(+994) 050 678 37 80
(+994) 070 534 65 52

qaynar xətt

Tahir Süleymanov
Zaurların bitirdiyi “Keşlə”

Zaurların bitirdiyi “Keşlə”

Tanışlıqla vəzifə sahibi olmağın mükafatıdı. İmkanın, himayədarın, mənsəb yiyəsi ağan varsa, bu, hələ sənin özünün futbol adamı sayılmağın demək deyil. İş səriştəsiz birinə tapşırılıbsa, gec-tez aqibətin bacarığına uyğun olur.
 
“Keşlə” turnur cədvəlinin son pilləsindədi. Komanda ardıcıl 3 ev oyununda uduzub və səfərdə özü kimi autsayder olan “Zirə”dən aldığı yeganə xalla təsəlli tapır. Büdcə AFFA-dan maliyyələşən digər klublarla müqayisədə ən yaxşılardandı, hətta daha yaxşıdı. Heyətdə kifayət qədər legioner varsa və onların əksəriyyəti 5-7 min dollar aralığında maaş alırsa, deməli, vəziyyət kritik deyil. Nəticə isə hamıdan pisdi, çünki klubun idarə olunmasında ciddi yanlışlar var.
 
“Sumqayıt”la dünənki oyun futbol adına rəzalət idi. Qonaqların baxımlı oyunu qarşısında meydanda ruhsuz, nə etdiyini bilməyən komanda var idi. Oyunçuların ustalıq səviyyəsi o qədər aşağı idi ki, nəticənin böyük olmamasına görə meydan sahibləri 1-2 təcrübəli futbolçusuna minnətdar olmalıdı.
 
Baş məşqçi Mladen Milinkoviç mətbuat komfransında çarəsiz görünürdü. O, mümkün istefası haqda suala cavab verərkən klub rəhbərliyi ilə danışacağını dilə gətirdi. Lakin serbin gedişi nəyisə dəyişəcəkmi? Axı, bu heyəti klub rəhbərliyi Milinkoviçdən əvvəl yığıb və o da əlində olan futbolçulara güvənməyə məcburdu. Bu futbolçularla isə hətta Region Liqasında da qalib gəlmək olmaz.
 
Andre Klennon, Ebrima Sohna, Edvinas Girdvainis, Herve Tçami ölkənin ən səviyyəsiz legionerləridi, Bahodir Nasimovla Denis Silva karyeralarının ikinci dairəsini vururlar. Məşqçilərin “şikəst” adlandırdıqları Klennon hücumda keyfiyyətli bircə hərəkət edə, boş qapını nişan ala bilmir, Sohnanın hər iki hərəkətindən biri qayda pozuntusudu, Denis Silva oyunu başlamağı bacarmır, Nasimov qarın şişirtməklə məşğuldu və s. “Keşlə azarkeşləri isə bu futbolçulardan qələbə gözləyir.
 
Bakılıların yerli oyunçu seçimi də yaxşı deyil. Başqa klublara lazım olmayanlardan qurulan heyətlə sonuncu pillə elə “Keşlə”yə layiq olan yerdi. Səviyyəsiz oyunçular o qədər çoxdu ki, az-çox bacarığı olanlar da ümumi ansambla uyğunlaşıb. Vaqif Cavadov, Tərlan Quliyev, Sərtan Taşkın xeyli geriləyib, Kamran Ağayev aktyorluq etməklə, boş-boş danışıqla, komandası hücum edərkən meydanın kənarına gəlib su içməklə, məşqçiyə ağıl öyrətməklə məşğuldu.
 
Bir sözlə, “Keşlə” xaos içindədi. Və bu başıpozuqluğun səbəbi məşqçi deyil, birbaşa rəhbərlikdi. Adrian Skarlatake kimi müqaviləsi davam edən səviyyəli oyunçunun gedişinə şərait yaradırsansa, deməli, nəticə səni maraqlandırmır. Klennon, Sohna kimi ayağı top tutmayan ən ödənişli oyunçuların bərbad gündə olduğunu görə-görə yeni müqavilə imzalanması da səriştəsizliyin nəticəsidi. Nasimov kimi futbolu 5 il əvvəl atmış birisinin transferinə razılıq vermək də ağılsızlığın nümunəsidi.
 
Bütün bunlara klubun rəhbəri Zaur Axundov yol verib. Dost-tanış menecer dəstəsinə yersiz güvən, komandanın ayağının altını qazan, Pablo Podio olayının qəhrəmanı Zaur İsmayılova hələ də etibar edilməsi indi Müşahidə Şurasının sədrinin başında çatlayır. Futbolçular, məşqçilər dəyişir, hamı günahkar çıxır, amma gələnləri qarşılayan, sonra da yola salan İsmayılov Axundovun ən güvəndiyi adam kimi iş başındadı. Bəlkə də başqa “bacarığı” olduğu üçün... Halbuki heyətdə olan bütün futbolçuların transferinə razılığı məhz o verib, faizini götürür, Axundov da çəpik çalır.
 
