“Zirə” ilə “Sumqayıt”ın 13-cü dueli

“Zirə” Topaz Premyer Liqasının bu həftə keçiriləcək 6-cı turunda “Sumqayıt”la qarşılaşacaq.

Futbolinfo.az xəbər verir ki, paytaxt təmsilçisinin cari mövsümdəki üçüncü səfər oyunu sentyabrın 30-da baş tutacaq. Bu matç rəqiblər arasında 13-cü qarşılaşma kimi tarixə düşəcək. Premyer Liqa çərçivəsindəki bu oyunlar son üç mövsümə təsadüf edib. 

“Qartallar” bu matçlarda üstünlüyə malikdi. Hesabında 6 qələbə olan “Zirə” 3 heç-heçə edib və 3 dəfə uduzub. Rəqib qapısından 15 top keçirən paytaxt futbolçuları 10 qola üzülüb.

“Zirə” – “Sumqayıt” matçlarının ən yaxşı bombardiri Vüsal İsgəndərlidi. O, “Gənclik şəhəri” təmsilçisinin qapısından 3 top keçirib. Onun komanda yoldaşlarından Riçard Qadze və Sadio Tounkara, həmçinin sumqayıtlıların heyətində çıxış etmiş Mirabdulla Abbasov hərəyə 2 dəfə fərqlənib. 

Duellərdəki yeganə dublun müəllifi də Vüsaldı. Komandaların hərəsinin passivində bir avtoqol da var. Cari mövsümdən “Zirə”də çıxış edən Pərdis Fərcad-Azad rəqib qapısına yol tapsa, hər iki komandanın heyətində əks tərəfi məyus edən ilk oyunçu olacaq. 

Onun kimi, “Zirə”nin indiki baş məşqçi Samir Abasov da sabiq komandasına qarşı duelə çıxacaq. Əvvəlki 12 matçdan 11-də “Sumqayıt”a məhz Abasov rəhbərlik edib.

Maraqlıdı ki, komandalar arasındakı son 5 görüşdə hər iki tərəf qol sevinci yaşayıb. “Zirə” isə 6 qarşılaşmadı meydanı qolsuz tərk etmir.

7-ci dəfə “Sumqayıt”ın qonağı olacaq “Zirə” səfərdə də üstünlüyə malikdi. Hesabında 2 qələbə, 2 heç-heçə və 2 məğlubiyyət olan qəsəbə klubu top fərqində öndədi – 6:5.

“Qarabağ”dan “Keşlə”yə 3 cavabsız qol - VİDEO

Qurban Qurbanov: “Hər qərara etiraz edə bilmərik”

Tərlan Əhmədov: “Uşaq səhvləri məni çox yorur”