(+994) 050 678 37 80
(+994) 070 534 65 52

qaynar xətt

Tahir Süleymanov
Müəmmalı transferin təfərrüatı

Müəmmalı transferin təfərrüatı

Əsl bazardı. Bir qrup insan cibini doldurmaq üçün qanunlara tüpürür. Düzdü, rəsmi sənədlə götürsək, hər şey qaydasındadı. Amma həmin sənədin saxtalaşdırıldığını uşaq da bilir.
 
Bu gün “Sabah” serbiyalı yarımmüdafiəçi Miloş Bosançiçlə mövsümün sonunadək müqavilə bağladı. 30 yaşlı futbolçu bir həftə öncə vidalaşdığı “Keşlə”ni digər Bakı klubuna dəyişdi. Əcəba, necə və niyə?
 
Topaz Premyer Liqasında transfer pəncərəsi avqustun son günü bağlanıb. Belədisə, bu oyunçunun sentyabr ayında başqa komandaya keçidi necə mümkün ola bilər?
 
Peşəkar Futbol Liqasının mətbuat xidmətindən sualımıza verilən cavab lakonik oldu: “Bizə hələ heç bir sənəd göndərilməyib. Futbolçu sifariş edilərkən sənədlərinə baxırıq. Əgər “Keşlə” ilə müqaviləsi avqust ayında pozulubsa, bizim onu qeydiyyata almamaq hüququmuz yoxdu. Məsələni klubla aydınlaşdırmanız yaxşı olar”.
 
“Keşlə” ilə də danışdıq. Məlum oldu ki, sən demə, Bosançiçlə anlaşma hələ avqustun 30-da pozulubmuş. Mətbuat xidmətinin rəhbəri Səbuhi Məmmədovun dediyinə görə, avqustun 26-da “Keşlə”də son oyununu keçirən futbolçu ilə müqaviləyə hələ ötən ay qarşılıqlı razılıqla xitam verilib.
 
Təbii ki, Məmmədov rəsmi sənədə əsasən belə danışır. Amma o, belə olduğu halda, Miloşla müqavilənin pozulmasının niyə həmin vaxt yox, sentyabrın 18-də rəsmən bəyan edilməsinin də açıqlamasını verməlidi: “İşin hüquqi tərəfindən xəbərsizəm. Mənə nə vaxt xəbər edilibsə, o zaman da rəsmi sayt vasitəsi ilə bəyan etmişəm. Yəqin ki, rəhbərlik belə məsləhət bilib”.
 
Ortada saxtakarlıq olduğu, xitam müqaviləsinin geri tarixə yazıldığı aydındı. Amma sənədlər elə düzülüb-qoşulub ki, sübut etmək mümkünsüzdü. Bu məsələdə PFL də günahkardı. Deməli, transfer pəncərəsi ilə bağlı mexanizm sağlam deyil və tələblər ciddi olmadığından belə saxtakarlıq mümkünləşir. Qurum pəncərə bitən kimi bütün futbolçularla müqavilələri tələb edə və ya hansısa uyğun variant fikirləşə bilər.
 
Məsələn, futbolçu ilə müqavilə pozulursa, həmin gün PFL-ə məlumat verilməlidi. Əks halda, həmin sənəd qanunsuz sayılır. O zaman bu cür pərdəarxası oyunlar da reallaşmaz. Ya PFL-də bunu düşünəcək başlar yoxdu, ya da belə maxinasiyalarda bu qurumun da marağı var. Həm də bu, “Keşlə”nin cari mövsümdəki ilk “oyun”u deyil. Bir neçə gün öncə Adrian Skarlatake də “Zirə”yə eyni üsulla yollanmışdı.
 
Bəs, “Sabah” tərəfi nə düşünür? Klubun idman direktoru Emin Abbasov da futbolçunun əlində olan sənədə əsasən hərəkət etdiklərini deyir: “Orada müqavilənin avqustun 30-da pozulduğu qeyd olunub. Bu xəbərin niyə sentyabrın 18-də açıqlandığı isə bizi maraqlandırmır. Bosançiç maraqlandığımız oyunçu idi və “Keşlə”dən ayrıldığını bilən kimi danışıqlara start verdik”.
 
“Keşlə”də düz-əməlli oynamayan, daim zədədən əziyyət çəkən Miloşun transferi riskli deyilmi? Paytaxt klubunda 2 dəfə sıradan çıxan serb eyni zamanda başqa məsələyə görə də gündəmdədi. Belə ki, onun gözlərinin zəif gördüyü, bu səbəbdən linza ilə oynadığı deyilir. Oyunçu özü də “Futbolinfo”nun aşkara çıxardığı faktı təsdiqləyib.
 
Abbasov da belə bir problem olduğunu etiraf edir: “Miloş tibbi müayinədən keçdi və heç bir problem yoxdu. Gözündə həqiqətən müəyyən zəiflik var, lakin həkimlər bunun Bosançiçin karyerasını davam etdirməsinə heç bir problem yaratmayacağını dedilər. İndi əzələ yırtığından əziyyət çəkir və 2 həftə komandaya kömək etməyəcək. Lakin bütün bunları gözə almışıq. Zatən bu futbolçunu çoxdan izləyirdik, onu “Keşlə”dəki çıxışına görə yox, daha əvvəlki karyerasına nəzər salaraq transfer etmişik. Tibbi müayinə zamanı da onun problemi olmadığı ortaya çıxdı”.
 
