(+994) 050 678 37 80
(+994) 070 534 65 52

qaynar xətt

Vüsal Mahmudov
Natiq Muxtarlı
Tahir Süleymanov
“Neftçi”nin qayıdışı və əsas hədəf

“Neftçi”nin qayıdışı və əsas hədəf

“Neftçi” son illərin ən yaxşı mövsümünü keçirir. 5 turdan sonra komanda hamıdan çox qol vurub və 13 xalla liderdi. Ötən il autsayder komandadan danışırdıqsa, indi tam fərqli mənzərədi və klub futbolunun inkişafı baxımından məhz flaqmanın çempionluq rəqabətində olması müsbət məqamdı.
 
“Ağ-qaralar” indi də tənqid olunur. Komanda baxımlı futbol sərgiləmir, nəticəyə oynayır və xalların bir çoxunu hardasa təsadüfən qazanıblar. “Keşlə” ilə oyunun sonunda qazanılan qələbə, “Qəbələ” və “Zirə”ylə oyunlarda təhlükəli hesabın çətinliklə qorunması azarkeşləri narahat edən məqamlar idi. Ancaq o da var ki, pis oynayıb qələbə qazanmaq özü bir məharətdi. Oyun intizamı düzələndən, yeni qurulan heyət oturuşandan sonra “Neftçi” daha güclü olacaq.
 
Roberto Bordin oyun anlayışını bəyənmədiyim məşqçilərdəndi. Amma italyansayağı praqmatik futbolu gözəl bilir və nəticəni də bunun sayəsində qazanır. İlk tirlarda komanda müdafiə futbolu oynayırdısa, indi qol vurduqdan sonra nəticəni qorumaq üçün meydan boyunca pressinq tətbiq edildiyini görürük. Futbolçular böyük fiziki güc sərf edir və layiq olduqları xalları qazanırlar.
 
“Neftçi” hələ əvvəlki əzəmətni qaytarmayıb, amma bu yolda irəiləyir. Ötən illərdə komanda o qədər çirkaba batıb ki, indi həm təmizləmə prosesi aparılır, həm də yeni eranın bünövrəsi qoyulur. İndiki rəhbərlik sələfləri kimi borclardan gileylənmir, günahı əvvəlkilərin boynuna atmır, sakitcə öz işlərini görürlər. Halbuki buna əsasları da var – Orxan Hüseynzadənin vaxtından qalan kredit borcunu bağlamaq üçün hələ azı bir il də büdcəyə qənaət edilməlidi.
 
Klubun ən böyük uğuru və meydandakı nəticələri gətirən işi ab-havanı sağlamlaşdırmalarıdı. “Neftçi”nin daxilinə uzanan kənar əllər kəsilib və bu, ən mühüm məqamdı. Rəhbərliyin iradəsindən kənar heç bir iş görülmür, hansısa futbolçu və ya məşqçi kimlərsə tərəfindən gətirilmir. Qruplaşmalar böyük ölçüdə ləğv olunub, hamı bir amal uğrunda – “Qarabağ”la rəqabət aparmaq üçün birləşib.
 
Hələlik hər şey alınır. Lakin “Neftçi”nin əsl gücü çətin vəziyyətə düşərkən, oradan necə çıxacaqlarını göstərərkən bilinəcək. Ardıcıl 2-3 uğursuz oyun, komandada normal düşüş mümkündü və gözlənilir. Eyni zamanda bakılılar indiyədək hesabda geri düşməyib və həmin anda necə oynayacaqları naməlumdu. Komandanın psixoloji durumu, mübarizliyi məhz həmin zamanlarda bəlli olacaq.
 
Artıq azarkeşlər də komandaya inanmağa başlayıb. 8-ci kilometr stadionunda cəmi 1 oyun keçirən “Neftçi” didərgin həyatına son qoyub, güman ki, fanat sayında irəliləyişi görəcəyik. Klub həm idman nəticələri, həm də azarkeşlər üçün təşkil etdiyi aksiyalarla buna zəmin hazırlayıb. Yəqin ki, “Neftçi”sevərlər də bunu cavabsız qoymayacaq.
 
