(+994) 050 678 37 80
(+994) 070 534 65 52

qaynar xətt

Tahir Süleymanov
Qurbanovun cəsarətsizliyi, 2 fərdi səhv və hər şey “Neftçi” üçün

Qurbanovun cəsarətsizliyi, 2 fərdi səhv və hər şey “Neftçi” üçün

Topaz Premyer Liqasının cari mövsümündə 2-ci tura yekun vuruldu. “Neftçi” və “Qarabağ”dan başqa hamının xal itirdiyi yarışda komandaların iddiasına yavaş-yavaş aydınlıq gəlir. Düzdü, hələ fikir bildirmək üçün tezdi, amma müəyyən mənada 2 oyun da potensialı göstərməyə yetir.
 
İndiyəqədərki 7 oyundan ən baxımlısı dünən oynanıldı. Mərdəkandakı dueldə sürətli, aqressiv, eyni zamanda daha məzmunlu futbol seyr edə bildik. Bəlkə də rəqiblərin iddiası, daha səviyyəli və bir-birinə layiq olmasına görə belə mənzərə izlədik.
 
“Neftçi” – “Qəbələ” oyunu hazırkı çempionatın ümumi səviyyəsinin üstündə olan bir matç idi. Düzdü, ötən mövsümlərdə belə oyun qətiyyən diqqət çəkməzdi. Lakin indi ən yaxşı saya biləcəyimiz matç məhz bu idi.
 
“Neftçi” ötən turla müqayisədə daha yaxşı oynadı. Roberto Bordinin sürpriz start heyəti öz yerində, futbolçuların anlaşmasında, oyunun məzmununda da irəliləyiş var idi. İtaliyalı baş məşqçi çətin ki, komandasından tam razı qala, lakin “Sumqayıt”ı yendikləri matçla müqayisədə daha iddialı rəqibə qarşı oyunda müsbət məqamlar çox idi.
 
Amma komanda həmişə rəqibin imkan verdiyi qədər oynayır. Bu səbəbdən 2 fərqli hissə izləməyimizin bir səbəbkarı da “Qəbələ” idi. “Qırmızı-qaralar” seçdiyi taktika, yol verdiyi fərdi səhvlərlə bakılıların işini asanlaşdırdı. Qaliblər mühakimə edilmir – bu baxımdan “Neftçi”nin qələbəsinə kölgə salmaq olmaz. Lakin “Qəbələ”nin səhvlərindən bəhs etməliyik.
 
“Qəbələ” kimi komandalara “2 nömrə” kimi oynamaq yaraşmır. Baş məşqçi Sənan Qurbanov bu səhvi “Proqres”lə avrokubok matçında da etmiş, uduzmuşdu, dünən də təkrarladı. Müdafiəyə qapanıb, əks-hücumda şans axtarmaq “qırmızı-qaralar”ın üslubu deyil. Daim təzyiq altında oynamaq, rəqibə üstünə gəlməyə imkan vermək əvvəl-axır səhvə səbəb olmalıdı. “Neftçi” də bundan məharətlə yararlandı.
 
Müdafiədən hücuma çıxmaqda çətinlik çəkən qonaqlar arxada qısa ötürmələrlə oyun qurmağa çalışarkən ciddi səhvə yol verdi. Elvin Camalovun yanlış ötürməsindən sonra top sabiq oyundaşı Baqali Daboya düşdü, o isə reydini dəqiq zərbə ilə tamamladı. Elvin belə səhvləri tez-tez edir və növbəti “məhsuldar ötürmə”sindən sonra komandası çətin duruma düşdü. Hələ matçın 2-ci dəqiqəsində Bəhlul Mustafazadə də oxşar səhv etmiş, Dabonun qarşısını son anda Voislav Stankoviç almışdı.
 
İş ondadı ki, “Qəbələ”də Mustafazadə də etibarlı oynamır. Camalovun səhv ötürməsini gənc müdafiəçi sığortalaya bilmədi. Sənan Qurbanovun səhvi həm də onda idi ki, müdafiə zonanda təzyiq altında oynaya bilməyən belə “canlı bombalar” olduğu halda “Neftçi”ni üstünə çəkməməlisən. Camalovu fasilədə əvəzləyən və Stiven Monrozu meydana buraxan məşqçi yalnız bundan sonra oyunu dəyişə bildi.
 
İkinci hissənin əvvəlində “Qəbələ” özünə daha bir qol vurdu. Stankoviç təcrübəsinə yaraşmayan ehtiyatsızlıqla cinahdan öz qapısı önünə ötürmə etdi, “Neftçi”nin hücumçuları da bu hədiyyəni məmnuniyyətlə qəbul etdilər – 2:0. İtiriləsi heç nəyin qalmadığını görən qonaqlar yalnız bundan sonra ayıldılar. Və bunda “Neftçi”nin arxayınlaşmasının, təzyiqi azaltmasının da rolu oldu.
 
