəm həm də “Sumqayıt”ın prezidentidi. Qalanını, yəni, transfer əməliyyatının təfərrüatını özünüz düşünün. Bu məbləğin ən azı yarısının Rəfiyev və onun “Sabah”dakı şərikləri arasında bölüşdürülmədiyini kimsə sübut edə bilməz. Çünki sübut etmək üçün rəsmi sənədləri açıqlamaq lazımdı.
 
Bu məbləğ təkcə transfer haqqıdı. Cavidin özünə də 15 min manat maaş veriləcək. İmamverdiyevin qaça-qaça “Sabah”a getməsinin də səbəbi budur.
 
“Sabah”ın büdcəsindən əridilən puldan maraqlı olan bütün tərəflərə pay çatıb. Ona görə də hamı razıdı. Debütantın himayədarları isə Cavidin real qiymətindən və bu transferdəki riskdən xəbərsizdi. İmamverdiyev bu qədər səviyyəli biri idisə, yerli oyunçu üçün qapı-qapı gəzən “Qarabağ”, “Qəbələ” və “Neftçi” onu əldən buraxardımı?
 
Gördüyünüz kimi, üçillik müqavilə yarım milyonun izini itirmək üçün imzalanıb. Amma bundan “Sabah” yox, bir qrup adam qazanacaq. Ümid edirik, debütantın sponsorları ən azı araşdırmağa gərək duyacaq.
 
CAVAD

 
tarix: 13-07-2018 15:47


 
Xəbər lenti
14.12.2018

02:20   Avropa Liqasında qrup mərhələsinə yekun vuruldu

01:54   “Qarabağ” “Arsenal”la yenə bacarmadı

01:29   Almeydalı “Astana” Avroliqa ilə vidalaşdı

01:14   “Qəbələ”nin “Sabah”la 3-cü dueli

00:30   “Qəbələ”nin yeganə əvəzedilməzi

13.12.2018

23:17  “Qəbələ” üçün 14-cü start və yubiley matçı

22:10  5-ci start, 11-ci matç, 7-ci rəqib

20:50  Prezident “Neftçi”nin sabiq futbolçusuna ev verdi

20:35  Azərbaycanlı məşqçi “Altınordu”nun düşərgəsində - FOTO

18:31  Akinfeyev 4-cü oldu

17:50  “Liverpul” müdafiəçisini 1,5 aylıq itirdi

17:17  Avropa Liqası ADİU-da tələbələrlə görüşdü

16:25  UEFA Azərbaycanın daha 4 klubuna pul ayırdı

15:53  İlham Əliyev Ağasəlim Mircavadovu mükafatlandırdı

15:26  Azərbaycan kubokunda ilk dəfə üz-üzə gələnlər və…

15:01  “Neftçi”nin 2 rəqibi məlum oldu

14:35  “Neftçi”nin yeni evi müasir standartlara tam cavab verəcək

14:28  La Liqa klubunda ciddi itki

14:16   “Arsenal” azarkeşlərinə müraciət: 2 yaşlı Zəhramızın qatilinə əl çalmayın!

13:33  ÇL-də son turun ən yaxşısı adına 4 namizəd

13:04  UEFA “Qəbələ” ilə “Zirə”nin hesabına pul köçürdü

12:49  Elxan Məmmədov Məşqçilər Komitəsinin üzvləri ilə görüşdü

12:33  "Qarabağ”ın mövsümdə son avrokubok oyunu “Topaz”da

12:10  "Komanda məndən asılı ola bilməz" - Deviç məşqçilik üçün tez olduğunu düşünür

11:41  MS-dən əzmkar qələbə - VİDEO

11:20  “Viktoriya” “Roma”nı qrup liderliyindən etdi - VİDEO

11:00  “Ayaks”la “Bavariya” 3 qol vurub, 1 xal qazandı - VİDEO

10:42  “Yuventus” İsveçrədən məğlub qayıdır - VİDEO

10:20  MY “Valensiya”ya belə məğlub oldu - VİDEO

10:00  “eTopaz”da günün canlı oyunları

09:40  “Real” doğma meydanda biabır oldu - VİDEO

09:20  Çempionlar Liqasında bütün 1/8 finalçılar bilindi

03:52  Unay Emeri: “Qarabağ”a hörmətlə yanaşırıq”

02:00  ÇL-in qrup mərhələsinə yekun vuruldu

01:23  “Arsenal” rəsmisi Tahir Gözələ xatirə hədiyyəsi təqdim etdi

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az