(+994) 050 678 37 80
(+994) 070 534 65 52

qaynar xətt

Tahir Süleymanov
Musayev vurnuxur, Məmmədov izləyir

Musayev vurnuxur, Məmmədov izləyir

Hər gün Elxan Məmmədova hörmətim bir az daha artır. Ciddiyəm, AFFA-nın baş katibi futbolun anasını ağlatsa da, bu sahəni bilməsə də, əla idarəçidi.
 
Diplomatik bacarığı, əla manevrləri var. Arxasındakı güclərdən maksimum yararlanır, missiyasını əla icra edir. Qarşıya qoyulan məqsədə çatmaq üçün gözəl addımlar atır. Həm də elə edir ki, katalizator rolunu oynayır. Fitili yandırıb, kənara çəkilir, məhv etmək istədiyi qüvvələr öz-özünə tora düşür. Bəziləri özünü ifşa edib “səviyyə”sini göstərir, bəziləri də daha savadlı bir şey deyə bilmədiyindən Məmmədovun ideyalarını təsdiqləyir, onun fikirlərini biabırçı formada təkrar edir.
 
AFFA Hakimlər və Hakim-İnspektorlar Komitəsinin yeni tərkibi hələ formalaşmayıb. Çətin prosesdi, saf adamlar o qədər azdı ki, seçim edə bilmirlər. Belədə gözləməkdən, suların durulmasını izləməkdən yaxşı heç nə yoxdu. Baş katib də yeni sədr Fritz Stuxliki təqdim edərək geri çəkilib və onun rəhbərlik edəcəyi komitəylə bağlı atışma gedir.
 
Potensial üzvlər özləri bir-birini vurur. Mətbuatda, sosial şəbəkədə, pərdəarxası söhbətlərdə hamı bir-birinin eyibini açmağa çalışır. Və heç biri də təmiz deyil, ifşa olunurlar. Məmmədovsa sanki “bunların iç üzü budur” deyərcəsinə susur. Bir gün ortaya çıxacaq və komitənin tərkibini elan edəcək, heç kim də cınqırını çıxarmayacaq.
 
Bu prosesin Peşəkar Futbol Liqasının ləğvinə doğru növbəti addım olacağı dəqiqdi. Hakimlərin qeyri-rəsmi kurasiyasının Ramin Musayevin əlindən alınması ilə PFL əhəmiyyətsiz bir quruma çevrilməkdədi. Amma PFL prezidenti “Report”a müsahibəsində elə danışıb ki, sanki Azərbaycan futbolu xilas olub.
 
Başqa yolu da yoxdu. Məmmədov əla idarəetmə bacarığı, hamilərinin dəstəyi ilə onu dalana dirəyib. Fərqli söz deyə bilməz.
 
Ştuxlikin təyinatını müsbət qəbul etdiyini deyən Musayev əlavə edir: “Çoxdan qəbul olunması lazım idi. Bu, nə AFFA-nın, nə də mənim düşündüyüm qərardır, UEFA-nın öz tələbidir. Ona görə də bu tələbə əməl olunmalıdır. Zaman bizə yanılmadığımızı göstərəcək. Struktur dəyişikliyi UEFA-nın tələb etdiyi məsələdir. Fikrimcə, bu, bizim lehimizə atılan addımdır. Avropadan gələn yeni sədrin köməyi ilə hakimlərimizin çoxdan gözlədiyi 4-cü FIFA referisi məsələsi həll olunar. Ştuxlikin əlaqələri ilə 4-cü FİFA referisi qazanarıq. Bunlar baş versə, sevinərik”.
 
Musayev son 2 cümləsi ilə düşüncə fərqini ortaya qoyur. Stuxlik bura hakimlərin səviyyəsini qaldırmağa gəlib, FIFA-da yer artırmağa yox. Amma Ramin bəy məsələyə bazar düşüncəsi ilə yanaşır, Fritzin şəxsi əlaqələri hesabına layiq olmadığımız yeri təmin edəcəyini düşünür.
 
Musayevin son turda reallaşan hakim səhvləri ilə bağlı dedikləri də maraqlıdı: “Fikrimcə, Rəşad Sadıqovun epizodunda qayda pozuntusu var idi. Məncə, penalti təyin edilməli idi. Hətta, “Qarabağ”ın oyununda 2 penalti epizodu olduğunu düşünürəm. Biri Sadıqovla bağlı epizoddursa, digəri Ağdam komandasının müdafiəçisinin hücumçunun belindən aşdığı epizoddur. Hər iki halda “Qarabağ”ın qapısına penalti təyin olunmalı idi”.
 
Elxan Məmmədovun çörəyinə yağ sürtən açıqlamadı. Hamı “Qarabağ”ın da bir penaltisinin verilmədiyini müzakirə etdiyi bir zamanda Musayev ağdamlıların ikiqat bağışlandığını söyləyir. Aha, nə dəyişib? Deyəsən, Ramin bəy sevimli klubuyla yaxşı münasibətlərindən duyuq düşülməsinin qarşısını almaq üçün ağdamlıları yükləyir. Halbuki Emeqaraya qarşı kobudluq epizodunu yadına salsaydı, daha obyektiv olardı. Amma o, yıxılmışkən ayağa durmamağı üstün tutur.
 
