(+994) 050 678 37 80
(+994) 070 534 65 52

qaynar xətt

Qələbə lazımdı, amma ən vacib olan bu deyil

Qələbə lazımdı, amma ən vacib olan bu deyil

Millətlər Liqası bizim üçün sabah başlayır. Amma artıq bu gün yeni turnirdə ilk oyunlar keçiriləcək. Avropanın müxtəlif stadionlarında yarışın ilk turu start götürəcək.
 
Bizsə hələlik U-21-i canlı izləyəcəyik. Yaşar Vahabzadənin vaxtında ümidlərimizi dəfn edən gənclər millimiz indi yalnız ilk qələbə, nəticənin nisbətən yaxşılaşdırılması üçün meydana çıxacaq. Samir Ələkbərovun baş məşqçi olduğu müddətdə də buna nail olmayan komandaya hazırda Rəşad Sadıqov başçılıq edir. Ola bilsin, o da imic baxımından fərqli görünmək, sələflərinin bacarmadığını etmək üçün nəticəni düşünəcək. Halbuki dəyməz…
 
21 millimiz bu gün Avropa çempionatının seçmə mərhələsində 8-ci oyununa çıxacaq. "Dalğa Arena"da rəqibimiz olan İsrail ötməyimiz mümkün olan yeganə rəqibdi. Lakin 6 xallıq fərqi qalan 3 turda əritmək yalnız riyazi cəhətdən mümkündü. İsrail daha xal qazanmamalı, biz isə 2 dəfə Norveçi yenməliyik.
 
Deyək ki, bütün bunlar reallaşdı və son pillədən qurtulduq. Axı, belə durum da heç nəyi dəyişməyəcək. Seçmə mərhələ Vahabzadənin xeyir-duasıyla çoxdan itirilib. Bu gün Sadıqov tamamilə fərqli hədəflərə köklənməli və riskdən çəkinməməlidi. Növbəti seşmə mərhələdə də 1 xalın ümidinə qalmamaq üçün gələcəyin komandası indidən formalaşmalı, daha gənc futbolçular ab-havanı hiss etməlidi. Məğlubiyyətlərdən qorxmadan gələcəyin komandasının quruculuğuna başlanmalıdı.
 
Yaxşı ki, Rəşad da bunun fərqindədi: “U-21-də qarşıya məqsəd qoymuşam ki, gələcək üçün əsas yığmaya futbolçu qazandıraq. Bu gün də komandama elə futbolçular cəlb etmişəm ki, gələcəkdə əsas yığmanın tərkib hissəsini təşkil edə bilərlər. Hazırkı 1996-97-ci il təvəllüdlərdən daha çox əsas yığmaya namizəd olacaq futbolçuları dəvət etmişəm. Qalan 14-15 nəfər isə U-21-in növbəti tsiklin futbolçularıdı. Prosesi yavaş-yavaş həyata keçiririk, bu matçda da yenə meydanda daha gənc futbolçuları görəcəyik”.
 
Sadıqovun İsraillə bugünkü oyunda əsas qayğısı müdafiə xətti ilə bağlıdı. Son məşqlərin birində Bəhlul Mustafazadənin sıradan çıxmasıyla vəziyyət daha da pisləşib. Üstəlik, bəzi futbolçular oyun praktikasının azlığından əziyyət çəkdiyindən baş məşqçinin narahatlığı başadüşüləndi.
 
İstənilən halda, İsrail hazırda yenməyimiz mümkün olan ən uyğun rəqibdi, daha zəifi yoxdu. Amma yalnız qələbəni düşünsək, daha vacib olan sabahı, gələcəyi yaddan çıxararıq. Bizə isə bu gün qələbə yox, yeni tsiklin komandasını formalaşdırmaq vacibdi. Azarkeşlər də, futbol ictimaiyyəti də bunu başa düşməlidi.
 
Sadıqov hazırda dilemma qarşısındadı. O, həm təzyiqlərdən çəkinərək nəticəni düşünür, həm də yeni tsiklin komandasını formalaşdırmaq üçün gələn seşmə mərhələdə də oynaya biləcək cavanlara şans verməyə çalışır. İkisi bir yerdə alınsa, lap yaxşı, amma bu gün prioritet hədəf yeni komandanın formalaşdırılması olmalıdı.
 
Sadıqovun xarakterinə bələd olduğumuzdan, deyə bilərik ki, o, bir neçə niyyəti özündə birləşdirən iş ortaya qoymağa çalışacaq. Həm sabahın komandasını formalaşdırmaq üçün bəzi risklər edəcək, həm də elə bu komandayla nəticə verməyə, ilk qələbəni qazanmağa çalışacaq.
 
