(+994) 050 678 37 80
(+994) 070 534 65 52

qaynar xətt

Tahir Süleymanov
ONU DEYİRLƏR: Elxan Məmmədovun çürük sisteminin nəticəsi

ONU DEYİRLƏR: Elxan Məmmədovun çürük sisteminin nəticəsi

Gərək ki, bizə elə Region Liqası lazımdı. Prokurorların, polis rəislərinin istirahətini təmin etmək üçün həvəskar yarışı. Başlarını qatsınlar...
 
Ya da uşaq liqalarından fərqi olmayan I divizion. Əvəzediciləri burax, oynasınlar. Onsuz da bu ölkədə futbolçu yetişdirmək, inkişaf heç kimə lazım deyil. Hamı baş qatır...
 
Maltanı da yenə bilmədik. Hə, nə olsun? Guya udsaydıq, nə olacaqdı? Bu futbolçularla, belə oyunla hara kimi gedə bilərik ki? Udub baş qatmaqdansa, elə bu cür nəticə yaxşıdı. Bəlkə SOCAR-ın (xalqın) pulunu futbola təhkim edən dövlət rəhbərlərindən kimsə hesabat istədi. Sonu ölümdüsə, sürünmək nəyə lazım, elə qoy, indidən hər şey məhv olsun...
 
Heç bir halda Qurban Qurbanovu günahkar hesab etmirəm. Səhvlər var, o da aydan arı, sudan duru deyil. Lakin Kosovoyla matçdakı heyətin qurulmasıyla bağlı tənqidlərimizi qəbul edib, Maltada bir neçə fərqli oyunçuya güvənməsi nəyi dəyişdi ki? Hamısı aşağı-yuxarı eyni səviyyəli futbolçulardı. Daha doğrusu, futbolçuyabənzərlər...
 
Bu ölkəsinin millisinin, ümumiyyətlə, futbolunun dərdi idarəçiliklə bağlıdı. Hələ əvvəlkilər bir yana, Berti Foqts, Robert Prosineçki, Qurban Qurbanov... Nəsə dəyişirmi? Deməli, idarəedici başları dəyişmək vaxtıdı. Ölkədə futbolçu yetişmir, yetişdirilmir. AFFA-nın indiki rəhbərliyinin hakimiyyətdə olduğu son 11 ildə dövlət futbola 2 milyard manatdan çox vəsait ayrılmasına şərait yaradıb, lakin nəticə baxımından heç nə dəyişməyib.
 
Daha bundan aşağısı, dibi yoxdu. Milli ən zəif yığmalarla bacarmır, ölkədə klub sayı müstəqillik tariximizdə ən zəif göstəricidədi, xaricdə ölkədən yetişib getmiş legionerimiz yoxdu, ümumiyyətlə, yerli futbolçu potensialımız biabırçı durumdadı. Artıq məşqçiləri yox, AFFA rəhbərliyini dəyişməyin, sistemi silkələməyin vaxtıdı.
 
Qurban Qurbanovlu “Qarabağ” çoxlarına hələ də yuxu kimi gələn tarixi yazır. Ardıcıl 5 il avrokuboklarda qrupda oynamaq sıradan hadisə deyil. Amma bu məşqçi də millini irəli apara bilmirsə, deməli, problem səriştəsizlərin qurduğu sistemdədi. “Qarabağ” rəhbərliyinin qurduğu sistemlə AFFA-nın tətbiq etdiyi sistem arasındakı fərqlər nəticələrdə özünü büruzə verir.
 
İndi yeni qurban axtarılır. AFFA rəhbərliyi baş məşqçiyə heç bir dəstək vermir, əksinə, onun hədəfə çevrilməsi üçün pərdə arxasında hər cür oyun çevirir. Hətta baş katib Elxan Məmmədov onun ölkə başçısının təşəbbüsü ilə milliyə gətirilməsini də vecinə almır, Qurbanovun uğursuz olması, yerinə Di Matteo və ya başqa bir əcnəbinin gətirilməsi üçün hər şey edir. Qurban bəy dürüst işləyən biridi, AFFA rəhbərliyinə isə arxasında kölgələnib min oyun çıxaracaqları fırıldaqçı əcnəbi, hoqqabaz Berti kimisi lazımdı.
 
