(+994) 050 678 37 80
(+994) 070 534 65 52

qaynar xətt

Tahir Süleymanov
Tələs, Zaur, tələs!

Tələs, Zaur, tələs!

“Keşlə”nin Müşahidə Şurasının sədri Zaur Axundovun saytımızı görən gözü yoxdu. Kluba gəldiyi gündən ulduzumuz küsüb.
 
Futzal təsərrüfatını futbola dəyişsə də, özü dəyişməyib. Zalda gizli qalan hərəkətlərini böyük futbolda ifşa edirik, o isə narahat olur, hər şeyi zor gücünə, inadkarcasına həll etmək istəyir. Biz haqlı inadkar, o isə həm suçlu, həm inadkar. Halbuki haqlı tənqidlərdən nəticə çıxarsa, nə şəkli bizim manşetləri bəzəyər, nə də münasibətlərimiz Mətbuat Şurasının iclas salonunda həllini tapar.
 
Hörmətli Zaur bəy, səhvləriniz var və siz də tənqidlərdən nəticə çıxarmaq əvəzinə, üzüyoxuşa sürürsüz. Özünüz bilərsiz, amma tutduğunuz yol yanlışdı. Mətbuat sizə düşmən deyil, Azərbaycanı, futbolumuzun inkişafını, əmin-amanlığı da sizdən az istəmirik. Neqativ tonlu yazılar yazmaq, əsəb korlamaq, öz əsəblərimizi də zorlamaq xoşumuza gəlmir.
 
Yəqin Mətbuat Şurasının qərarı kefinizi açmadı, amma heç olmasa, indi ayılın. Ümid edirik, heç olmasa, indi anladız ki, biz qərəzli deyilik, səhv yolda olan sizsiz. Hamı doğruları yazdığımı təsdiq etdiyi zamanda niyə inad edirsiz, bəlkə dayanıb ətrafınıza baxasız, niyə belə duruma düşdüyünüzü düşünəsiz? Axı, özünüz də məntiqsiz adam deyilsiz, hadisələri analiz etmək qabiliyyətiniz var.
 
Şuranın qərarı bizim uğurlu müdafiəmiz idi. Deməli, barrikadanı düzgün qurmuşuq, müdafiədə boşluğumuz yoxdu, haqq mübarizəsindəyik. Bəs, siz hücum taktikanızın niyə uğur gətirmədiyini düşünürsüzmü?
 
Cənab Axundov, illərdi futbol camiəsindəsiz. Yəqin ki, hələ uzun illər də bu sahədə olacaqsız. Bizim də idman jurnalistikasından daha yaxşı bacardığımız bir şey yoxdu. Deməli, hələ uzun illər birgə addımlayacağıq. Dalaşa-dalaşa, barışa-barışa. Amma biz kimsəyə düşmən deyilik və bunu zamanla görmüsüz.
 
“Keşlə”nin şübhəli oyunlarla bağlı mübarizəsində siz vardız və yanınızdaydıq. Hər xəbərimizi təsdiqləyirdiz, hadisələrin inkişaf ssenarisini yazırdıq, doğrulurdu. Günahkarların tapılmasında hamımızın rolu oldu, problem qismən yoluna qoyuldu. O vaxt da haqqın yanına idik, indi də. Siz hər dəfə fərqli cəbhədə olursuzsa, bunun günahı bizdə deyil, öz hərəkətlərinizə baxın.
 
Zaur bəy, hər nə qədər sizi 4 vəzifəyə layiq bilməsək də, bu şərəfə layiq görülmüsüzsə, deməli, nüfuz sahibisiz. Amma maraqlıdı: axı, siz niyə başqasının məsləhəti ilə oturub-durursuz? Öz ağlınız, məntiqiniz, mühakimə qabiliyyətiniz var, icraçı direktorunuz Rəmiş Malıyevin məsləhətinə nə ehtiyac? Bu adam başqa cəbhənin adamıdı və dostlarını, onların maraqlarını sizdən də, “Keşlə”nin maraqlarından da çox düşünür. Onun əli ilə sizi bizimlə üz-üzə qoyduqlarını görmürsüzmü?
 