Buna hansı oyunla nail olmaq isə daha vacibdi. Rəşad bu gün öz stilini ortaya qoymalıdı. Hansı ki, əsas millinin oyun üslubu ilə üst-üstə düşməlidi. Çünki yığma komandanın baş məşqçisi Qurban Qurbanov ona görə 6 illik müqavilə bağlayıb ki, bütün milliləri eyni oyun stilində oynamaq üçün formalaşdırsın, köməkçiləri, təyin etdiyi kadrlar da öz komandalarında bunu prioritet götürsün. Belə olsa, vəzifəsi əsas komandaya futbolçu hazırlamaq olan U-21-dən Qurbanovun sərəncamına hazır namizədlər, artıq onun üslubuna uyğun olanlar yollanar.
 
Bu gün İsraillə oyundu. Komandadan ümidverici oyun, eyni zamanda əsas milli ilə bağlı ümidlərimizi artıracaq nüanslar görmək istəyirik. Əsas komandanın gələcək uğurları üçün vahid sistemin işləməsi vacibdi və millilərə təyinatların 1 ilinin tamamında ilkin cücərtilər görünməlidi.
 
FƏRİD

 
tarix: 06-09-2018 09:20


 
Xəbər lenti
07.12.2019

16:10   “Liverpul”da ötən ayın ən yaxşı futbolçusu

15:21   La Liqada noyabrın ən yaxşı futbolçusu bəlli oldu

14:08   “Traktor”da Mustafa Dənizli dönəmi başa çatdı

13:47   “İnter” “Roma”yla bacarmadı - VİDEO

12:32   Yılmaz Vural yenə millimizə göz dikib?

12:00   Premyer Liqa klubunda yeni baş məşqçi

11:19   Stankoviç oyunundan razıdı: “Bu sualın cavabını bilmirəm”

10:14   Premyer Liqa klubunda baş məşqçi ilə yeni müqavilə

09:59   Namaşko hakimdən üzr istəyib: “Emosiyalara qapılmışdım”

09:44   Debütant rəqabətə hazırdı

09:30   İsrafilovlu “Albasete” evdə xal itirdi

09:15   Ramil Şeydayevsiz “Dinamo” darmadağına üzüldü

09:00   Dani Kintana: “Həmişə neqativ suallar verirsiz”

02:12   Hərəyə 2 qol, 1 xal

02:03   Lion “Olimpik”i səfərdə darmadağına sevindi

01:55   “Atletiko”dan “Vilyarreal”la heç-heçə

01:48   “İnter” “Roma” ilə heç-heçəyə razılaşdı

06.12.2019

23:40  “Fənərbaxça” 3 xalı 5 qolla qazandı

22:29  Ruslan Qurbanov: “Qol mənim adıma yazılsaydı, əla olardı”

21:46  “Qarabağ” - “Keşlə” oyununda 4 qol - VİDEO

21:22  Qurban Qurbanov: “Onlar daha artığına layiqdilər və qadirdilər”

21:12  “Mübarizədən qaçası deyilik” - Tərlan Əhmədov

20:50  “Qarabağ”la “Keşlə”dən məhsuldar heç-heçə

19:21  AFFA İcraiyyə Komitəsinin iclası keçiriləcək - Gündəlikdə 13 məsələ var

18:41  Bekhemin klubunun debüt edəcəyi tarix bilindi

18:09  “Arsenal”n forvardı 100-ə çatdı

17:42  Azərbaycanlı FİFA hakimi karyerasını bitirdi

17:20  Millimiz Monteneqroya məğlub oldu

17:00  Essyen: “Onlar mənim böyük məbləğə layiq olmadığımı düşünürdülər”

16:44  “Eddi İsrafilovla danışmışam, əhvalı yaxşıdı”

16:28  “Qarabağ”ın qapıçısını Superliqa klubu istəyir

16:10  “Çelsi”nin transfer qadağası ləğv edildi

15:57  Esyen Britaniya səfiri ilə görüşdü

15:48  Yuri Şikunov: “Dinamo” oyunu “Neftçi”yə verdi”

15:35  “Real”da daha bir ciddi itki

15:27  Ən gənc məşqçilər Azərbaycan Premyer Liqasındadı

15:11  Millimizin oyunu qumara qoyulubmuş: Obradoviç və 5 futbolçu şübhəli rolunda

14:53  Fransa klubunun sahibi dəyişdi

14:36  “Səbail”in qapıçısı Türkiyə klubundan pulunu tələb edir

14:14  Azərbaycan kubokunun qalibi Avroliqaya hansı mərhələdən başlayacaq?

13:51  Azərbaycanı təmsil edəcək FİFA referilərinin siyahısı

13:33  “Zirə”nin “Səbail”lə 10-cu görüşü

13:15  Dırnaqarası Ponomaryov

12:56  “Yuventus” onun xidmətindən məhrum oldu

12:34  “Real”da “El klasiko” öncəsi ciddi itki

12:17  Biliç türklərə “göylə getməməyi” məsləhət gördü

12:02  “Arsenal” 1977-ci ilə qayıdır

bütün xəbərlər >>>

Ən çox oxunan
Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az