Son turda Bordinin etdiyi jest də komandanın tribunalarla bütünləşməsinə hesablanmışdı. Tribunada azarkeşlərlə qələbəni qeyd edən baş məşqçi hərəkəti ilə növbəti oyunlar üçün onlara dəvətnamə göndərdi. Əsas iş isə yenə meydandadı. “Səbail” və “Sabah”a qarşı 2 ardıcıl ev oyunu çox suala aydınlıq gətirəcək.
 
İstənilən halda, “Neftçi” toparlanıb və hədəfə köklənib. Çempion, gümüş medalçı olmaq yeganə məqsəd olmamalıdı. Bakılılar “Qarabağ” kimi dayanıqlı sistem qurmalı, sabitliyə nail olmalı və yenidən markaya çevrilməlidi. Yalnız belə olduqda rəqabət, inkişaf haqda danışa biləcəyik. Ölkə daxilində uğur qazanıb, avrokubokda qapazaltına çevrilmək görülən işlərin üstündən xətt çəkə bilər. Bu səbəbdən “Neftçi” xeyli artırmalı, indiki vəziyyətlə kifayətlənməməlidi. Rəqabətsiz çempionatda qazanılan uğur hələ heç nə demək deyil. Əsas odur ki, komanda relsə düşüb, qalır sürəti artırmaq.
 
CAVAD

 
tarix: 26-09-2018 12:24


 
Xəbər lenti
18.07.2019

02:39   Nigeriya Afrika Millətlər Kubokunda 3-cü oldu

01:03   1-ci təsnifat mərhələsinə yekun vuruldu - ÇL

00:12   Rəşad Sadıqov: “Qol zamanında gəldi”

17.07.2019

23:48  Tahir Gözəl: “Oyun ilk qoldan sonra başladı”

23:39  “Qarabağ” bizdən güclü olduğu üçün müdafiədən oynadıq”

23:29  Qurbanov: “Komanda hələ ən yaxşı performansından uzaqdı”

23:15  “Qarabağ” İrlandiya çempionu ilə qarşılaşacaq

23:01  “Qarabağ” avrokuboklarda 100-ə çatdı

22:52  “Qarabağ” ÇL-in ikinci təsnifat mərhələsində!

22:29  “Tottenhem”in futbolçusu rəsmən “Atletiko”da

21:55  Avropa Liqası: Gürcüstan klubu növbəti mərhələdə

21:27  Kristian Efros: “Fikrimi dəyişməmişəm”

21:09  Sənan Qurbanov Türkiyə toplanışını dəyərləndirdi

20:46  Əmirquliyev: “İçimizdə bir inam var”

20:11  Aftandil Hacıyev: “Gərək 3 qol vurub, rəqibi təəccübləndirək”

19:57  “Səbail”ə mən də qol vurmaq istəyirəm”

19:18  “Səbail”lə oyunda müdafiə olunarkən diqqətli olmalıyıq”

18:58  “Qəbələ” Türkiyədən qələbə ilə qayıdır

18:30  Premyer Liqada yay bazarlığı - YENİLƏNİR

18:22  “Zirə” növbəti transferini açıqladı

18:00  Roberto Bordin: “3:0 bizi aldatmamalıdı”

17:47  Emin Mahmudov: “Hücum futbolu göstərəcəyik”

17:14  “Vest Hem”dən rekord transfer

16:50  Hollandiya Futbolçular Birliyində ukraynalı prezident

16:25  “Qarabağ” yeni transferini rəsmən açıqladı

16:00  Mançini “Roma”da

15:37  “Sumqayıt” Rumıniya klubu ilə qarşılaşacaq

15:10  “Qarabağ”ın oyununa nə qədər bilet satılıb?

14:56  De Xea qərarını verdi

14:27  Latviya klubunda daha bir azərbaycanlı futbolçu

14:00  Premyer Liqa klubundan yeni transfer

13:42  İspan futbolçu La Liqada klubunu dəyişdi

13:21  Premyer Liqa klubunda yeni baş məşqçi

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az