Bu, həmin Malıyevdi ki, sizin kadrınız deyil, “Keşlə”yə sizə nəzarət üçün göndərilib. O sizi Rauf Əliyev qalmaqalında da pis vəziyyətdə qoymuşdu. AFFA boyda təşkilatın hüquqşünası olsa da, orta savadlı bir futbolçu ilə mübarizədə məğlub oldu. Sizi Raufu heyətə qaytaracağınıza inandırdı, vəd verdiz, yalançı çıxdız, nüfuzunuz zədələndi.
 
Daha neçə olay, Yuri Maksimovla müqavilə qalmaqalı və s. İndi də jurnalistlərdən şikayət etmək ideyası. Siz həmin müraciətə qoşma kimi göndərilən yazılara baxmısızmı? Hamısında AFFA izi var. Malıyev aşkar şəkildə sizin əlinizlə himayədarı, baş katib Elxan Məmmədovu müdafiə edir və sizdən bu oyunda alət kimi yararlanır. Belə aqibət ən azı cüssənizə yaraşmır.
 
Biz sizə dost deyilik, heç düşmən də deyilik. Sadəcə, eyni camiədəyik və futbolun müxtəlif istiqamətlərində varıq. Bizim işimiz təbliğatdı, tənqiddi, sizin işiniz düzgün idarəçilik, inkişafın təmin edilməsi və s. Biz düşmən olsaydıq və peşəkarlığa tüpürsəydik, sizi gözdən salmaq üçün hər yola əl atardıq.
 
Vaqif Cavadovu hansı səbəbdən komandadan göndərmək istədiyinizi, amma bunu niyə məşqçinin əli ilə etməyə çalışdığınızı bilirik. Məlum Antalya olaylarından da incə məsələdi. Arxayın olun, o səbəbə “adi məişət olayıdı” deyib, ürəyimizə kilidləmişik. Futbola dolayısı ilə dəxli olsa da, daha çox şəxsi məsələdi. Amma əmin olun ki, biz yazmasaq da, Malıyev o informasiyanı əvvəl-axır mətbuata çıxaracaq. Ətrafınızdan ehtiyatlı olun, kənarda düşmən axtarmayın.
 
Sizinlə kiçik bir döyüşün qalibi kimi danışmaq xoş deyil. O məğlubiyyətə sizi bacarıqsız sərkərdələriniz məcbur etdi. Topsuz-tüfəngsiz bizlər sizin məkrinizdən yabayla, dəryazla müdafiə olunduq. Haqq nazilsə də, üzülməz və biz o nazik iplə ilk təhlükədən qurtulduq. Ayılın və daha qalmaqallı məsələlərdən yox, futboldan danışaq.
 
Daha məşhur kinodan sitatı təkrarlamayacağıq, əksini deyəcəyik: tələs, Zaur, tələs! Ayılmağa və sizi səhv istiqamətə yönəldənləri tanımağa.
 
FƏRİD
 
P.S.: Sizə qarşı qərəzli olmadığımızı sübut etmək üçün daha bir fakt deyək, araşdırın. “Keşlə”yə yaxşı oyunçu kimi sırınan Miloş Bosançiçi bir də tibbi müayinədən keçirdin. O zaman linzalı bu oğlanın görmə qabiliyyətindəki qüsura şahid olacaqsız.

 
tarix: 08-08-2018 13:05


 
Xəbər lenti
20.02.2019

15:16   Kumanın yeni iş yeri məlum oldu

14:48   “Yuventus”da ciddi itki

13:46   Messi İnyestaya çatdı

13:24   Lisenziyalaşdırma qrupu UEFA seminarında

13:09   Millimizin rəqibi üçün Trinidad Tobaqo

12:42   Təmkin Xəlilzadə ata oldu: “Artıq bir yox, iki sevgilim var”

