(+994) 050 678 37 80
(+994) 070 534 65 52

qaynar xətt

Tahir Süleymanov
Rəfiyevin futbol bazarı

Rəfiyevin futbol bazarı

Əhali sayına görə ölkənin ikinci şəhərinə çevrilib Sumqayıt. Yarım milyona yaxın insan yaşayır burada.
 
2 stadionu var, amma didərgindi, Premyer Liqanın yeni mövsümünə başlamaq üçün yer axtarır. Birində təmir gedir, o birisi SSRİ vaxtı beynəlxalq miqyaslı yarışları, müstəqillik dönəmində avrokubok oyunlarını qəbul etsə də, indi yiyəsiz, baxımsızdı. Meydanı o qədər yaxşıdı ki, şəhərin eyniadlı komandası burada məşq edir, amma oyuna çıxması, rəqib qəbul etməsi üçün şərait yoxdu, hamı 1000 nəfərlik qondarma arenanın təmirdən çıxmasını gözləyir.
 
Bu şəhər futbol diyarı olub. SSRİ-nin müxtəlif yığmalarına Avropa, dünya çempionları verib, ötən əsrin  sonlarında millimizə saysız oyunçular bəxş edib, əksər iddialı klubların heyətindən sumqayıtlı kimsə xali olmayıb, medallar uğrunda oynayanlarda mütləq bir neçə sumqayıtlı olub. İndi isə milli komanda nədir, hətta klubun özündə yerli uşaqlar barmaqla sayılacaq qədərdi.
 
“Sumqayıt” klubu indi ələbaxan yetimə oxşayır. İllərdi mövcudluğundan bir qrup insandan başqa kimsə xeyir görmür. Yerli camaatın nakam sevgilisidi, məhəllə komandasından o yana keçə, böyüyə bilmir. Milli komandalarımıza ehtiyat qüvvə hazırlayan klub kimi təqdim edilir, amma kimsə burada yetişmir, milliləşənlərin baza klubudu. Əvəzində menecerlər, prezidentlər yetişdirib, transfer edirlər.
 
İndi də burada Riad Rəfiyev bazar açıb. Klub prezidenti sayılan növcavan “Sumqayıt”ı pulgətirən obyektə çevirib, başını açıb pul qazanır. Komandaya onun və rəhbərlikdə təmsil olunan 1-2 nəfərin müştərisi olmayan kimsə yaxın düşə bilməz. Transferlərdən gələn menecer haqqı da özlərinindi, maaş da müştərilərinin. Pul isə dövlət müəssisəsindən havayı gəlir – qalır onu bu şəkildə bölüşdürmək.
 
Dolandırır, dolanırlar, heç kim hesabat istəmir, yarım milyon əhalinin yeganə əyləncəsi olan komandanın nəticələri vecə deyil. Ötən mövsüm 3-cü pillədə qəbul etdiyi komanda avrokuboka vəsiqəni cibindən çıxarıb başqasına verdi, amma o, yenə də postundadı. Nə qınayan oldu, nə narazı qalan.
 
Adamlı adamdı, arxasında AFFA-nın baş katibi Elxan Məmmədov, SOCAR-ın və assosiasiyanın vitse-prezidenti Elşad Nəsirov var. Ona görə də istədiyini edir, pulunu qazanır, payları çatdırır, qorunur.
 
“Sumqayıt” bir müddət öncə Dmitri Nağıyevi transfer etmişdi. Rəfiyevin sahibi olduğu menecer şirkətinin müştərisi “kimyaçılar”a gəldiyi kimi də getdi. “3R Sports Management” (3 R – Rəfiyev Riad Rasim oğlu) onun “Sumqayıt”a gəlişinə görə də qazandı, Portuqaliyanın aşağı dəstə təmsilçisinə getməsinə görə də. Qazanmayan təkcə “Sumqayıt” oldu. Utanmaz-utnmaz açıqlama da verdilər ki, milli komanda naminə təmənnasız yola salıblar. Hansı milli komanda? Heç Dmitrinin səviyyəsi milliyə uyğundumu? O yalnız rahat pul qazanmaq üçün milliləşdirilib. Səviyyəsi olsaydı, Ukraynada qalıb oynayardı, dağılan Vyana “Qarabağ”ına getməzdi.
 
Ümumiyyətlə, bir klub bu gün aldığı oyunçunu sabah başqasına niyə bağışlasın ki? Bəs, klubun maraqları?
 
