(+994) 050 678 37 80
(+994) 070 534 65 52

qaynar xətt

Vüsal Mahmudov
Tahir Süleymanov
Boğulan Azərbaycan futbolu

Boğulan Azərbaycan futbolu

Müzakirələr gedir...

Qol, budaq, yarpaq... Heç ağac da yada düşmür. Ağacın kökü isə çoxdan unudulub, unutdurulub...

BATE məğlubiyyəti müzakirə edilir. Oyundan sonra fikir bildirməyə nə var ki?!

İctimai nəzarət deyilən anlayış var. Belaruslular komanda sayılmırdı, "bomba" partlayandan sonra BATE "bomba" komanda olub artıq...
Oyun günü səhər 9-da axşam 21.00-da başlayacaq görüşün hansı məcrada keçəcəyini geniş təhlil etmişdim...

Azarkeş emosional fikirini bildirə bilər. Bu onun haqqıdır. Digərləri buna yol verməməlidir. Elə cəmiyyət arasında üzdən yanaşmanın da səbəbləri budur. Əksər azarkeşləri yanlış düşüncəyə təhrik edən, dərin təhlillər aparmaq əvəzinə futbolda olan problemləri "unutduran"lardır. Bəzi mütəxəssislər də futbolun problemlərini "unudub" "bomba" partlayışından sonra "bomba" fikirlərlə necə oynamaq lazım olduğunu bildirirlər... 
İlk görüş bitib artıq. Tutarlı analizlər oyundan öncə olmalı idi. Bunun üçünsə məsuliyyət, təhlil qabiliyyəti lazımdır. Belədə azarkeş də eyforiyaya qapılmaz, reallığı nəzərə alar, ümumi fikir yaranar və "Qarabağ"a, məşqçi, futbolçulara da müsbət təsiri dəyər, daha ayıq tərpənərdilər. "Fikirlərim birdən düz çıxmaz" düşüncəsi, 1-2 cümlə ilə millət niyə aldadılır?! Oyundan sonra isə "bağ belə, bostan belə" nağılları başlanır...

XXI-ci əsrdə yaşayırıq. Bir çox azarkeşlərin real duruma uyğun fikirləri bəzi futbolda olanların "təhlil"lərindən daha samballı, daha möhtəşəmdir. Belə fikirləri oxuyaraq sabaha ümid daha da artır. Deməli müasir azarkeşlərin əksəriyyəti futbolu bilir, yaxşını pisdən ayırd edir, futbolun ümumi durumunu gözəl anlayırlar. Və bunları kömək olmadan, öz təfəkkürləri ilə edirlər. Təsəvvür edin, futbola münasibət, doğru yönləndirmə olsaydı necə olardı?!
Futbol, ümumi təhlil qalıb kənarda, indi də bir səhv epizodun üstündə hamı qarışıb bir-birinə.

Birində qılınc, digərində xəncəl.

Epizodda səhv olmasaydı, futbol düzələcəkdi?!

Görüş 90 dəqiqə oynanılır, bir səhvi qollarla da cavablandırmaq olur...

Azərbaycan futbolunda yerini səhv salanlar isə qazandıqları milyonlarla istirahətə çıxıblar.

Dünən "Qarabağ"ı önə çəkib "futbolumuz inkişaf edir" deyənlərə elə cəmiyyət arasında belə "müzakirə"lər lazımdır. Yoxsa BATE-nin heyətinin 90% yerli futbolçulardan ibarət olması müzakirələri sərf etməz. "2005-2015 Dövlət Proqramı" qəbul ediləndə 5-10 yaşlı uşaqlar artıq 18-23 yaşlarındadır. Görəsən Azərbaycan futboluna yatırılan vəsaitin neçə faizi ilə Belarusun yerli futbolçuları 25 min azarkeş önündə, legionerlərdən ibarət komanda qarşısında at oynadırdılar. O azarkeşlər ki, 1-2 manata bilet alıb 30 qəpiklik metro, avtobus dərdi çəkirlər. Belaruslu yerlilər meydanda at oynatsın, 10 ildən çoxdur futboldakı "səhv"lər isə qazandıqları milyonlarla istirahətdə at çapsınlar. 

"Qəbələ" əvəzedicilərini ləğv edib mənasız "konsepsiya"ya üsyan etsin, "Qarabağ" daxil heç bir klub dəstək verməsin. "Şura"laşmış futbolumuzu Malta, Lüksemburq, Macarıstan klubları top əvəzi çiləsin, millət də ümidlə "Sevilya", PSV-ni arzulasın... 

Azərbaycan futbolu "boğulur", nəfəs ala bilmir artıq. Səhv edənlər problem deyil, bilərəkdən qlobal səhvləri "görməmək" problemdir. Yarpaq, ən yaxşı halda qol-budağın müzakirələri "sərfəlidir". "Epizod"lara başlar qarışsın, ağacın kökü yaddan çıxsın. 

Bölgə torpaqları da artıq şoranlaşıb, bar verən ağac əvəzinə kol-kos bitir. "Şoran"lıqda var-dövlət sahibi olanlar isə palma ağacları ətrafında öz keflərindədirlər.

Azərbaycan futbolunun problemləri bir oyunun epizodik səhvlərində deyil, münbit futbol torpaqlarını şoranlığa çevirənlərdədir.

Qarşıdan payız gəlir. Bir azdan müzakirə etməyə heç yarpaq da qalmayacaq, hamısı saralıb yerə töküləcək... 

TAHİR SÜLEYMANOV


 
tarix: 09-08-2018 21:14


 
Xəbər lenti
27.06.2019

01:10   “Sumqayıt” da başladı

26.06.2019

22:30  Premyer Liqada yay bazarlığı - YENİLƏNİR

19:45  “Neftçi”nin Rumıniya klubu ilə oyunu yarıda qaldı

18:33  İtaliya millisində baş məşqçi ayrılığı

18:00  “Messiyəm” dedi, 23 qadını aldadaraq…

17:30  “Sumqayıt”da ispan məşqçi - RƏSMİ

17:00  “Qəbələ”dən “Sabah”a – RƏSMİ

16:40  Paytaxt klubunda yeni təyinat

16:21  “Neftçili Yay” futbol düşərgəsi başa çatdı

16:00  “Qarabağ”ın rəqibi milli üzvü ilə gücləndi

15:40  “Neftçi”nin rəqibindən kubokda darmadağın

15:20  “Barselona”nın qapıçısı rəsmən “Valensiya”da

15:00  “Qəbələ”nin 3 yetirməsi “Şüvəlan”da

14:40  Aftandil Hacıyevdən darmadağına şərh

14:20  “Səbail”dən növbəti transfer - RƏSMİ

14:00  Çempionlar Liqasında yeni mövsümə start verildi

13:30  “Fənərbaxça”da ayrılıq

13:00  “Mançester Siti”dən Belçika klubuna - RƏSMİ

12:30  “Sent-Etyen”dən Super Liqa klubuna

12:02  “Mançester Siti”də ayrılıq

11:41  Kamerun qələbə, Qana heç-heçə ilə başladı

11:20  Azərbaycan klubu ispaniyalı məşqçi gətirdi

11:00  “Barselona” hücumçusunu satdı

10:30  FİFA-dan Türkiyə klubuna sərt cəza

10:00  “Barselona”dan “Everton”a - RƏSMİ

09:30  Azərbaycan çempionuna ÇL püşkü öncəsi şad xəbər

09:00  “Zalsburq”dan Super Liqa klubuna

00:27  Mirabdulla icarə müqaviləsi imzaladı

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az