Elə bu səbəblərdən Qurban Qurbanov – Rəşad Sadıqov tandeminin vurulması, gözdən salınması üçün hər şey edilir. AFFA-dakı məkrli dəstə bu şəxslər öz seçimləri olmadığı üçün onların məğlubiyyəti üçün hər şey edir. Qurbanov da bacarmasa, əllərində əsas olacaq, 11 ildə uğur qazanmamalarına “ən güclü saydığımız məşqçi də bacarmadı” bəhanəsiylə don geyindirəcəklər. İndiki məşqçilərin uğuru isə onların ifşası olacaq. Bu səbəbdən Qurbanovun uğur qazanması AFFA-ya lazım deyil.
 
Qurbanov milli komandalar departamenti qurmaq istəyir, AFFA isə onun adi ofis tələbini yerinə yetirmir, işləmək üçün adi şəraiti əsirgəyir. Çünki Qurban bəy sabit iş yerinə, işçi komandaya sahib olsa, öz sistemini tətbiq edəcək, hər şeyi sıfırdan düzəldəcək. Bu isə assosiasiyanın boz kardinalı Elxan Məmmədova sərfəli deyil. Milli uduzur, o, hər dəfə fiqurları dəyişir, özü AFFA prezidentinin nüfuzu arxasında gizlənib əsas islahatçı, işçevirən olur və zaman öldürür. Üstəlik, şəxsi biznesini çiçəkləndirir, futboldakı bütün sahələrin – geyim, idman ləvazimatları təminatı, stadion xərcləri, qidalanma və s. – bir əldə cəmləşdirir, klublara dostlarını, tanışlarını yerləşdirib, iş çevirir.
 
Dünənki oyunla bağlı yazmaq üçün əsas yoxdu. Kökü çürük ağacın saralmış yarpaqlarını tərənnüm etməklə bahar ab-havası yaratmaq olmaz. Ölkə rəhbərliyi futbol siyasətinə yenidən baxmalı, bu sahəni doğru insanlara tapşırmalı, nəticə tələb etməlidi. Məşqçiləri dəyişməklə heç nə əldə etməyəcəyik.
 
Elxan Məmmədovun bacardığı mənasız topçiləmə festivalları təşkil etmək, perspektivsiz Region Liqası yaratmaq, divizion oyuncaq yarışa çevirməkdi. Və kimi dindirisən, kimdən nəsə soruşursan, onu göstərirlər, ONU DEYİRLƏR...
 
VÜSAL MAHMUDOV

 
tarix: 11-09-2018 09:00


 
Xəbər lenti
26.04.2019
25.04.2019

23:06  “Qalatasaray” darmadağınla finalda

21:33  Ramil Şeydayev oynadı, komandası yenə uduzdu

19:33  Millimizin rəqibi yoxlama oyunu keçirəcək

19:00  “Bavariya” rekordunu yenilədi

18:24  “Mançester Siti” və Qvardioladan rekord

17:50  AFFA Gəncə şəhər stadionu ilə bağlı tender elan etdi

17:25  Azərbaycanda işləmiş məşqçidən Ayaz Quliyevə sərt tənqid

16:58  “Zirə”nin beş futbolçusu üçün ilk

16:21  40 il sonra gələn antirekord

15:43  “Üç xal qazana bilsək, bürünc medallara çox yaxınlaşacağıq”

15:26  İlk heç-heçə: 5-ci quru oyun

15:08  İtaliyalı futbolçu “Qarabağ”la oyunu unutmur

14:42  Şimşək çaxdı, oyun təxirə salındı

14:07  “Ayaks” 12 yaşında klubu təhqir edən futbolçunu transfer etdi - VİDEO

13:30  Premyer Liqada mövsümün rəmzi komandası

13:07  HAŞİYƏ: “Vandallar Bakıda tarixi abidəni dağıtdılar”

12:39  Premyer Liqada 26-cı tur rəqəmlərin gözü ilə

12:18  İki ildən sonra: Yenə yarımfinalda

12:01  “Sumqayıt” “20”-yə çatdı

11:54  Qvardiola tələsmir və… qadağa qoyur

11:45  Sulşer rəqibi tərifləyir

11:29  AFFA Region Liqası ilə bağlı qərar verə bilmir – araşdırma gedir

11:01  İtaliyada Bordinə şans vermədilər

10:30  Matç zamanı ağzına arı girdi, xəstəxanalıq oldu - FOTO

10:03  Azər Əliyevin komandası qələbəni əldən verdi

09:54  Lisenziya intizarı: AFFA klubların maliyyə hesabatını gözləyir

09:47  Quluzadənin komandası 4 qola üzüldü

09:21  Paşayev oynadı, komandası qalib gəldi

09:00  “Bakı” ölkədən, FIFA futboldan qovdu – danışılmış oyunlara görə

01:25  “Atletiko” “Barselona”nın çempionluğunu ertələdi

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az