(+994) 050 678 37 80
(+994) 070 534 65 52

qaynar xətt

Zaur Axundovun işgüzar imici

Zaur Axundovun işgüzar imici

Azərbaycan futbolunun Koroğlusu Zaur Axundov... Niyə Koroğlu? Səbriniz olsun, əvvəlcə bir “mus” deyim, sonra “Mustafa” da deyəcəkdim də. Day keçib, “Niyə Koroğlusu” sualına cavab verim.

Koroğlu döyüşdə qılınc çalıb, qan töküb yorulandan sonra bir oturuma bir cöngə (öküz) yeyirmiş. Zaur Axundov da Azərbaycan futbolunda 4 vəzifə tutur. Qılınc çalıb, qan tökməsə də, hərdən-birdən yumruq-zad atmağı var. Təbii ki, Azərbaycan futbolu naminə. Onu sonuncu dəfə portuqalları döyəndə görüblər. İndi özünüz hesablayın, hər vəzifə üçün sərf edilən enerjini buynuzlu (buynuzsuz işə yaramır, işgüzar nüfuza xələl gətirir) qara qoç yeməklə bərpa etmək olar. 4 vəzifə, buynuzlu 4 qara qoç deməkdir. Buynuzlu 4 qara qoç da bir cöngə edər? Edər! Bax, ona görə də Zaur Axundov Azərbaycan futbolunun Koroğlusu olmağı da haqq edib.

Hə, futbolumuzun Koroğlusu Mətbuat Şurasına şikayət edərək bildirib ki, iki həmkarımız - Elçin Cəlilovla Vüsal Mahmudov onun işgüzar imicinə zərbə vurublar. Elçinin də, Vüsalın da qələminə bələdəm, vurduqları zərbənin açdığı yara, yalan olmasın, “Alazan” raketinin yaratdığı dəlikdən böyük olar ki, kiçik olmaz. İkisi birdən vuranda isə... Onda o işgüzar imic o qədər sanballı olmalıdır ki, dağım-dağım olmasın.

Eləmədim tənbəllik, başladım Zaur Axundovun işgüzar imicini axtarmağa. Bah, “Futbol+” qəzetinə verdiyi müsahibə lap yerinə düşdü. Zaur Axundov müsahibəsində “Keşlə”dən qovduğu Yuri Maksimovla münasibətlərindən danışıb. Əvvəlcə deyib ki, Maksimovdan hesabat tələb edirdim. Nizam-intizamın olması mənim üçün vacibdir, önəmlidir, həyati əhəmiyyətlidir, peşəkarlıqdır, nə bilim nədir. Əla ey, əla. Əsl peşəkar belə olar. İşgüzar imicin sanbalı necə lazımdır, elədir. Növbəti sualda isə deyir ki, Maksimova tapşırdım, Raufla Fuadı meydana buraxma. Daranq, part, zırt, pırt... Burda peşəkarlıq, işgüzar imic əvvəlcə dombalaq aşır, sonra salto vurur, daha sonra paralel qollarda yellənir. Peşəkar ey... Baş məşqçiyə göstəriş verir ki, filan oyunçunu meydana burax, filankəsi də buraxma. Buna deyirlər özün öz işgüzar imicini dağıtmaq.

Daha sonra isə deyir ki, Maksimov Elnur Cəfərovu bəyənməmişdi, amma biz onu komandaya götürdük. Bununla da “nizam-intizam”la bağlı imicin də içinə möhkəm hava buraxmış olub. Elnur Cəfərov oynadığı futbolla yox, intizamsızlığı ilə tanınıb. Belə futbolçunu komandasına ancaq və ancaq Koroğlu götürərdi. Koroğluya dəli-dolu adamlar lazım olub axı.

Zaur müəllim, Mətbuat Şurasına müraciət etmək sizin haqqınızdır. İstəsəz, bu yazıdan sonra lap məndən də şikayət edə bilərsiz. Amma məsləhətdir ki, şikayətin motivini dəyişəsiz.

Vallah, billah, müsahibəni o baş-bu başa var-gəl etdim, Zaur Axundovun işgüzar imicinə rast gələ bilmədim ki, bilmədim. O işgüzar imici Elçinlə Vüsalın da zədələdiyini güman etmirəm. Sizin nə vaxtsa işgüzar imiciniz olubsa (hərçənd buna da inanmıram), onu özünüz dağıdıbsız. Bərəkət haqqı!


 
tarix: 01-08-2018 16:31


 
Xəbər lenti
23.11.2019
22.11.2019

23:47  “Qalatasaray” “Başakşəhər”ə doğma meydanda uduzdu

23:37  Dmitri Nazarov qol vurdu, komandası qələbə qazandı

23:20  Sarri: “Ronaldo özünü yaxşı hiss etmir”

22:29  Millimizin rəqibi Macarıstanla qarşılaşacaq

21:58  “Qarabağ” “Sumqayıt”a belə uduzdu - VİDEO

21:33  Ayxan Abbasov: “Bizi sevindirən odu ki...”

21:20  Qurban Qurbanov: “Qarabağ”da oynamaq asan deyil”

21:00  Etopaz əmsalları yüksəltdi

20:53  “Qarabağ” ilk məğlubiyyətinə üzüldü

20:44  “Qarabağ”a qol vurdu, valideynləri ilə bayram etdi – FOTOLAR

19:49  AÇ-2020: Danimarka - Rusiya matçının stadionu bilindi

19:35  Formadakı səhvə görə milli komandaya intizam işi açıldı

19:07  Birinci Divizion: 12-ci turun oyun cədvəli

18:49  Premyer Liqada 13-cü turun təqvimi bilindi

18:19  AFFA Yurçeviçlə yolları ayırır?

18:11  “Qəbələ”nin durumu AFFA-nın iclasında müzakirə olunacaq

18:00  Vanesyanda olan abır bunlarda olsaydı...

17:49  Gəncədə yeni məşq meydanının inşası yekunlaşır

17:38  “Qalatasaray”da şok itki – 5-6 ay olmayacaq

17:27  “Borussiya”da yeni müqavilə

17:20  Artur və Elxan Məmmədov

17:00  “Sabah”la oyuna 4 itki ilə

16:44  “Sabah”dan darmadağın, “Qarabağ”dan məğlubiyyət

16:31  Ekşteyn futbol turniri keçirir

16:15  Millimizin heyətində dəyişiklik edildi

15:44  Rıbka qayıdır: “Situasiyanı dəyişmək üçün çalışacağıq”

15:31  AÇ-2020: Pley-offun püşkü atıldı

15:21  Mourinyo “Tottenhem”i ÇL-ə çıxarsa...

15:00  Poçettino belə vidalaşdı

14:41  “Azərbaycanlılar futbolçu yox, turistdilər”

bütün xəbərlər >>>

Ən çox oxunan
Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az