(+994) 050 678 37 80
(+994) 070 534 65 52

qaynar xətt

Vüsal Mahmudov
Tahir Süleymanov
Baş katibin qadağası və viski qonaqlığı

Baş katibin qadağası və viski qonaqlığı

AFFA-nın baş katibi Elxan Məmmədovun pozasına baxın. Sanki Kosovoyla oyunun şərəfinə badə qaldırır. Nə qələbə var, nə məğlubiyyət, heç-heçə zamanı da viski içib, sağlıq deməyə imkan var. Axı, bu nəticə də elə onun qələbəsidi.
 
Fotolar matçdan öncə, rəsmi ziyafət zamanı çəkilib və Kosovo Futbol Federasiyasının rəsmi saytına yerləşdirilib. Bizimkilər belə fotoları verməyə cəsarət etməz, amma xarici mənbələrdən bəzən belə məlumatlar tapırıq.
 
Elxan Məmmədovun ətrafına diqqət edin. Bakı Olimpiya Stadionunun direktoru Cavid Qarayev, İcraiyyə Komitəsinin üzvləri – İsgəndər Cavadov və Vaqif Sadıqov. Ölkə futboluna heç bir fayda verməyən, yalnız maaşa, paketə qonanlar, yeyib-içmək məclislərinin daimi sakinləridi. Heç biri əlini daşın altına qoymur, ancaq hazıra nazil olurlar. Guya rəsmi mərasimlərdə futbolumuzun simalarıdı, halbuki futbolumuzun əsl üzü dünən meydana çıxan milli komandamız idi. Onun nə gündə olduğuna da hamınız şahidsiz.
 
Zaman keçəcək və bir neçə ildən sonra meydana buraxmağa 11 nəfər tapmayacağıq. O zaman yenə bu adamlar viski məclisində sağlıq deyəcək, ayaq altına salınansa Azərbaycanın imici olacaq.
 
Rəsmi ziyafətdi – olmalıdı, amma bununla yanaşı, komanda da, futbol da, inkişaf da olmalıdı. Gəl ki, AFFA-nın rəsmi tədbirləri təmtəraqlı, görməli olduğu əsas işlər zir-zibillidi. Viskidən xumarlanan gözlərlə meydandakı rəzaləti görməyənlər ola bilər, heç olmasa, ayıq olanlar anlasın.
 
0:0 bitən matçdan sonra jurnalistlər AFFA prezidenti Rövnəq Abdullayevlə müsahibə üçün gözləyirdi. İnsaf naminə o da həvəsli idi, həmişə mətbuata isti münasibətdə olub. Amma VIP-girişin önündə onun baxışları qəflətən Elxan Məmmədovla toqquşdu.  “Müsahibə verimmi” sualı ilə. Aylardı Abdullayevi mətbuatdan gizlədən, tədbirlərdən “qaçırdan” Məmmədov qəribə üz ifadəsi ilə “olmaz” dedi və Rövnəq bəy də maşına tələsdi.
 
Bu fakt AFFA-nı kimin idarə etdiyini bir daha göstərdi. Abdullayevə də sərfəlidi – biabırçılıqlara görə də Məmmədov məsuliyyət daşıyır. Ancaq onun ağlına da gəlməz ki, Exan bəy lazım gələndə taktika işlədə bilir. Məsələn, 2 gün öncə Sumqayıt stadionundan çəkilmiş fotosessiyada baş katib yox idi. Tənqidlər, təzyiqlər çoxalan kimi, baş katib protokol qaydalarına da tüpürərək qeyb olur, Abdullayevi hədəfə çevirir.
 
Məmmədov badə qaldırır. Azərbaycan futbolunun məhvini yekunlaşdırması, öz monopoliyasını tam bərqərar etməsi şərəfinə…

 
tarix: 08-09-2018 13:52


 
Xəbər lenti
17.06.2019

09:30   La Liqaya son vəsiqə üçün son 2 namizəd

09:00   Turalla Vüqar oynadı, “Dauqavpils”...

01:00   Premyer Liqada yay bazarlığı - YENİLƏNİR

16.06.2019

23:18  “Neftçi”nin Türkiyədəki 2-ci günü - VİDEO

23:06  “Qəbələ” Polşada 9-cu oldu

22:49  “Səbail”in Bolqarıstandakı bütün rəqibləri məlum oldu

19:37  Premyer Liqada hamı bu topun arxasınca qaçacaq - FOTO

18:57  Argentina yığması 40 il idi bu aqibəti yaşamırdı

17:27  “Yuventus”un yeni baş məşqçisi rəsmən açıqlandı

16:07  “Neftçi”dən yeni transferi ilə 2 illik müqavilə

15:34  Monroz “Neftçi”də - VİDEO

15:16  Dünya çempionatının ən yaxşıları açıqlandı

13:39  “Neftçi”nin daha bir rəqibi müəyyənləşdi

12:24  Qurban Qurbanov: “Bizə son variant kimi baxırlar”

11:50  Argentina məğlubiyyətlə başladı

11:44  AFFA dövlətlə azarkeş (xalq) arasında uçurum yaradıb

11:01  “Zirə” Bolunu seçdi

10:45  Tovuz və Gəncə azarkeşləri də Elxan Məmmədovun yalanlarından bezib

10:30  Serb hücumçu Bundesliqa klubunda

09:31  Super Liqa klubunda bir transfer, iki ayrılıq

00:24  Emil Balayev oynadı, “Tobol” qalib gəldi - VİDEO

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az