Qurbanovun Lalavele Atakoranı Rauf Əliyevlə əvəz etməsi ilə oyunun ssenarisi dəyişdi. Artıq təzyiq yaradan qonaqlar, müdafiə olunan bakılılar idi. Və “Qəbələ” 4-ü yüzfaizli olmaqla 10-a yaxın təhlükəli vəziyyət yaratdı. “Neftçi”nin cinahları su yoluna dönmüşdü, qapı qarşısına istənilən ötürmə qol epizoduna çevrilirdi. 1 zərbə tirdən döndü, 2 epizodda Monroz boş qapını nişan ala bilmədi. Yalnız 86-cı dəqiqədə Rauf əsl qolçu olduğunu göstərdi. Matç daha 5 dəqiqə uzansaydı, hesab bərabərləşə də bilərdi. Halbuki Sənan Qurbanovun 90 dəqiqə belə şansı olduğu halda, seçdiyi səhv taktika, cəsarətinin olmaması “Qəbələ”ni məğlubiyyətə məhkum etdi. Onun səhvləri isə Camalov və Stankoviçin simasında özünü büruzə verdi.
 
İstənilən halda, bu iki komanda layiqli rəqiblərdi və “Qarabağ”ın əsas izləyiciləri olacaqlar. İnkişafda olan “Neftçi” çoxdan həsrətində olduğu liderlik kürsüsündə əyləşib, qələbələr isə komandaya ruh verir. Səhvlərə rəğmən, xalların qazanılması komanda adına yaxşıdı. “Qəbələ” isə çempionatın səviyyəsinə görə pis futbol sərgiləmir. Yəqin bu məğlubiyyət Qurbanova dərs olacaq, onu daha cəsarətli edəcək. O, məşqçi kimi də inkişaf etməlidi. Dünənki oyunda rəqibin pressinqindən qurtulmaq üçün zonalara kəskin ötürmələr lazım idi. Bunu anlayanda hesab 0:2 idi və vəziyyəti düzəltmək üçün zaman yetmədi. Amma indi qabaqda 26 turluq zaman var.
 
AĞA

 
tarix: 20-08-2018 09:36


 
Xəbər lenti
17.11.2018

08:30   Millimiz Farer adaları ilə üz-üzə - YENİLƏNİR

01:46   Hollandiya Fransaya qalib gəldi, Ukrayna darmadağına üzüldü

16.11.2018

22:50  Millimiz Farer adaları ilə oyuna hazırlığı başa vurdu - FOTOLAR

21:22  “Qəbələ” yoxlama oyunu keçirəcək

20:22  “Sumqayıt”la “Qarabağ” yoxlama oyunu keçirəcək

20:02  Super Liqa klubunda Aykut Kocaman dönəmi

19:09  Rüfət Dadaşov: “Qol vurmaq mənim işimdi”

18:53  Qurban Qurbanov: “Rəqibin sürprizlərinə hazır olacağıq”

17:26  UEFA-dan “Qəbələ” üçün 25 min avro

17:01  Atli Qreqersen: “Bakıda qələbə qazanacağımıza inanıram”

16:55  Lars Olsen: “Azərbaycan ilə oyunu səbrsizliklə gözləyirik”

16:07  İspaniya yığması 68 il sonra bunu da gördü

15:48  Azərbaycanlı məşqçilər Tiflisdə

15:15  Kapitan 100-ə çatdı

14:54  UEFA Azərbaycan klublarına uşaq futbolunun inkişafı üçün pul ayırdı

14:23  “Topaz”: Hollandiya və Danimarka üçün son şans

13:49  Ayxan Abbasovun ilk məşqi - VİDEO

13:22  Əliyar Ağayev Millətlər Liqasının oyununa təyinat aldı

13:00  Runi son oyununa çıxdı

12:45  Foqts: “Millətlər Liqası dərhal ləğv olunmalıdı”

12:37  Samir Abasov: “Yer tutmamağımızı kənardakılar istədi”

12:30  UEFA-nın rəsmi tərəfdaşları Bakıda

12:23  Uşaq liqalarındakı RƏZALƏT

12:15  Əlvida, 4-cü səbət!

12:00  Vəli Qasımov üçün 10 qol

11:40  “Zirə”nin futbolçusundan millidə məhsuldar ötürmə

11:20  Nazarovun komandası Bundesliqa klubu ilə heç-heçəyə razılaşdı

11:00  Dadaşovun komandası “Borussiya”ya böyük hesabla uduzdu

10:40  İngiltərə ABŞ-ı belə darmadağın etdi - VİDEO

10:20  Almaniya yığmasından ruslara 3 cavabsız qol - VİDEO

10:00  “eTopaz”da günün canlı oyunları

09:40  Xorvatiya - İspaniya matçında 5 qol - VİDEO

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az