(+994) 050 678 37 80
(+994) 070 534 65 52

qaynar xətt

Vüsal Mahmudov
Tahir Süleymanov
Yeni komitəyə sürpriz sədr

Yeni komitəyə sürpriz sədr

AFFA İcraiyyə Komitəsinin bugünkü iclası yeni təyinatla əlamətdar ola bilər. Hakimlər və Hakim-İnspektorlar Komitələrinin birləşməsindən sonra vahd qurumun rəhbəri seçilməlidi.
 
Futbolinfo.az xəbər verir ki, artıq yeni rəhbərin kimliyi AFFA rəhbərliyi üçün dəqiqləşib. Ola bilsin, İK-nın yığıncağında yeni sədrin adı açıqlansın. Xaqani Məmmədovun istefaya göndəriləcəyi dəqiqdi. Amma Hakimlər Komitəsindən fərqli, Hakim-İnspektorların rəhbəri Əli Hüseynov bir müddət icraçı ola bilər. Yeni təyinata kimi qurum başsız qalmamalıdı.
 
Amma AFFA özlüyündə yeni sədri seçibsə, onlar hər ikisi yola salınacaq və ola bilsin, gün ərzində və ya sabah təyinat rəsmiləşəcək. İK bu hüququ katibliyə verəcək və baş katib Elxan Məmmədov da missiyanı bitirəcək.
 
Dünəndən mətbuatda bir sıra namizədlərin adı hallanır. Əcnəbi sədrlə bağlı deyilənlər güman ki, iz azdırmaq üçündü. Çünki AFFA-nın hazırda xaricdən mütəxəssis gətirmək üçün böyük imkanları yoxdu. Ən imkanlı dövrlərində buna ehtiyac duymayan assosiasiyanın indi belə addım atıb əlavə problem yaratması çətin məsələdi.
 
Güman ki, yerli kadrlardan biri vəzifə başına gətiriləcək. Bu təyinatın sürpriz olması da istisna deyil.

 
tarix: 14-09-2018 09:59


 
Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az