(+994) 050 678 37 80
(+994) 070 534 65 52

qaynar xətt

Vüsal Mahmudov
Tahir Süleymanov
26 yaşında itirdiyimiz Elvin

26 yaşında itirdiyimiz Elvin

Milli komandamız tarixinin ən pis heyətinə malikdi. Ustalıq səviyyəsinin aşağı, alternativ namizədlərin qıt olduğu bir dönəmdə demək olar, bütün mövqelərdə axsayırıq.
 
Xüsusilə hücum xəttində və müdafiənun mərkəzində ciddi sıxıntılar var. Baş məşqçi Qurban Qurbanov milliləşdirilən Deniz Yılmazı 9 ay ərzində hətta sınamağı da lazım bilmədi. Rauf Əliyev, Ramil Şeydayev, vəssalam, başqa namizəd yoxdu.
 
Müdafiədə vəziyyət xüsusilə acınacaqlıdı. Mərkəzdə Bədavi Hüseynovla yanaşı oynayacaq digər oyunçu gözə dəymir. Ruslan Abışov ağır zədə alıb, Rəşad Sadıqov karyerasını bitirib və məşqçilər məcburiyyətdən Maksim Medvedevi cunahdan ortaya çəkib. İdeal cütlük deyil, amma mümkün variantlar arasında ən yaxşısıdı.
 
Bəs, sabah onlardan biri zədələnsə və ya cəzalı duruma düşsə, necə olacaq? Ehtiyatda RahilMəmmədov var, bir də Ürfan Abbasov məcburiyyətdən burada oynadıla bilər. Hər ikisi də ciddi oyunlar üçün yararsızdı. Rəşadı milliyə qaytarsaydılar, ona ümid etməyə dəyərdi. Hər nə qədər yaş amilini önə çəksək də, Sadıqov alternativlər arasında ən yaxşısıdı. Ondan 1 yaş böyük olan Mifsud Maltayla oyunda Bədavidən penalti “qopardısa”, Rəşadın hələ də yülsək səviyyədə oynamasına şübhə etməməliyik. Amma qərar verilib, Sadıqov U-21-ə zorən baş məşqçi təyin olunub, üzünə millinin qapıları bağlanıb. Özü qayıtmaq istədiyini aşkar göstərsə də, vecə alan yoxdu.
 
İstənilən halda, biabırçı mənzərədi. U-21-də də bu mövqe üçün sanballı namizəd yoxdu. Eltun Turabov və Bəhlul Mustafazadə hətta yaşıdları arasında seçilmir, o ki qaldı əsas milli ola. Amma bir nəfəri deyəsən, hamımız unutmuşuq axı…
 
Ötən mövsüm “Qarabağ”ın Çempionlar Liqasındakı kritik matçlarında, Premyer Liqa oyunlarında, milli matçlarda ciddi zədələnmiş Bədavini əvəzləyən Elvin Yunuszadə var idi. 26 yaşı var və hazırda klubsuzdu. Superistedad deyil, səhvləri ilə də diqqət çəkirdi, amma vacib anlarda komandaya ciddi kömək edirdi. Lakin itirdiyimiz bir çox istedadlar kimi, onun da qeybə çəkilməsinə razı olmuşuq.
 
Hardadı, kiminlə məşq edir, futbolu atmayıb ki? Bilmirik. Amma bu gün ona ehtiyac var. Qurban Qurbanovun ona necə dəstək verdiyini də bilirik. Şıltaqlığına, intizamsızlığına bir müddət dözdü, yayda yola saldı. Deyək ki, “Qarabağ”da ona ehtiyac yoxdu, bəs, milli komanda?
 
AFFA bir çox istedadların üstündən xətt çəkib, yeni nəsil yetişdirməmələri bir yana, olanların da qayğısına qalmayıb. Neçə-neçə futbolçu diqqətsizlik üzündən karyerasını erkən başa vurub. Elvin də onlardan biri olmaq üzrədi. Halbuki bu oyunçuya diqqət göstərmək, onu qazanmaq, ağıllandırmaq lazımdı. Deyək ki, “Qarabağ” üçün yararlı biri deyil, amma Qurbanov milli naminə bu futbolçuyla maraqlanırmı, onun hardasa yeləşdirilib oyun praktikası qazanması üçün cəhd göstərirmi?
 
