(+994) 050 678 37 80
(+994) 070 534 65 52

qaynar xətt

Tahir Süleymanov
“Sabah”dakı təhlükə mənbəyi

“Sabah”dakı təhlükə mənbəyi

“Sabah” hətta çempion da olsa, avrokuboklara getməyəcək. Klubun 3 yaşı tamam olmadığından, bu, mümkünsüzdü. Elitanın debütantı yalnız gələn mövsümün nəticələrinə görə qitə səhnəsinə çıxa bilər.
 
Hazırda uğurlu çıxış edən və yüksək yer tutmaq potensialı böyük olan komanda üçün bu, mənfi haldı. Lakin əvvəldən hər şey bəlli idi və şikayətlənmək üçün əsas yoxdu. Komanda uğurlu oynayırsa, ümid verir və gələn ilə daha yaxşı kollektiv qurmaq üçün zaman var. Elşad Əhmədov komandanın onurğa sütununu indidən formalaşdırmalı və nəticəni düşünməməlidi. Döyüşkən komanda qurmaq, yeni mövsümdə bir az da artırmaq lazımdı.
 
Amma müşahidələrimiz göstərir ki, “Sabah” həm də bu gün yaxşı nəticəyə çalışır. Baş məşqçinin özünü göstərmək istəyidi, yoxsa rəhbərliyin tələbi – bilmirik, lakin görüntü belədi. Bakılılar transferlərə pul xərcləyir, cari mövsümdəcə nəticə verməyə çalışır. Amma bu, yanlış seçimdi.
 
Dünən Miloş Bosançiçi transfer edən “Sabah” 7-ci əcnəbisinə qovuşdu. Və onlardan 4-nün yaşı 30-u keçib – 30, 31, 33, 35. Bu yaşda olan futbolçularla günü yola vermək olar, amma onurğa sütunu qurmaq, sabaha yönəlik işlər qurmaq olmaz. Gələn mövsüm Marko Deviçin 36, Saşa Stamenkoviçin 34 yaşı olacaq və bəlkə də karyeralarını bitirmək haqda düşünəcəklər. Əhmədov onlardansa, cavan legionerlərə, yerli oyunçulara üstünlük versəydi, “Sabah”ın sabahını daha çox düşünmüş olardı.
 
Təbii ki, bütün bu məsələlər klubun daxili işidi. Bəlkə də təcrübəlilərin yanında gənclərin püxtələşməsini istəyirlər. Deviç bu baxımdan örnək futbolçudu və qoca yaşında ətrafındakılara çox şey öyrədir. Doğru yol olub-olmadığını zaman göstərəcək. O da var ki, Cavid İmamverdiyevin timsalında kökdən düşənlər də var. 3 ilik müqavilə bağlayan bu yarımmüdafiəçinin inkişafı “Sabah”a daha xeyirli olardı.
 
“Sabah”la bağlı narahatlıq doğuran daha bir məqam legioner seçimi ilə bağlıdı. Bildiyimizə görə, Bosançiçin transferində məhz Deviç və Stamenkoviç israrlı, eyni zamanda vasitəsi olub. Onların həmyerlilərini rəhbərliyə bəyəndirməsi ilk baxışdan qəribə deyil. Amma təcrübə göstərir ki, komandada 2-3 serb futbolçunun olması artıq təhlükədi. Filip İvanoviçi də nəzərə alsaq,debütantda serblərin sayı 4-ə çatdı.
 
Qara fikirlərə əsir olmaq niyyətindən uzağıq. Amma xatırlatmağı vacib bilirik – dünyada totallizator oyunlarında serblərin, Balkan ölkələrinin nümayəndələrinin daha çox iştirak etməsi sirr deyil. Artıq qruplaşma yaranırsa, hansısa matçın başqa yollarla həll edilməsi mümkündü. Ona görə də “Sabah” rəhbərliyi ehtiyatlı olsun. Uğurlu çıxış edən komanda qəflətən evində “Sumqayıt”a 1:4 uduzur və mümkündü ki, belə sensasiyalar qarşıda da olsun. O zaman məğlubiyyətlərin səbəbini axtarmaq üçün ipucu veririk.
 
Rəhbərlik işi bilən, səriştəli adamdısa, bunu müəyyənləşdirməkdə çətinlik çəkməyəcək. Və bütün bunlar yalnız ehtimallardı. Sadəcə, xəbərdarlıq edirik ki, ehtiyat əldən verilməsin, sabahın “Sabah”ını serblərdən qurmaq olmaz. Çox təhlükəlidi!
 
“Sabah” rəhbərliyi yəqin ki, qışda da yeni legionerlər almağa çalışacaq. Amma yaxşı olardı, vəsaitə qənaət edilsin, büdcə yeni mövsüm üçün qorunsun. Yox, xərcləmək üçün pul varsa,bu, daha vacib istiqamətlərə yönəldilsin. Klub akademiyası, infrastruktur, peşəkarlaşma baxımından vacib olan digər sahələrə yatırımlar gələcək üçün daha məsləhətli olar.
 
AĞA

 
tarix: 26-09-2018 11:21


 
Xəbər lenti
12.12.2018
11.12.2018

22:52  “Qəbələ” “Sabah”la ev oyununa Bakıda hazırlaşır

22:34  “Qəbələ”dən 5 cavabsız qol

21:08  “Qarabağ” Londona yola düşdü - VİDEO

18:52  Danışılmış oyunlara qarşı forum

17:52  AFFA “Səbail”lə bağlı qərarını qüvvədə saxladı

17:31  “Neftçi” kubok oyununa da Abışovsuz hazırlaşır

17:05  “Mançester Siti”də yeni müqavilə

16:48  37 yaşlı forvard Messiyə çatdı

16:23  U-21-in oyunlarının təqvimi də açıqlandı

15:53  Qurbanovun istefasıyla bağlı yeni sensasiyalar - Müqaviləsi 6 illik deyilmiş, təzminat məbləği...

15:30  ÇL: Qrup mərhələsində son tur başlayır - YENİLƏNİR

15:01  Millimizin oyunlarının təqvimi açıqlandı

14:42  “Onlarla yaxın günlərdə müqavilə imzalayacağıq”

14:23  Azərbaycan Kuboku: 1/4 finalın hakimləri bəlli oldu

14:15  “Azərbaycan çempionatı daha populyardı”

13:42  “Aktobe” açıqladı: Reynaldo “Qarabağ”a qayıdır

13:23  Mövsümün 5-ci avtoqolu

13:00  Millimiz Fransa, İsveçrə və Slovakiya ilə bir qrupa düşdü

12:44  “Topaz”: Liverpulda həlledici “döyüş”

12:25  Azərbaycan kuboku: Oyunların başlama saatı açıqlandı

12:06  “Neftçi”nin seriyası qırıldı 

11:43  “Qarabağ”ın rekordu

11:22  Xorvatiya - Azərbaycan matçının məkanı bəlli oldu

11:05  Azərbaycan millisinə 22 futbolçu dəvət olundu

10:30  Ramil Şeydayev BƏƏ və Türkiyədə hazırlıq keçəcək

10:00  “eTopaz”da günün canlı oyunları

09:45  Ozan Canın komandası səfərdə 1 xal qazandı

09:17  De Byazi “Futbolinfo”ya danışdı: “Təklif almışam, sadəcə, gözləməliyəm”

09:12  İlin rəmzi komandası üçün 50 namizəd - UEFA açıqladı

09:01  La Liqa klubunda yeni baş məşqçi

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az