(+994) 050 678 37 80
(+994) 070 534 65 52

qaynar xətt

Tahir Süleymanov
“Qarabağ”ın qəmləndirdiyi adamlar üçün 1-2 qeyd

“Qarabağ”ın qəmləndirdiyi adamlar üçün 1-2 qeyd

Rəşad Ergün email: futbolinfo@mail.ru


Siz indi oturub “bu ilin payızında Bakıda Çempionlar Liqasının himnini eşidə bilməyəcəyik” düşüncəsi ilə dərd edirsiz. 

Siz “Qarabağ”ın Çempionlar Liqasında mübarizəni dayandırmasında günahkar axtarırsız: dayanmadan tənqid etdiyiniz kapitan Rəşad Sadıqov, 8 komandalı mənasız çempionat, baş məşqçi Qurban Qurbanovun hansısa məqamda yol verdiyi taktiki səhvlər və ya ümumiyyətlə, səhvlər...

Düşüncələr ağır, simalar kədərli, bir az da qəzəbli, xəyallar yıxılmış və ya suya düşmüş, islanmış.

“Qarabağ” BATE səddini keçmək üçün əlindən gələni etmədimi, dostlar? Etdi - Allah da, siz də şahidsiz ki, etdi.

Çoxunuzun tənqid, azınızın müdafiə etdiyi veteran müdafiəçi, kapitan Rəşad Sadıqov “Qarabağ” Çempionlar Liqasında yoluna davam etsin deyə, bacardığı qədər mübarizə aparmadımı? Apardı - buna da Allah da, siz də şahidsiz.

Rəşad Sadıqov niyə oynamamalıdı? Niyə karyerasını bitirməlidi? Rusiyada keçirilən sonuncu dünya çempionatında Rəşaddan daha yaşlı neçə futbolçu çıxış etdi?

Biz gənc Mahir Mədətovu da ələ salırıq, tənqid edirik, yaşlı dediyiniz Rəşad Sadıqovu da. Yaxşı, kim oynasın onda? Azərbaycan futbolu təkcə “Qarabağ”dan ibarət deyil axı. Sabah Azərbaycan millisi Millətlər Liqasında uğursuz çıxış edən kimi hamı “yerli futbolçu” deyə, haray çəkəcək. Başa düşmürsüz, Azərbaycan futbolunun son 20 ilində Rəşad Sadıqovdan daha yaxşısı yetişməyib. Yetişibsə, adını çəkin. Azərbaycan futbolu “qısır”dısa, Rəşaddan daha yaxşısını yetişdirə bilməyibsə və ya ümumiyyətlə, yetişdirməyibsə, bunun günahı Rəşaddadırmı, yoxsa futbolçu yetişdirmək əvəzinə futbolu alverə çevirən “moşennik” klub rəhbərlərində, AFFA rəhbərliyindəmi?

Haşiyə: Berti Foqtsun Azərbaycan millisinin “sükanı arxasına” təzə keçdiyi vaxtlar idi. Millimiz səfərdə hansısa yığma ilə oynamışdı. Foqtsun AFFA-da jurnalistlərlə görüşü təşkil olunmuşdu. Alman məşqçiyə yığmaya dəvət etdiyi müdafiəçi Nodar Məmmədovla bağlı sual verib, onun milli komanda səviyyəsində oyunçu olmadığını demişdim. Foqts isə istehza ilə baxıb, “bizim səninlə futbol anlayışımız fərqlidir” kimi bir cavab vermişdi. Bilmirsiz, həmin o Nodara nə oldu?

“Qarabağ” BATE səddini niyə keçə bilmədi” sualına konkret cavab axtarırsızsa, boşuna zəhmət edirsiz. Bu sualın bir cavabı yoxdur. 5, 10, bəlkə də 20 cavabı var. Mənə görə ən vacib olanlar:

• BATE əslində çoxunuzun yuxarıdan aşağı baxdığı, “müdafiəyə oturmuşdu, utancverici futbol oynayırdı” düşüncəsindən uzaq bir rəqib idi. Belarus təmsilçisi hansı məqamda hücuma keçməyi, hansı dəqiqələrdə müdafiəyə oturmağı hesablayacaq, planlaşdıra biləcək qədər səviyyəli rəqib idi! BATE lazım olan nəticəni qazanmaq istəyirdi və qazandı da. Vəssalam! Bilmirəm, bu, sizi bir az sakitləşdirər, ya yox, hər halda... “Qarabağ” bizim “Kəpəz” səviyyəsində olan “Kukesi”yə uduzmayıb, Çempionlar Liqasında təcrübəsi olan, Avropada tanınan, səviyyəli bir komandaya uduzub.

• “Qarabağ” illər əvvəl Bakıda “Rusenborq”u məğlub edib mərhələ keçərək sürpriz edən komanda deyil daha. “Qarabağ”ı Avropada tanıyırlar. Avropa Liqasının, Çempionlar Liqasının qrup mərhələsində oynamış bir klub necə tanınırsa, elə tanınır “köhlən atlar”. Ağdam təmsilçisinin bir neçə il əvvəl Avropanın ortabab klublarını məğlub etmək üçün ortaya qoyduğu əzmkarlığı, motivasiyanı indi başqaları ona qarşı ortaya qoyur. Anlayırsızmı bunu? “Qarabağ”ın işinin ildən-ilə çətinləşdiyinin fərqinə varırsızmı?