Təəssüf ki, yox. Halbuki Fuad Musayev AFFA prezidenti olarkən bəzən qaydaları dəyişib milli üzvlərini harasa yerləşdirir, onlara yeni həyat verirdi. İndiki assosiasiya rəsmiləri isə buna cəhd də etmir. Halbuki milli komanda naminə bunu etmək lazımdı. Onsuz da bərbad müdafiə xəttini gücləndrmək üçün belə təcrübəli futbolçuya ehtiyac var. Elvinin meneceri deyilik, lakin reallıq bunu tələb edir.
 
Yunuszadə “Neftçi”yə də yararlı ola bilər. Mərkəz müdafiəçisi axtaran bakılıların öz yetirməsinə biganəliyi xoş deyil. Və ya “Sumqayıt” Qvanzav Maqomedov kimi faydasız milliləşənləri heyətdə bəsləyincə Elvinə qucaq aça bilərdi. Ən əsası, bunda AFFA maraqlı olmalıdı. Bəlkə də meneceri Riad Rəfiyev olsaydı, Yunuszadə hətt Portuqaliyada da iş tapardı. Elvinsə kiməsə baş əyən biri deyil, ona görə kənarda qalıb.
 
AFFA zaman-zaman milli oyunçularını düşündüyünü göstərib. Elnur Cəfərov xaraktercə Elvindən də çətin birisidi. Ona bütün Avropanı gəzdirdilər, indi də “Keşlə”yə yerləşdirilib. Və ya Andrey Popoviç – içki düşkünü ola-ola ukraynalını müxtəlif klublara göndərdilər, az qala bu yay yenidən “Sumqayıt”da bəyəniləcəkdi. Milli naminə yox, Rəfiyev və dostlarının cibinə xidmət etdikləri üçün. Halbuki Yunuszadə daha faydalı oyunçudu, Çempionlar Liqası təcrübəsi var və daha çox ehtiyac duyulan mövqedə oynayır.
 
Görünən odur ki, nə Qurbanov, nə də AFFA-dakılar bu oyunçu ilə hətta maraqlanmır da. Millini düşünsəydilər, Yunuszadə üçün mütləq şərait yaradardılar. Bu gün millinin Elvinə daha çox ehtiyacı var. Rəşadsız oynayanda ayağı-ayağına dolaşan Bədavidən də, məcburən mərkəzə çəkilmiş Maksimdən də… İnsanı silib atmaq asandı, onu qazanmaq, cəmiyyətə qazandırmaq lazımdı. Nazına dözə-dözə, tərbiyə edə-edə. Elvin dağıstanlı, Almaniya türkü, ukraynalı olsaydı, AFFA bunu mütləq edərdi...
 
FƏRİD

 
tarix: 13-09-2018 09:00


 
Xəbər lenti
27.06.2019

01:10   “Sumqayıt” da başladı

26.06.2019

22:30  Premyer Liqada yay bazarlığı - YENİLƏNİR

19:45  “Neftçi”nin Rumıniya klubu ilə oyunu yarıda qaldı

18:33  İtaliya millisində baş məşqçi ayrılığı

18:00  “Messiyəm” dedi, 23 qadını aldadaraq…

17:30  “Sumqayıt”da ispan məşqçi - RƏSMİ

17:00  “Qəbələ”dən “Sabah”a – RƏSMİ

16:40  Paytaxt klubunda yeni təyinat

16:21  “Neftçili Yay” futbol düşərgəsi başa çatdı

16:00  “Qarabağ”ın rəqibi milli üzvü ilə gücləndi

15:40  “Neftçi”nin rəqibindən kubokda darmadağın

15:20  “Barselona”nın qapıçısı rəsmən “Valensiya”da

15:00  “Qəbələ”nin 3 yetirməsi “Şüvəlan”da

14:40  Aftandil Hacıyevdən darmadağına şərh

14:20  “Səbail”dən növbəti transfer - RƏSMİ

14:00  Çempionlar Liqasında yeni mövsümə start verildi

13:30  “Fənərbaxça”da ayrılıq

13:00  “Mançester Siti”dən Belçika klubuna - RƏSMİ

12:30  “Sent-Etyen”dən Super Liqa klubuna

12:02  “Mançester Siti”də ayrılıq

11:41  Kamerun qələbə, Qana heç-heçə ilə başladı

11:20  Azərbaycan klubu ispaniyalı məşqçi gətirdi

11:00  “Barselona” hücumçusunu satdı

10:30  FİFA-dan Türkiyə klubuna sərt cəza

10:00  “Barselona”dan “Everton”a - RƏSMİ

09:30  Azərbaycan çempionuna ÇL püşkü öncəsi şad xəbər

09:00  “Zalsburq”dan Super Liqa klubuna

00:27  Mirabdulla icarə müqaviləsi imzaladı

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az