“Neftçi”nin ”Keşlə”nin qapısına vurduğu ikinci qolun ofsayddan reallaşmasını təsdiqləyən PFL prezidenti bu məqamın üzərindən o qədər qaçaraq keçir ki, sanki belə də olmalıymış. Çempionluğa 2 namizəd arasında balans tapmağa cəhd də etmir. Halbuki o, bu səhvləri hakimlərin yayda heç bir toplanışa getməməsi ilə də əlaqələndirə bilərdi. Musayevsə hansısa həyəcandan danışır.
 
Oxuyanda adam özü həyəcanlanır: “Oyun zamanı həyəcanlı olub və düşünürəm ki, qapıçının öndə olduğunu unudub. Səhvini başa düşəndə isə artıq gec olur”.
 
Müsahibənin qalan hissəsi təfərrüatdır. Bəy tərifi, suallardan yayınmağa cəhd, yalançı vədlər və s. Musayevin həmişə bəh-bəhlə danışdığı millidən danışmaması isə çox maraqlıdı: “Ataların yaxşı bir sözü var: Sözün dəyərini itirməkdənsə, az danış”.
 
Əhsən, Elxan Məmmədov, deyəsən, sən bu adamları bizdən daha yaxşı tanıyırsan, baltalayan qoluna qüvvət. Kaş futbolun incəliklərini də bu qədər biləydin və bacarığını xeyirli işlərə sərf edəydin.
 
FƏRİD

 
tarix: 19-09-2018 19:54


 
Xəbər lenti
10.12.2018

12:00   “Fənərbaxça” tarixində ilk

11:30   Millimizin sabiq forvardı üçün 85 dəqiqə və 1 xal

11:00   Ufuk Budak oynadı, “Boluspor” uduzdu

10:45   Əliyevin komandasından “Krasnodar”la heç-heçə

10:30   Elxan Məmmədovun 2020 vədi

10:15   Libertadores Kubokunu “River Pleyt” qazandı

10:00   “eTopaz”da günün canlı oyunları

09:45   İsrafilovun komandası zirvəni əldən verdi

09:30   Paşayev oynadı, komandası məğlub oldu

09:15   “Neftçi” Karikarini yola salmaq istəyir

09:00   Qış yuxusuna gedərkən: zirvədə və zirzəmidə qiyabi döyüş

02:06   “Real”a 1 qol bəs etdi

01:42   “Milan” ev oyununda xal itirdi

01:01   Soni Mustivar: “Bir xal qazanmadıq, iki xal itirdik”

00:30   “Borussiya” “Ştutqart”ı darmadağın etdi

00:16   “Qarabağ”dan 6 cavabsız qol - VİDEO

00:01   Rəhman Hacıyev: “Hər bir xal bizim üçün çox önəmlidi”

09.12.2018

23:58  “Nyukasl” doğma meydanda uduzdu

23:52  “Fənərbaxça” darmadağın oldu

22:59  “Neftçi” ili xal itkisi ilə başa vurdu - VİDEO

22:48  “Sabah” - “Keşlə” matçında 3 qol - VİDEO

22:47  Qurban Qurbanova maksimum şərait yaradılacaq

22:46  Rəşad Sadıqov: “Əziyyətimiz Azərbaycan futbolunun halal xoşu olsun”

22:27  Ayxan Abbasov: “Onların əziyyətinin boşa getməsini istəmədim”

22:19  Samir Abasov: “Tamadalıq etmək istəmirəm”

22:09  Qurban Qurbanov: “Milli ilə məğlubiyyətlərdən sonra kefimiz pozulurdu”

22:08  Roberto Bordin: “Ənənəvi hücumları qura bilmədik”

21:29  “Neftçi” xal itirdi, “Qarabağ” 6 qola sevindi

21:10  “Səbail”lə “Qəbələ”dən heç-heçə - VİDEO

21:03  Aftandil Hacıyev: “Belə getsə, çempion son turda bəlli olacaq”

20:57  Sənan Qurbanov: “Qışdan sonra qələbələri sıralayacağıq”

20:19  “Neftçi” üçün yeni sponsor

19:16  Kamran Ağayev: “Futbolu bilən yeganə insan Qurbanov idi, o da getdi”

18:43  Elşad Əhmədov: “Bu heyəti məcburiyyətdən qurmuşduq”

18:38  Tərlan Əhmədov: “Onun oyunundan razı deyiləm”

15:23  Şeydayev Rusiyada dava saldı - VİDEO

14:27  Mahmudov oynadı, “Frankfurt” yenə uduzdu

13:45  Eratın komandasından inamlı qələbə

11:50  Dadaşov üçün 80 dəqiqə və 3 xal

11:00  Şeydayev Quliyevin komandası üzərində qələbəyə sevindi

10:00  “eTopaz”da günün canlı oyunları

02:29  “Barselona” 3 xalı 4 qolla qazandı

02:12  “Mançester Siti” ilk məğlubiyyətini “Çelsi”dən aldı

01:49  “Napoli”dən darmadağın, “Roma”dan xal itkisi

01:28  “Renn” evdə, “Amyen” səfərdə qələbə qazandı

00:27  “Qarabağ”ın rəqibinə 1 qol bəs etdi

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az