“Sabah”a yalnız “xeyirli olsun” deyə bilərik. Amma haqqında bu qədər söhbət gəzən, zədəli halda transfer edilən birinin keçidi çox risklidi. Orası da var ki, Miloş özünü doğrulda bilməsə, yaya kimi Bakı klubunda qalmağa məhkumdu. “Keşlə”də 2 oyun keçirib, “Sabah”da oynadıqdan sonra mövsüm ərzində 3-cü komandaya transferi mümkünsüzdü. Ümid edirik, debütant üçün artıq yük olmayacaq.
 
Bosançiçi ölkəmizə Erkin İbrahimov gətirib. Lakin tanınan menecer iddia edir ki, Bosançiçin nə bu klubdan ayrılmasından, nə də “Sabah”a keçməsindən xəbəri yoxdu, ümumiyyətlə, onu çoxdan görmür. Halbuki əməkdaşımız ötən həftə onları birlikdə görüb. Klub prezidenti Maqsud Adıgözəlovla uşaqlıq dostu olan, “Sabah”a bir neçə futbolçunun keçidində rol oynamış birinin bu transferdən xəbərsiz olması inandırıcı deyil. Amma Erkin bəydən başqa daha bir neçə nəfərlə danışdıq, eyni zamanda klubdan da aydınlaşdırdıq ki, bu, həqiqətdi.
 
Elə bu fakt özü də təəccüb doğurur. İbrahimov kimi təcrübəli biri bu transferə qol qoymayıbsa, deməli, məsləhət bilinməyən nələrsə var və o, riskə getmək istəməyib.
 
İstənilən halda, zədələr imkan versə, Bosançiçi 22 nömrəli futbolkada “Sabah” üçün çalışan görəcəyik. Ümid edirik, bu transfer kluba xeyir verəcək, kimlərinsə cibini doldurmağa xidmət etməyəcək. 19 gündən sonra açıqlanan və ya 19 gün əvvəl üçün yazılan xitam sənədi haqda beynimizdəki suallara isə cavab tapmaq üçün araşdırmaları davam etdirəcəyik.
 
CAVAD

 
tarix: 25-09-2018 19:23


 
Xəbər lenti
20.04.2019

14:34   Azər Əliyev “Arsenal”a qarşı 26 dəqiqə oynadı

13:24   Əzizovun komandasından daha bir qələbə

12:57   AFFA-nın araşdırması: “Füzuli” oyunçularının qəsdən uduzduğunu düşünür

12:34   Bezotosnının durumuna sabah aydınlıq gələcək

12:29   Vüqar Əsgərovun dublu “Dauqavpils”ə qələbə qazandırdı

12:14   Son oyunda turun rekordu

12:07   Bordinsiz qələbə

11:59   “Real” onu itirdi

11:32   Bəhlul Mustafazadə “Seltik”in hədəfində

11:07   Dadaşov oynadı, “Eştoril” qalib gəldi

10:15   İsrafilovsuz “Alkorkon” 4 qola üzüldü

09:11   “Traktorsazi”dən ardıcıl 2-ci məğlubiyyət

01:00   Dörd qolluq heç-heçə

00:41   Meydan sahiblərindən çətin qələbə

00:25   “Bursaspor” yenə qələbəyə həsrət qaldı

00:01   Avroliqada həftənin ən yaxşı futbolçusu bəlli oldu

19.04.2019

23:09  Ələsgərov: “Hədəfimiz qarşıdakı bütün oyunlarda qalib gəlməkdi”

21:24  “Neftçi”ni Ələsgərov sevindirdi - VİDEO

21:15  Elşad Əhmədov: “Həmin epizoda baxmaq lazımdı”

20:56  Bordin: “Qalib gəlsək də, üzüldüyüm məqamlar da var”

20:22  “Neftçi”dən inamlı qələbə

19:55  Samir Abasov: “Bu oyun bütün suallara aydınlıq gətirdi”

19:38  Bakı finalına doğru: Aleksanr Səmədov səfir seçildi

19:02  “Futbolçuya meydanda ehtiyatlı olmağı tapşıra bilmərik”

18:54  “Qəbələ” - “Zirə” matçında 3 qol - VİDEO

18:37  “Neftçi” Petrovu itirdi: 2-ci dəqiqədə

17:53  “Qəbələ” “Zirə”ni məğlub yola saldı

17:44  Mahirdən xəstəxanalıq etdiyi futbolçuya ziyarət – FOTO

17:35  Kapitanın 150-ci oyunu

17:14  “Qəbələ”də Bezotosnı şoku

17:03  ÇL-də həftənin ən yaxşı futbolçusu açıqlandı

16:41  Mədətovla Medvedevdən yubiley

16:22  “Qarabağ”dan mövsümün rekordu

16:04  Maksim Medvedev: “Bu sürprizi çox bəyəndim”

15:42  “Qarabağ”ın təxirə salınan matçının vaxtı bilindi

15:25  Premyer Liqada 26-cı turun oyun cədvəli

14:54  Birinci Divizion: Növbəti turun oyun cədvəli açıqlandı

14:26  Maksim Medvedevin 400-ü - FOTOLAR

13:55  “Valensiya”lı mövsümü erkən başa vurdu

13:05  Paytaxt klubunda ciddi itki

12:46  “Çelsi”də yeni rekordçu

12:23  “FC Baku” oyun alveri edib? – AFFA-dan gözlənilməz qərar

12:00  Avroliqada həftənin ən yaxşısı adına 4 namizəd

11:42  Qaliblər mükafatlandırıldı

11:21  Region Liqası: Yarımfinal oyunlarının vaxtı bilindi

11:01  “Qəbələ”dəki yerdəyişmə

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az