(+994) 050 678 37 80
(+994) 070 534 65 52

qaynar xətt

Tahir Süleymanov
“Zirə” xala layiq olsa da...

“Zirə” xala layiq olsa da...

“Neftçi” 5 illik həsrəti bitirmək üçün səfərbər olub. Cari mövsümün ilk 5 turu bundan xəbər verir. Amma mövsümün sonunda da 5 almaq üçün tempi qorumaq, hələ bir az da artırmaq lazımdı.
 
Roberto Bordin tənqidə açıq biri olduğunu dünənki matçda göstərdi. Mətbuatın iradlarından da nəticə çıxarıb, daha düzgün start heyəti müəyyənləşdirməklə “Zirə” ilə görüşün əvvəlindəcə qola sevindi. Dario Federikonu əvəzləyən Namiq Ələsgərov ötürmə verdi, Kvame Karikariylə müqayisədə ilk “11-liy”ə daha çox layiq olan Mirabdulla Abbasov hesabı açdı. Bu epizodda meydan sahiblərinin mərkəz müdafiəçiləri ani diqqətsizliyin acısını çəkdi.
 
Qoldan sonra “Neftçi” təşəbbüsü rəqibə verdi. Daha çox top saxlayan meydan sahibləri təzyiqi artırdı və fasiləyə kimi bərabərlik qolunu vurdu. Amma ikinci hissənin əvvəlində Qoran Paratskinin gözəl zərbəsi yekun hesabı müəyənləşdirdi - 2:1. Baxmayaraq ki, hələ fasiləyədək zədə alan xorvat əvəzənməli idi. Məşqçilər oyun sxemini pozmamaq üçün risk etdi, o da qələbə qolunu vurdu. Lakin az sonra Qoran matçı davam etdirə bilmədi.
 
Didərgin həyatı yaşayan, doğma stadionunda təmir getdiyindən rəqiblərini Mərdəkanda qəbul edən “Zirə” Samir Abasovun rəhbərliyi altında ikinci məğlubiyyətini aldı. Komanda aşkar autsayderə çevrilsə də, insaf naminə, oyun planında xeyli irəliləyiş əldə etdiyini vurğulamalıyıq. “Qartallar” dünən də xala layiq idi və belə davam etsələr, bəxt onların üzünə güləcək. Necə ki, “Neftçi”nin uğurunda bu amilin rolu az deyil.
 
Bordin “Neftçi”də özünəinamı bərpa edib, rotasiyalarla hamıdan yararlanmağa çalışır, ən yaxşılara güvənir. Komandanın ən böyük üstünlüyü sabitlik,oyun tərzinə sadiqlikdi. Bakılılar fövqəladə bir şey etmir: müdafiədə əla qapanır, hücumdakı oyunçuların fərdi bacarığı hesabına qollar vururlar. Bu, hələlik lider olmağa kifayət edir, amma çempion olmaq üçün yetərli olmaya bilər. Zamanla rəqiblər bu oyun tərzinə çarə tapacaq, Bordinin də məşqçi bacarığı o zaman üzə çıxacaq. Hələlik qaliblər mühakimə olunmur, amma “Neftçi” çempionluq yarışında möhkəm namizəd hesab edilməməlidi.
 
Bəlkə də “Dalğa Arena”dakı görüş daha maraqlı ola bilərdi. Onsuz da amansız mübarizə izlədik, futbolçular sonadək döyüşdü və nəticəni xırda nüanslar müəyyənləşdirdi. Amma daha baxımlı oyun izləməyimizə hakimlər briqadası mane oldu. Hər epizodda fit çalan, tempin yüksəlməsinə imkan verməyən Rauf Cabbarovu yeni FIFA referisi kimi namizəd göstərənlərin ağlına şübhə edirəm. Futbolçuları bir-birinə qırdıran hakimin bu hərəkətləri daha çox qonaqlara sərf edirdi. Çünki zirəlilər yalnız sürət hesabına nəsə edə bilirdi, futbolçuların ustalıq səviyyəsi rəqibdəki qədər yüksək deyildi.
 
“Neftçi”nin təqvimi daha rahatdı. Dövrənin son 2 matçını evdə keçirəcək bakılılar lider mövqeyini qoruya bilər. Amma qışda heyətə mütləq əl gəzdirilməlidi. “Qarabağ” avrokubok matçlarını bitirdikdən sonra ağdamlılarla ayaqlaşmaq üçün dünən sərgilənən oyun kifayət etməyəcək.
 
FƏRİD

 
tarix: 23-09-2018 11:37


 
Xəbər lenti
18.10.2018

10:30   “eTopaz”da günün canlı oyunları

10:14   İsrafilovun komandası İspaniya Kuboku ilə vidalaşdı

10:01   Abbasovun gözünü açan 10 gün: “Biz bünövrəni düşünmürük”

09:48   “Sumqayıt”ın futbolçusu “tüstülətdi”

09:30   “Yonava” yenə uduzdu, Turalla Kamran…

09:00   GÜNÜN SUALI: Stuxlik kimlərlə işləyəcək?

00:43   Gecə klubunda dalaşan futbolçuya 800 min avroluq cərimə

17.10.2018

23:42  “Qarabağ”la oyunları buraxacaq futbolçu: “Ürəyim onlarladı”

22:17  Yığma komandanın baş məşqçisi qovuldu

21:00  GÜNÜN NİDASI: AFFA-nın “Qəbələ”ylə bağlı məkrli planı var!

20:12  Ramin Musayev PFL prezidentliyinə namizədliyini verməyəcək

20:02  Azərbaycanda futbolçu baş məşqçini döydü

19:32  Emin Mahmudov: “Liderliyi qoruyub saxlamaq üçün əlimizdən gələni edəcəyik”

18:40  “Neftçi” hələ də tam heyətlə məşq edə bilmir

17:43  AFFA “Sumqayıt”ı qismən bağışladı

17:10  MS-nin braziliyalısı sıradan çıxdı

16:14  Paytaxt klubunda ciddi itki

15:24  “Ginnesin rekordlar kitabı”na düşdü - “Çelsi”nin futbolçusu

15:06  Gürcüstanla fərqimiz

15:00  GÜNÜN XATIRLATMASI: Yaradılan “şərait”ə görə xərc

14:53  Premyer Liqa klubu daha bir futbolçusunu itirdi

13:54  “Mançester Yunayted” “başsız” qaldı

13:22  Ramos, Almeyda və Qara

13:00  Cəbəllütariqdən ardıcıl 2-ci qələbə - VİDEO

12:41  Qazaxıstan millisindən 4 cavabsız qol - VİDEO

12:22  Gürcüstan millisindən ardıcıl 4-cü qələbə - VİDEO

12:09  “Sabah”ın prezidentinin “gizli oyun”u

11:55  “Neftçi”nin legioneri milli komandada qol vurdu

11:48  U-21-in Norveçlə oyunu bitməyib...

11:37  “Qəbələ”dən 14 cavabsız qol

11:12  Tovuzlular narazıdı: “Klubu telefonla idarə edən adam hansı haqla belə danışır?”

11:00  Ukrayna Çexiyanı tək qolla yendi - VİDEO

10:45  Fransadan Almaniya üzərində əzmkar qələbə - VİDEO

10:30  “eTopaz”da günün canlı oyunları

10:15  “Qəbələ”nin futbolçusu Afrikada “Keşlə”nin oyunçusunu məyus etdi

10:00  AFFA-dan gizli müqavilə: Stuxlik onu Azərbaycana göndərən adama “çörək verdi”

09:47  Slavçevli Bolqarıstan yığmasından ilk xal itkisi - VİDEO

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az