(+994) 050 678 37 80
(+994) 070 534 65 52

qaynar xətt

Tahir Süleymanov
Aldadıcı hesab

Aldadıcı hesab

“Qarabağ” oynadı, “Arsenal” qalib gəldi – şişirtmə deyil, faktdı. Oyuna baxan istənilən şəxs bu fikrə şərik ola bilər.
 
Hə, hesab böyükdü, komandamız 3 cavabsız qol buraxıb. Lakin bu da ağdamlların oyununa kölgə sala bilməz. Avropa Liqasının qrup mərhələsinin 2-ci turundakı oyun azarkeşləri məmnun etmək baxımından ideal idi. “Qarabağ” layiqli oynayıb, pis hesabla uduzdu.
 
Futbolu olmayan ölkənin 67 minlik stadionu tam dolursa, bu azarkeşlərə minnətdar olmaq lazımdı. Elə komandanı əla dəstəklədikləri üçün də... Anşlaqın bir səbəbi İngiltərə nəhəngi idisə, digəri də onu Bakıya gətirən, eyni zamanda gözəl futbol sərgiləyən “Qarabağ”dı. Azarkeşlərin gözü tərəzidi – onlar futbol oynamağı bacaran komandanı canlı izləməyi lazım bilmişdi.
 
“Qarabağ” təkcə dünənki oyunda bəlkə də ötən il qrup mərhələsində yaratdığı epizodlar qədər qol şansı qazandı. Futbolçuların bəxti gətirmədi, bacarığı, səviyyəsi yetmədi. Rəqib isə qol epizodu yaratmadan hesabı açdı və ağdamlıların oyuna diqtə etdiyi dəqiqələrdə heç nədən qollar vurdular. Səviyyə fərqi var idi, onsuz da “Aresenal” qalib gələcək gücdəidi. Lakin hesab oyunun ümumi axarını özündə əks etdirmir – londonlular çətin qələbəyə layiq idi.
 
Futbolçuları qınamağın yeri yoxdu, ortada ölkə, klub fərqi var. Və hər ölkəyə, kluba uyğun futbolçular orada cəmləşib. “Qarabağ” da dünənki matçı Bakı Olimpiya Stadionunda uduzmadı, bu məğlubiyyət daha öncədən, xüsusilə yerli oyunçular futbolda ilk addımlarını atarkən “qazanılmışdı”. Daha yaxşı məktəb görənlər, ustalığını daha yaxşı inkişaf etdirənlər qalib gəldi.
 
“Arsenal” matça əsas heyətlə çıxmamışdı. Amma əvəzedicilər də bizim ən üst səviyyəli legionerlərimizi cibində gəzdirərdi. Tez düşünmə, topla davranış, sürətli oyun, futbolçuların zonalara açılmasındakı mexanizm, ötürmə vermək və onu qəbul etmək bacarığı – “Arsenal” dünən məhz bunun dərsini keçirdi. Komanda istədiyi vaxt qol vururdu, əla müdafiə olunurdu. Futbolçuların seçimi, istedadların yetişdirilməsi baxımından hətta AFFA-nın nümunə götürməli olduğu oyun idi.
 
Doğrusu, Qurban Qurbanov da məşqçi kimi xeyli artırıb, karyerasının zirvəsindədi. “Sportinq”lə oyunda olduğu kimi, dünən də o, rəqib məşqçiyə ağılda uduzmadı. Rəqib əla təhlil olunmuş, taktika qurulmuşdu. Hətta Unay Emeri "Qarabağ"ın diqtəsi üzündən fasilədə taktikanı dəyişməli oldu. Problem yalnız futbolçu seçimində idi və buna görə Qurbanovu qınamaq olmur. “Qarabağ”ın büdcəsi yalnız bu səviyyəli futbolçuları almağa çatır, hətta daha yaxşı imkanlar olsa da, səviyyəli əcnəbiləri 8 komandası olan Azərbaycana gətirmək mümkün deyil. Qurban bəyin düzgün oyun qurduğu yaradılan qol epizodlarında, ən yaxşı heyəti oynatdığı sonradan meydana çıxan futbolçuların oyununda özünü göstərdi.
 
Nəticəyə görə üzülməyə dəyməz. Belə oyuna görə məmnun olmaq lazımdı. Dünən “Səbail”lə, sabah “Keşlə”ylə oynayan komanda “Arsenal”la üz-üzə gələndə belə mənzərə ortaya çıxmalı idi. Avropada qələbələr üçün futbolumuz kompleks şəkildə böyüməlidi.
 
FƏRİD

 
tarix: 05-10-2018 09:00


 
Xəbər lenti
25.04.2019

01:25   “Atletiko” “Barselona”nın çempionluğunu ertələdi

01:02   İtaliya kubokunda ilk finalçı müəyyənləşdi

00:56   “Arsenal” yenə uduzdu, derbidə MS qalib gəldi

00:41   “Bavariya” finalda

24.04.2019

22:54  Türkiyə Kubokunda ilk finalçı bəlli oldu

22:41  U-14 Liqasından Premyer Liqa klublarına “göz dağı”

19:04  Yarımfinalın cavab oyunlarının vaxtı açıqlandı

18:34  “Qəbələ”yə 2 qol vursam da, bu, artıq tarixdi”

17:53  “Səbail”in Essyeni sıradan çıxdı

17:28  “Ayaks”dan rekord göstərici

16:50  “Neftçi” “Sumqayıt” üçün hazırlaşır

16:24  Yurçeviçin qızları Bakıya və Qəbələyə heyran olublar - FOTOLAR

16:15  “Qarabağ” 6 aydan sonra...

16:02  90 dəqiqədə bir dəfə də kobudluğa yol vermədilər!

15:40  Millimizin futbolçusu üçün yeni baş məşqçi

15:16  Messi 100-ə çatdı

14:47  Millimizin üzvləri mədəni tədbirlərdə iştirak edəcək

14:22  Müşahidə Şurası “Sabah”ın çıxışına qiymət verdi

14:09  “Qızıl buts”: Messi Mbappeyə qarşı

13:45  Premyer Liqada 26-cı turu 8 futbolçu buraxacaq

13:02  İtaliya klubu baş məşqçisini qovdu

12:37  “Beşiktaş”ın futbolçusu üçün mövsüm bitdi

12:05  Panenka penaltisini boşa verən futbolçu qovuldu - VİDEO

11:29  “Barselona” oynamadan çempion ola bilər

11:06  Tiqrucanın final arzusu: “Qarabağ" və ya "Qəbələ" ilə oynamağın fərqi yoxdu”

10:40  “Mançester Siti”də ciddi itki: 2-3 həftə olmayacaq

10:11  Mühafizəçilərə görə - “Sumqayıt” cəzalanacaqmı?

09:51  Premyer Liqanın tarixinə keçən qol

09:30  Əsgərovdan Latviyada daha bir dubl və bombardirlik

09:00  Yurçeviç üçün həm ziyarət, həm “ticarət”

01:21  “Barselona”dan inamlı qələbə

00:53  “Tottenhem”ə 1 qol bəs etdi

00:38  Almaniya Kubokunda ilk finalçı bəlli oldu

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az