12:21   Millimizin üzvü: “Fiziki baxımdan bir qədər axsayırıq”

12:10   “Sevilya” “Latsio” ilə üz-üzə - YENİLƏNİR

12:01   “Hələ də şansımız qalır”

12:00   “Yuventus” “Atletiko”ya, MS “Şalke”yə qarşı - YENİLƏNİR

11:54   Kovaç heç-heçədən məmnundu

11:47   “Rubin” Balayevə qol vura bilmədi

11:37   Valverde azarkeşlərdən dəstək gözləyir

11:29   Klopp nəticədən razı deyil

11:15   “Səbail”ə gəlmədi, 1 aya 2 klub dəyişdi

11:00   Millimiz Avropa çempionatının sonuncu səbətində

10:48   Saşa Stamenkoviç: “Hər matç bizim üçün vacibdi”

10:43   Quliyev oynadı, “Spartak” heç-heçəyə razılaşdı

10:32   Riberi 100-ə çatdı

10:26   Suares sonuncu dəfə 2015-də qol vurub

10:17   “Yuventus” hücumçusunu satdı

10:03   Alman intizamı, yoxsa PFL Stuxlikin əli ilə “vurulur”?

09:47   Əli Babayev polislərimizi ələ saldı

09:35   “Barselona” Lionda qol vura bilmədi - VİDEO

09:25   “Liverpul”un “Bavariya” ilə heç-heçəsi - VİDEO

09:19   Şeydayev Səmədovun gəlişinə sevinir

09:12   Qurbanovun olduğu siyahıda Yurçeviçin tozu da yoxdu

09:00   Azərbaycan millisində azərbaycanlı niyə oynasın ki?

02:51   Çempionlar Liqasında qolsuz gecə

19.02.2019

22:55  Millinin baş məşqçisi: “Məşqdəki performansı oyunda görə bilmədik”

22:19  Ramil Şeydayev üçün 77 dəqiqə

20:50  Millimiz Türkiyəyə ilk oyunda məğlub oldu

18:10  AFFA-dan “Səbail”ə 2400 manatlıq cərimə

17:21  “Neftçi” “Səbail”lə oyuna da Aqilsiz hazırlaşır

17:04  “Sportinq”də daha bir erkən vida

16:24  “Espanyol”dan La Liqada yeni rekord

15:57  Premyer Liqa klubunun forvardı sıraya döndü

15:19  İqor Mitreski: “Həm “Neftçi”, həm də Bakı mənim qəlbimdədi”

14:55  Braziliya millisinin kapitanı “Barselona”da

14:34  Şeydayevsiz qələbə

13:51  AFFA “Keşlə”yə texniki məğlubiyyət verdi

13:32  Birinci Divizionda top və xərək daşıyanlara görə cəzalar

13:03  Rəfiyev şikayət etməyəcək: “Öz günahımızdan uduzduq”

12:57  İngiltərə klubuna casusluğa görə cəza verildi

12:36  Kapitan 220 gün sonra qayıdır

11:51  Stuxlikin tələbi VAR

11:45  Rauf 10 gündən sonra qayıdacaq

11:40  Dadaşovun oynamamasının səbəbi

11:02  Paşayev ermənilərə qarşı oynadı

10:51  Şeydayev yenidən Türkiyədə

10:39  1/4 final cütlükləri bilindi

10:31  Erat oynadı, komandası məğlub oldu

10:23  Vengerin favoriti

10:12  De Xeaya yeni təklif

10:01  AFFA-nın faydalı limiti: daha nələr etmək olar?

09:47  Milli komandada yeni baş məşqçi

09:30  Nəbiyev oynadı, “Slaviya” səfərdən xalsız döndü

09:21  Nani rəsmən ABŞ klubunda

09:14  “Sumqayıt”ın milliləşdirdiyi oyunçu: “Damarlarımda İsrail qanı axır”

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az