(+994) 050 678 37 80
(+994) 070 534 65 52

qaynar xətt

Vüsal Mahmudov
Natiq Muxtarlı
Tahir Süleymanov
İttiham yox, xəbərdarlıq: dünənki oyunları araşdırın!

İttiham yox, xəbərdarlıq: dünənki oyunları araşdırın!

Topaz Premyer Liqasında yaranan fasilədən istifadə edən klublarımız dünən 2 sınaq matçı keçirdi. "Sabah” "Sumqayıt”a, "Səbail” isə "Keşlə”yə öz meydanında uduzdu. Hər iki matç 1:2 qurtardı və hər ikisində hesabı meydan sahibləri açıb, sonda məyus oldular.
 
İlk baxışdan qeyri-adi heç nə yoxdu. Sınaq matçlarında hər cür nəticə mümkündü. Sadəcə, dünən bu oyunların internet vasitəsi ilə canlı “stavka”ya qoyulması diqqətimizi çəkdi. Bütün dünyada artıq sınaq matçları da qumara qoyulur və əsasən qeyri-leqal kontorlarda belə oyunlara pul qoyuluşu qəbul edilir.
 
Kimsənin oyun alıb-satdığını, danışığa getdiyini iddia etmirik. Sadəcə, AFFA-nın, klubların bu məsələlərə həssas yanaşması lazımdı. Divizion bu səbəbdən dağılıb, indi isə Premyer Liqanın eyni virusa yoluxması ehtimalı var. Asiya, eləcə də Balkan ölkələrində bu tip matçlara maraq böyükdü və hər cür “fırladılır”.
 
Hər iki oyunun “üst” qurtarması və ilk qolu vuranların sonda məğlub olması da şübhəlidi. Mərc oyunlarından xəbərdar olanlar bilir ki, məğlub komandanın oyunu çevirməsinin çox böyük əmsalı olur, “üst” isə hər iki tərəfin xəbəri olmadan da gətirilməsi mümkün olan sadə variantdı. Bu səbəbdən nəticələrlə matçların canlı “stavka”ya qoyulması haqda əlaqə axtarmağa dəyər.
 
Xüsusilə "Sabah”la "Sumqayıt”ın görüşünü araşdırmaq pis olmaz. İlk yarının qalib bitirən komandanın sonda uduzması 25-30 əmsalla ölçülür və bunu hətta matçın iştirakçıları da “nəzərə ala bilər”. Əhəmiyyətsiz oyunda öz komandasının məğlubiyyətinə pul qoyub, bunun 25-30 mislini qazanmaq adi işdi və bəzən məbləğlər futbolçuların illik maaşından da çox olur.
 
“Əlincə Arena”dakı oyunu önə çəkməyimizin səbəbi isə matçın ssenarisidi. 80-ci dəqiqəyə kimi hesabda öndə olsn “Sabah”ın buraxdığı qollara diqqət edilməsi lazımdı. Qələbə qolunu Filip İvanoviçin öz qapısından keçirməsi də maraqlıdı (Bu qolun videogörüntüsünə mütləq baxın). Yəqin ki, sona 10 dəqiqə qalmışa kimi qalib olan komandanın məğlubiyyətinin əmsalı üçrəqəmli olardı və bunun reallaşmasının nə demək olduğunu düşünün.
 
Təbii ki, bu, konkret ittiham deyil, xəbərdarlıq, araşdırılması üçün verilən tövsiyədi. Komandaların futbolçulara inamı tamdırsa, bizim sözümüz yoxdu. Amma vaxtilə divizion komandalarıyla bağlı da şübhələrimizi yazırdıq, matçdan öncə “Turan”ın MOİK-i uda-uda uduzacağını qeyd edirdik, “Bakılı”nın, “Şərurspor”un hoqqalarını öncədən xəbər verirdik, bizə inanmırdılar. Amma yekunda divizionla bağlı UEFA-dan gələn siqnallar bir çoxlarının cəzalandırılması ilə nəticələndi.
 
Bu qeydlərimiz də xəbərdarlıq xarakterlidi. AFFA, klublar xüsusilə Balkanlardan, Mərkəzi Avropa ölkələrindən, Ukraynadan, Gürcüstandan gələnlərdən ehtiyatlı olsun. Belələrinin sayı komandada 2 və daha çoxdusa, deməli, real təhlükə var. “Sabah”da və “Səbail”də 4, “Keşlə”də 3 belə oyunçu (üstəgəl məşqçi) olduğundan klub rəhbərliyi daha tədbirli olmalıdı.
 
AĞA

 
tarix: 03-09-2018 13:25


 
Xəbər lenti
20.07.2019
19.07.2019

23:53  Azərbaycan - Ukrayna matçı baş tutmadı

23:04  Dadaşovun komandası yeni mövsümə heç-heçə ilə başladı

22:31  “Sabah” ukraynalı qapıçı transfer etdi

22:19  UEFA “Fənərbaxça”nı cərimələdi

21:18  “Trabzonspor” argentinalı futbolçu aldı - RƏSMİ

18:30  Argentinalı hücumçu “Qarabağ”da?

18:00  Viktor Valdes yenidən “Barselona”da

17:30  “Azərbaycanda Avropa macərası yaşamaq istəyirəm”

17:00  “Qəbələ”də xorvatiyalı futbolçu - RƏSMİ

16:41  “Qəbələ” və “Neftçi”nin hər iki oyununun vaxtı təsdiqləndi

16:24  “Dandalk” Bakıya 150 minə gələcək

16:02  “Zirə” - “Keşlə” matçında 4 qol - VİDEO

15:44  “Atalanta”nın iki futbolçusu “Parma”da

15:25  UEFA Belçika klubunu Avroliqadan uzaqlaşdırdı

14:51  Keçmişi unutduranlar: göyərçinlə sünbül bir arada

14:40  2 dəfə “xərçəng”ə qalib gələn futbolçuya 7 illik müqavilə

14:21  “Qarabağ”dan nümunə götürməliyik”

14:00  Milli karyerasını başa vurdu

13:42  Azyaşlıya əxlaqsız təklif edən məşqçi tutuldu

13:34  “Atletiko”nun sabiq üzvü Argentina klubunda

13:24  Elnur Cəfərov yenə Rəfiyevin yanında

13:17  “İnter” hücumçusunu icarəyə verdi

13:01  Premyer Liqadan Çinə daha bir transfer

12:43  “Yuventus”un futbolçusu tibbi müayinədən keçə bilmədi

12:30  Premyer Liqada yay bazarlığı - YENİLƏNİR

12:20  “Arsenal” - “Neftçi” matçının biletləri satışda

12:00  “Barselona”nın futbolçusu rəsmən “Xetafe”də

11:45  Azərbaycan 26-cı pillədə qaldı

11:30  Samir Abasov: “Hər şey gözlədiyimdən də yaxşı keçdi”

11:15  “Qəbələ”nin gürcülərlə ilk oyununun başlama saatı məlum oldu

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az