“Sumqayıt”da yalnız Rəfiyevin və himayədarlarının maraqları var. Komandaya bu yay gələnlərin siyahısına baxın: Sərdar Sərdarov, Arif Daşdəmirov, Əfran İsmayılov, Elvin Məmmədov, Şəhriyar Əliyev, Yusif Nəbiyev, Murad Xaçayev, Aleksey İsayev, Əli Babayev, Qvanzav Maqomedov – hamısı Riadin müştəriləridi. “3R Sports Management”in “Feysbuk” səhifəsinə və saytına baxıb əmin ola bilərsiz. Ən maraqlısı, Qvanzav kimi divizion klubuna yararsız birinin buraya gətirilməsidi.
 
Sərdar Sərdarov, Arif Daşdəmirov, Murad Xaçayev, Aleksey İsayev, Əli Babayev, Qvanzav Maqomedov və baxışda olan Andrey Popoviç – hamısı milliləşənlərdi və milli komandalarımzda heç vaxt söz sahibi olmayıblar. Və bunlardan əksəriyyəti başqa ölkə vətəndaşıdı. Məsələn, həmin Əli Babayev İsrail pasportu daşıyır, amma söz düşəndə “Sumqayıt”da legionerlərə qadağa olduğunu deyirlər. Bəs, bu uşaqlar kimdi? Biri “Şaxtyor”dan, digəri “Zenit”dən gətirilib. Səviyyələri olsaydı, Ukrayna, Rusiya klubları niyə onlardan imtina edirdi? Sumqayıt komandası, Azərbaycan millisi Rəfiyev üçün oyuncaqdı, bazarını qurub pul qazanır.
 
Əksər dağıstanlılar kimi bu futbolçulara da milli pasport veriləcək və artıq gələn il onların heç biri kiməsə lazım olmayacaq. Necə ki, indi heyətdə olan Mehdi Cənnətov (əslində, Canetov) hətta əvəzedici qapıçı kimi də yararlı deyil. Bu uşaqlar azərbaycanlı balalarının qarşısını alır – həm səviyyələri yoxdu, həm də dayday hesabına sumqayıtlı yeniyetmələrin yerini tuturlar.
 
Riadın futbolçu biznesinin sərhədləri “Sumqayıt”la məhdudlaşmır. Prezident kimi menecerliyinə qadağa olduğundan sahibi olduğu şirkətə formal fiqurlar qoyub, alverini davam etdirir. Çempionatda rəqibi olan “Səbail”ə oyunçu yerləşdirib, “Sabah”a məsləhət verib, “Keşlə”yə Elnur Cəfərovu göndərib, “Neftçi”də Rəhman Hacıyev, Namiq Ələsgərov, Emin Mahmudov və Kvame Karikari (şərikli), “Qarabağ”da Vaqner da Silva (şərikli), eyni zamanda Araz Abdullayev məhz ondan məsləhət alanlar, ona faiz qazandıranlardı.
 
Görəsən, “Sumqayıt” bu komandalarla üz-üzə gələndə Rəfiyev kimə azarkeşlik edəcək? Və ya kim zəmanət verə bilər ki, bu oyunçular hansısa qara əməliyyatın iştirakçısı olmayacaq? Hətta bu olmasa da, heç bir fövqəlbacarığı olmayan Rəfiyevin qazancını hesablayın: futbolçuları sayın və onların hər birinə görə orta hesabla aylıq 1000-1500 manatı üst-üstə gəlin. “Sumqayıt”da paketlə aldığı 10 min manatlıq vəzifə maaşını da nəzərə alsaq, ayda 25-30 min. İndi bu pulu ayda 200-300 manata göz dikən 100-120 müəllim, həkim, alim arasında bölün.
 
Sumqayıtın yarım milyona yaxın əhalisi var. Onlarla veteran futbolçu işsizlikdən əziyyət çəkir, ortada qalıblar. Klub isə hamisi güclü olan, ancaq cibini düşən bir uşağın ümidinə qalıb. Yəni Sumqayıtda bu işi daha yaxşı görə biləcək, komandaya həqiqətən can yandıracaq bir nəfər yoxdumu? Yoxsa daydaysızdılar?
 
