(+994) 050 678 37 80
(+994) 070 534 65 52

qaynar xətt

Tahir Süleymanov
Qara təklif gözləyir: “Oynaya biləcəyim liqaya gedəcəm”

Qara təklif gözləyir: “Oynaya biləcəyim liqaya gedəcəm”

Avropa Liqasının qrup mərhələsinin ilk turunda "Qarabağ" səfərdə "Sportinq"ə 0:2 hesabı ilə uduzub. Oyundan sonra Ağdam klubunun yarımmüdafiəçisi Qara Qarayev müsahibə verib.
 
- İlk hissədə rəqibə yüzfaizli qol şansı vermədik. Hətta özümüz bir neçə dəfə rəqibi həyəcanlandırdıq. Rəqibiin qapısına penalti təyin etmək olardı. Jeremi Matyenin cərimə meydançasında futbolçumuza qarşı kobud oynadığını düşünürəm. İlk hissədə pis oynmadıq. İkinci hissənin ilk 15 dəqiqəsində diqqətli olmağı öz aramızda danışmışdıq. Amma anidən oyunçuların yerini itirdik. Belə bir texniki səhv də qolla nəticələndi. Məncə, pis oynamadıq.
 
- Simeon Slavçev oynamadı. Start heyətdə Coşqun Diniyevlə, fasilədən sonra Miçellə yarımmüdafiədə oynadın. Sənin üçün hansı futbolçu ilə tandem təşkil etmək rahatdı?
- Keyfiyyət şəklində demək istəmirəm. Hamısı yaxşı, dəyərli, keyfiyyətli futbolçulardır. Amma Slavçevdən də önəmli Miçellə oynamaq mənə rahatdır. Çünki uzun illərdi ispanla birgə çıxış edirəm. Məndən nə istədiyini, onun məndən nə gözlədiyini yaxşı anlayıram. Slavçevlə düşünürəm ki, son zamanlar pis anlaşmırdıq. Coşqunla da yaxşı anlaşırıq. Coşqun oynayanda mən bəzən istirahət etmişəm. Onunla az hallarda birgə çıxış etmişəm.
 
- Amma Miçel istənilən kimi oynamadı.
- Zədədən qayıdaraq, yaxşı oynamaq çətindir. Formasını yığmağa vaxt lazımdır. İstəmirəm ki, kimsə zədə alsın. Çünki oyun planı dəyişir.
 
- "Arsenal" turnirin favoriti hesab edilir. Bu oyunla bağlı fikirlərin necədir?
- Xalqımız, azarkeşlərimiz, "Qarabağ"sevənlər bu oyuna köklənib. Ağır oyun olduğunu bilirik. İngilis futbolu ilə bizim futbol həmişə tərs gəlib. Buna baxmayaraq, uğurlu nəticəyə inanıram. "Arsenal"ın adı bizi motivasiya edir. Bu gün ciddi qrafikdəyik. 3 gündən bir oyun keçiririk. "Arsenal" barədə danışmağa ehtiyac yoxdur. Rəqibin gücü bəllidir.
 
- Bu gün "Sportinq"ə qarşı oynadız. Hələ "Qarabağ"ı nəhəng "Arsenal" gözləyir. Ötən mövsüm "Roma", "Atletiko", "Çelsi" kimi klublarla qarşılaşmısınız. Bəs niyə Azərbaycanlı oyunçular Avropa klublarına özlərini futbolçu kimi nümayiş etdirərək, xaricə üz tuta bilmir? Sənin timsalında bunu hamıya aid etmək olar. Təklif yoxdur, yoxsa özünüz getmirsiz?
- Belə atmosferdə oynayanda karyeram üçün bir gün qazanc əldə etdiyimi düşünürəm. Həqiqətən də belə ab-havada güclü klublarla oynamaq çox xoşdur. Bu, əlavə stimuldur. Belə suallar mənə dəfələrlə verilib. Belə komandalardan təklif gəlsə, ilk düşüncəm getmək olacaq. Daha yaxşı deməzdim, amma oynaya biləcəyim liqalara getmək istəyirəm. Bu, baş verməlidir. Çünki kimlərəsə yol açmalıyıq. Allah qismət etsə, gedərik, Avropaya yolu açarıq, digərləri üçün də stimul olar. Amma sizə səmimi deyirəm ki, təklif yoxdur. Əgər olsa, ilk sizə bölüşərəm. Heç nə yoxdur, məşqimizi edib, oyunlara hazırlaşırıq.
 
- İnnosent Emeqara yaxaladığı şanslardan birini qola çevirsəydi, fərqli matç görə bilərdik?
- İlk hissədə birindən istifadə etsəydi, daha qapalı oynayacağdıq. Amma hesabı aça bilmədik. Belə komandalarla oyunda hesabda geri düşəndə, qalib gəlmək, qol vurmaq çox çətin olur.

 
tarix: 21-09-2018 11:05


 
Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az