• 8 komandalı çempionatda oynamaq üçün səviyyəli legioner transfer etmək çətindir, bəlkə də mümkün deyil. “Qarabağ” bütün legioner transferlərini demək olar ki, avrokuboklardakı oyunlarına görə həyata keçirir. Siz soruşun, görün çoxunuzun ağız büzdüyü, bəyənmədiyi İnnosent Emeqara 8 komandalı çempionatda, “Səbail”ə, “Keşlə”yə qarşı, özü də çox vaxt süni örtüklü meydançada oynamaq istəyirmi? Özünə hörmət edən futbolçu bütün bunları istəməz. Deməli, legioner futbolçu almaq məsələsi təkcə “Qarabağ”dan asılı deyil. Legionerlər “Qarabağ”la sadəcə, Çempionlar Liqasında, ən pis halda Avropa Liqasında oynamaq istəyir. “Qarabağ” hər il Çempionlar Liqasının, ya da Avropa Liqasının qrup mərhələsində oynamalıdır” kimi bir qayda isə yoxdur. Dünyanın ən nəhəng klublarından biri “Barselona”dır, hətta onlar üçün də “hər il, hər dəfə” deyə bir qayda, tələb yoxdur.

Yazmaq, yenə yazmaq, yenə səbəblər göstərmək olar. Amma... Dəyərli həmkarım Erkin İbrahimovun sosial şəbəkə hesabından “Qarabağ” mövzusunda yazdığı bu fikirlərə də göz atın və ürəyinizi sıxmayın, hər şey yaxşı olacaq:

“İdeal insan, ideal məşqçi yoxdur. Qurban Qurbanov hardasa səhv edibsə, bu da onun haqqıdır. Çempionlar Liqasının qrup mərhələsinə adlayan, inanılmazı gerçəkləşdirən bir məşqçidir. Hamımızda elə bir hiss var ki, Almeydalı, Pedro və Dinolu "Qarabağ" bu rəqibi keçərdi. Lakin kiçik ölkələri təmsil edən klubların taleyi budur. Bir uğurlu avromövsümdən sonra lider futbolçuları saxlamaq olmur.

Məğlubiyyətin əsas səbəbi isə Azərbaycan çempionatının mövcüd durumudur. BATE səviyyəsində rəqiblərlə "Qarabağ" ildə iki dəfə - Türkiyə və Avstriyada qarşılaşır. O da yoldaşlıq görüşlərində. Belarus çempionatında isə büdcəyə, oyunçu seçiminə görə BATE ilə müqayisə oluna biləcək azı iki klub var - Minskin və Brestin "Dinamo" adlı komandaları. Minsk "Dinamo"su keçən həftə Avroliqada "Zenit"ə 4 cavabsız qol vurdu. Yəni BATE tez-tez bu kimi səviyyəli rəqiblərlə öz çempionatlarında qarşılaşır. Hələ "Şaxtyor", "Vitebsk" kimi "boevoy" komandalar var Belarus liqasında”.


 
tarix: 15-08-2018 14:55


 
Xəbər lenti
24.01.2019

02:23   “Barselona” “Sevilya”ya ilk oyunda məğlub oldu

02:02   Təxirə salınan oyunda “Nim” sevindi

01:50   “Mançester Siti” finalda

01:01   “Keşlə” qazaxlara belə uduzdu - VİDEO

00:50   “Trabzonspor” və “Göztəpə” 1/4 finalda

23.01.2019

23:26  AFFA-nın milliləşdirdiyi oyunçu haqda: “Azərbaycanla əlaqəsi yoxdu”

23:01  "Qəbələ" günü bir məşqlə başa vurdu

22:50  “Qəbələ” – “Fakel” oyununun vaxtı açıqlandı

22:20  Bordin: "Çatışmazlıqlar üzərində işləyəcəyik"

22:03  "Slovan"ın baş məşqçisi: "Yüksək səviyyəli rəqibə qarşı oynadıq"

21:46  Mamadu Kane: “Məğlubiyyətə layiq deyildik”

21:38  "Oyunların hamısına ciddi yanaşırıq"

21:02  Qurban Qurbanov: “Almeydaya bir az vaxt lazım ola bilər”

19:51  “Qarabağ” heç-heçə oynadı - YENİLƏNİB

18:59  “Keşlə” yenə uduzdu - YENİLƏNİB

18:19  “Neftçi” “Slovan”a uduzdu - YENİLƏNİB

18:00  AFFA-nın Lisenziyalaşdırma qrupu ilə bağlı yoxlamanın nəticələri açıqlandı

17:50  “Sabah”ın da saytı var

17:00  “Atletiko” futbolçusunu geri qaytardı

16:25  Sabiq “Real”lı aşağı liqa klubunda

15:56  “Neftçi” transferini rəsmən açıqladı

15:12  “Sabah” vətənə qayıtdı

14:55  İtkin düşən futbolçunun son mesajı yayıldı

14:33  “Zirə” yenə tək qolla qalib gəldi - VİDEO

14:11  “Sevilya” yeni transferini itirdi

13:45  Bundesliqa klubunda yeni müqavilə

12:56  Tərlan Əhmədov: “Bu mövqeyə daha yaxşı futbolçu seçmək istəyirik”

12:20  Millimizin ruslarla heç-heçəsi - VİDEO

11:55  “Sumqayıt”dan “Vardar” üzərində inamlı qələbə - VİDEO

10:30  Demba Ba yenidən Super Liqa klubunda

09:30  Ronaldo Messiyə çatdı

02:58  “Valensiya” “Xetafe”yə ilk oyunda məğlub oldu

02:11  “Neftçi” yeni transferini rəsmən açıqladı - VİDEO

01:04  Elşad Əhmədov: “Hücum xəttində irəliləyiş olması müsbət məqamdı”

00:31  “Qalatasaray”dan qələbə, “Akhisarspor” 1/4 finalda

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az