(+994) 050 678 37 80
(+994) 070 534 65 52

qaynar xətt

Tahir Süleymanov
Saqqallı futbol

Saqqallı futbol

Millinin oyunlarına görə Topaz Premyer Liqasına verilən fasilə bitdi. Dünən 4-cü turun ilk oyununda üz-üzə gələn “Qarabağ”la “Sumqayıt” siftə etdi.
 
Açılış oyunu bir sıra məqamlarla yadda qaldı. Ağdamlılar yığmaların düşərgəsindən dönən bir sıra üzvlərinin yorğunluğu üzündən xeyli əziyyət çəkdi. Avrokubok matçına görə dincəldilənlər, zədəli legionerlər öz yerində, meydanda olanlar da psixoloji cəhətdən yorğun idi. Məşqçilər korpusu və kapitan Rəşad Sadıqov başqa komandaları meydana çıxarmışdısa, bir çoxları da oyunçu kimi bacarığını göstərmişdi.
 
Bütün bu psixoloji yükün ağırlığı az qala komandanı büdrədəcəkdi. Amma “Qarabağ” çətin qələbə qazana bildi. Düzdü, bunda baş hakim İnqilab Məmmədovun da rolu oldu. O, son dəqiqələrdə - top Sadıqovun əlinə dəyən epizodda penalti təyin etməməklə “Sumqayıt”ın haqqını yedi.
 
Hələ bu, 10 nəfərlə mübarizə aparan “Sumqayıt” idi. Yusif Nəbiyevin uşaqcasına məsuliyyətsizliyi qonaqları çətin vəziyyətdə qoymuşdu. Hesabın açıldığı penalti epizodunda olduğu kimi, cinah müdafiəçisi daha bir dəfə əllə oynadı. Və həmin epizodda buna qətiyyən ehtiyac yox idi. Gəl ki, Qəbələdə son dəqiqə qolu ilə qəhrəman olan Yusif 4 tura 3-cü qlrmızı vərəqəni alan sumqayıtlı oldu.
 
Matçda “Qarabağ” əvəzedicilər də daxil olmaqla 7, “Sumqayıt” 10 yerli futbolçudan istifadə etdi. Və qonaqların 5 üzvü haçansa ağdamlılara xidmət edənlər idi. Ümumi götürsək, bu 17 futbolçudan 12-si müxtəlif vaxtlarda “Qarabağ” forması geyib.
 
Bu oyunçulardan cəmi ikisi – İsmayıl İbrahimli və Yusif Nəbiyev U-21 yığamızın düşərgəsindən dönmüşdü. Onlar burada meydanda birlikdə olduqları Rəşad Sadıqovun rəhbərliyi altında oynamışdı. Qurban Qurbanov isə əsas komandaya “Sumqayıt”dan yalnız Bəxtiyar Həsənalızadəni çağırmış və onun xidmətindən istifadə etməmişdi. Elə ağdamlılarda da milli forması geyənlərdən yalnız Qara Qarayev və Mahir Mədətov oynayırdı – onlar da fasilədən sonra oyundaşlarını əvəzlədi.
 
Qarşılaşmada ən maraqlı mənzərə futbolçuların imici ilə bağlıydı. 17 yerli futbolçudan yalnız 4-ü - Aleksey İsayev, Araz Abdullayev, Qara Qarayev, Mahir Mədətov - oyuna saqqalsız çıxmışdı. Rəşad Sadıqov, İsmayıl İbrahimli, Abbas Hüseynov, Coşqun Diniyev, Mehdi Cənnətov, Rail Məlikov, Şəhriyar Əliyev, Bəxtiyar Həsənalızadə, Arif Daşdəmirov, Əfran İsmayılov, Elvin Məmmədov, Yusif Nəbiyev və Cavid Tağıyev isə müxtəlif formalı “üz geyimində” idi.
 
Burada başqa məqam axtarmayın, hansısa birbaşa səbəb yoxdu, amma futbolçular son vaxtlar nədənsə belə imici ilə seçilir. Elə “Qarabağ”ın bəzi əcnəbiləri – İnnosent Emeqara, Vaqner da Silva və Abdulla Zubir də yeni dəbə ayaq uydurur.
 
Ustalıq səviyyəsini artırmaq, komandalarına daha çox yardım etmək, milli səviyyəsinə yüksəlmək əvəzinə, imiclə fərq yaratmaq istəyənlər tamaşaçıları zövqlü oyundan məhrum etdilər. Və bu tendensiya təkcə bu 2 komandada deyil, bu gün və sabah meydana çıxanara da diqqət yetirərsiz. Hərəsi bir formada saqqal saxlayan futbolçular fintləri, əzmkarlıqları, ustalıqları ilə deyil, müxtəlif formaları saqqalları ilə futbolsevərlərin yaddaşına düşməyə çalışırlar. Belədə matçın taleyini onlar yox, saqqala salam verməyən, saqqalsız da sözü işə keçən İnqilab Məmmədov həll edir.
 
AĞA

 
tarix: 15-09-2018 09:00


 
Xəbər lenti
12.12.2018

02:03   “Liverpul”la “Tottenhem” 1/8 finalda, “Qalatasaray” Avroliqada

11.12.2018

22:52  “Qəbələ” “Sabah”la ev oyununa Bakıda hazırlaşır

22:34  “Qəbələ”dən 5 cavabsız qol

21:08  “Qarabağ” Londona yola düşdü - VİDEO

18:52  Danışılmış oyunlara qarşı forum

17:52  AFFA “Səbail”lə bağlı qərarını qüvvədə saxladı

17:31  “Neftçi” kubok oyununa da Abışovsuz hazırlaşır

17:05  “Mançester Siti”də yeni müqavilə

16:48  37 yaşlı forvard Messiyə çatdı

16:23  U-21-in oyunlarının təqvimi də açıqlandı

15:53  Qurbanovun istefasıyla bağlı yeni sensasiyalar - Müqaviləsi 6 illik deyilmiş, təzminat məbləği...

15:01  Millimizin oyunlarının təqvimi açıqlandı

14:42  “Onlarla yaxın günlərdə müqavilə imzalayacağıq”

14:23  Azərbaycan Kuboku: 1/4 finalın hakimləri bəlli oldu

14:15  “Azərbaycan çempionatı daha populyardı”

13:42  “Aktobe” açıqladı: Reynaldo “Qarabağ”a qayıdır

13:23  Mövsümün 5-ci avtoqolu

13:00  Millimiz Fransa, İsveçrə və Slovakiya ilə bir qrupa düşdü

12:44  “Topaz”: Liverpulda həlledici “döyüş”

12:25  Azərbaycan kuboku: Oyunların başlama saatı açıqlandı

12:06  “Neftçi”nin seriyası qırıldı 

11:43  “Qarabağ”ın rekordu

11:22  Xorvatiya - Azərbaycan matçının məkanı bəlli oldu

11:05  Azərbaycan millisinə 22 futbolçu dəvət olundu

10:30  Ramil Şeydayev BƏƏ və Türkiyədə hazırlıq keçəcək

10:00  “eTopaz”da günün canlı oyunları

09:45  Ozan Canın komandası səfərdə 1 xal qazandı

09:17  De Byazi “Futbolinfo”ya danışdı: “Təklif almışam, sadəcə, gözləməliyəm”

09:12  İlin rəmzi komandası üçün 50 namizəd - UEFA açıqladı

09:01  La Liqa klubunda yeni baş məşqçi

08:45  Reynaldo təkzib etmədi: “Bir şey olacaq”

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az