“Keşlə” turnir cədvəlinin son pilləsindədisə, bunun səbəbkarı məşqçi və futbolçular yox, onların səviyyəsinə yox, qazandırdıqları pula diqqət edən menecer İsmayılov və səriştəsiz klub rəhbəri Axundovdu. Sədr AFFA-nın ayırdığı pulları havaya sovurmaqla, layiqli olmayanlara paylamaqla özünü də dərin quyuya salıb. Bəlkə də dünənki oyundan sonra yenə futbolçuları söyüb – bacardığı yalnız budur. Amma indi hədə-qorxu, əzələ nümayişi yox, ağıl, düşüncə zamanıdı. Hətta döyməklə də Klennonu futbolçu etmək olmayacaq.
 
Ölkənin klub futbolunun biabırçı vəziyyətə düşməsinin səbəbi məhz belə klub rəhbərləridi. Səriştəsi olmadan, day-day hesabına mənsəb sahibi olanlar ənənəyə malik klubları da beləcə məhv edir. Nə düz-əməlli yeni nəsil yetişdirə bilirlər, nə də əldə olan dövlət vəsaiti düzgün xərclənir.
 
CAVAD

 
tarix: 24-09-2018 10:25


 
Xəbər lenti
13.12.2018

12:49   Elxan Məmmədov Məşqçilər Komitəsinin üzvləri ilə görüşdü

12:33   "Qarabağ”ın mövsümdə son avrokubok oyunu “Topaz”da

12:10   "Komanda məndən asılı ola bilməz" - Deviç məşqçilik üçün tez olduğunu düşünür

11:41   MS-dən əzmkar qələbə - VİDEO

11:20   “Viktoriya” “Roma”nı qrup liderliyindən etdi - VİDEO

11:00   “Ayaks”la “Bavariya” 3 qol vurub, 1 xal qazandı - VİDEO

10:42   “Yuventus” İsveçrədən məğlub qayıdır - VİDEO

10:20   MY “Valensiya”ya belə məğlub oldu - VİDEO

10:00   “eTopaz”da günün canlı oyunları

09:40   “Real” doğma meydanda biabır oldu - VİDEO

09:20   Çempionlar Liqasında bütün 1/8 finalçılar bilindi

09:00   “Qarabağ” “Arsenal”a qarşı - YENİLƏNİR

03:52   Unay Emeri: “Qarabağ”a hörmətlə yanaşırıq”

02:00   ÇL-in qrup mərhələsinə yekun vuruldu

01:23   “Arsenal” rəsmisi Tahir Gözələ xatirə hədiyyəsi təqdim etdi

00:08   Qurbanov: “Meydana yaxşı oyun göstərmək üçün çıxacağıq”

12.12.2018

21:10  “Sumqayıt” “Neftçi” ilə kubok matçına 3 itki ilə hazırlaşır

17:37  “Neftçi” kubok matçına hazırlığı davam etdirir

17:01  Uels - Azərbaycan matçının keçiriləcəyi stadion məlum oldu

16:44  Het-trik etdi, turun ən yaxşısı seçildi

16:24  Premyer Liqada ilin son turunun rəmzi komandası

16:00  Con Delarj: “Qarabağ”da qalmaq haqqında düşünmürəm”

15:17  “Sumqayıt”ın bu mövsüm vurduğu qollar - VİDEO

14:51  “Sumqayıt”ın 5 əvəzedilməzi

14:34  AFFA daha 4 komandaya texniki məğlubiyyət verdi

14:18  “Oyunlarımızın çoxunu uşaq səhvlərindən uduzmuşuq”

13:50  Birinci Divizionda ilin son cəzaları açıqlandı

13:38  AFFA “Qəbələ”ni 1800 manat cərimə etdi

13:15  “Qarabağ” bu gün “Arsenal”la oyuna hazırlığı tamamlayacaq

12:54  Buskets də 100-ə çatdı

12:26  “Barselona” rekorda şərik oldu

11:47  “Qaradağ Lökbatan”ın qapıçısı milliyə çağırıldı

11:22  Çempionlar Liqasının son oyunları “Topaz”da

11:00  “Monako” “Borussiya”ya da uduzdu - VİDEO

10:45  “İnter” pley-off şansını belə əldən verdi - VİDEO

10:30  Milli komanda Məşqçilər Komitəsinə tapşırılsın!

10:15  “Barselona” “Tottenhem”lə “sülh bağladı” - VİDEO

10:00  “eTopaz”da günün canlı oyunları

09:40  “Liverpul” “Napoli”ni tək qolla üstələdi - VİDEO

09:20  “Qalatasaray” “Portu”ya uduzsa da… - VİDEO

09:00  Elxan Məmmədov AFFA rəhbərliyinə qarşı

02:03  “Liverpul”la “Tottenhem” 1/8 finalda, “Qalatasaray” Avroliqada

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az