FƏRİD

 
tarix: 06-08-2018 10:34


 
Xəbər lenti
20.02.2019

15:55   Maluda rəsmən İsveçrə klubunda

15:16   Kumanın yeni iş yeri məlum oldu

14:48   “Yuventus”da ciddi itki

13:46   Messi İnyestaya çatdı

13:24   Lisenziyalaşdırma qrupu UEFA seminarında

13:09   Millimizin rəqibi üçün Trinidad Tobaqo

12:42   Təmkin Xəlilzadə ata oldu: “Artıq bir yox, iki sevgilim var”

12:21   Millimizin üzvü: “Fiziki baxımdan bir qədər axsayırıq”

12:10   “Sevilya” “Latsio” ilə üz-üzə - YENİLƏNİR

12:01   “Hələ də şansımız qalır”

12:00   “Yuventus” “Atletiko”ya, MS “Şalke”yə qarşı - YENİLƏNİR

11:54   Kovaç heç-heçədən məmnundu

11:47   “Rubin” Balayevə qol vura bilmədi

11:37   Valverde azarkeşlərdən dəstək gözləyir

11:29   Klopp nəticədən razı deyil

11:15   “Səbail”ə gəlmədi, 1 aya 2 klub dəyişdi

11:00   Millimiz Avropa çempionatının sonuncu səbətində

10:48   Saşa Stamenkoviç: “Hər matç bizim üçün vacibdi”

10:43   Quliyev oynadı, “Spartak” heç-heçəyə razılaşdı

10:32   Riberi 100-ə çatdı

10:26   Suares sonuncu dəfə 2015-də qol vurub

10:17   “Yuventus” hücumçusunu satdı

10:03   Alman intizamı, yoxsa PFL Stuxlikin əli ilə “vurulur”?

09:47   Əli Babayev polislərimizi ələ saldı

09:35   “Barselona” Lionda qol vura bilmədi - VİDEO

09:25   “Liverpul”un “Bavariya” ilə heç-heçəsi - VİDEO

09:19   Şeydayev Səmədovun gəlişinə sevinir

09:12   Qurbanovun olduğu siyahıda Yurçeviçin tozu da yoxdu

09:00   Azərbaycan millisində azərbaycanlı niyə oynasın ki?

02:51   Çempionlar Liqasında qolsuz gecə

19.02.2019

22:55  Millinin baş məşqçisi: “Məşqdəki performansı oyunda görə bilmədik”

22:19  Ramil Şeydayev üçün 77 dəqiqə

20:50  Millimiz Türkiyəyə ilk oyunda məğlub oldu

18:10  AFFA-dan “Səbail”ə 2400 manatlıq cərimə

17:21  “Neftçi” “Səbail”lə oyuna da Aqilsiz hazırlaşır

17:04  “Sportinq”də daha bir erkən vida

16:24  “Espanyol”dan La Liqada yeni rekord

15:57  Premyer Liqa klubunun forvardı sıraya döndü

15:19  İqor Mitreski: “Həm “Neftçi”, həm də Bakı mənim qəlbimdədi”

14:55  Braziliya millisinin kapitanı “Barselona”da

14:34  Şeydayevsiz qələbə

13:51  AFFA “Keşlə”yə texniki məğlubiyyət verdi

13:32  Birinci Divizionda top və xərək daşıyanlara görə cəzalar

13:03  Rəfiyev şikayət etməyəcək: “Öz günahımızdan uduzduq”

12:57  İngiltərə klubuna casusluğa görə cəza verildi

12:36  Kapitan 220 gün sonra qayıdır

11:51  Stuxlikin tələbi VAR

11:45  Rauf 10 gündən sonra qayıdacaq

11:40  Dadaşovun oynamamasının səbəbi

11:02  Paşayev ermənilərə qarşı oynadı

10:51  Şeydayev yenidən Türkiyədə

10:39  1/4 final cütlükləri bilindi

10:31  Erat oynadı, komandası məğlub oldu

10:23  Vengerin favoriti

10:12  De Xeaya yeni təklif

10:01  AFFA-nın faydalı limiti: daha nələr etmək olar?

09:47  Milli komandada yeni baş məşqçi

09:30  Nəbiyev oynadı, “Slaviya” səfərdən xalsız döndü

09:21  Nani rəsmən ABŞ klubunda

09:14  “Sumqayıt”ın milliləşdirdiyi oyunçu: “Damarlarımda İsrail qanı axır”

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az