(+994) 050 678 37 80
(+994) 070 534 65 52

qaynar xətt

Tahir Süleymanov
Qurban Qurbanov: “Yolun uzunluğu böyük problem olacaq”

Qurban Qurbanov: “Yolun uzunluğu böyük problem olacaq”

UEFA Millətlər Liqasında oktyabrın 11-də Farer adaları ilə qarşılaşacaq milli komandamız bu gün sözügedən ölkəyə yola düşüb. 

Futbolinfo.az xəbər verir ki, yığmamızın baş məşqçisi Qurban Qurbanov səfər öncəsi jurnalistlərin suallarını cavablandırıb. O, ilk olaraq komandanın durumu haqda danışıb:

- Hazırlıq üçün çox vaxt olmadı. Bəzi legionerlərimiz komandaya gec qoşuldular. Məsələn, Riçard Almeyda. Buna baxmayaraq, belə hal ilk dəfə yaşanmır. Düşünürəm ki, futbolçuların durumu pis deyil. Qarşıdakı oyunda hər kəs özünü yaxşı tərəfdən göstərməyə çalışacaq.

- Qələbənin şərt olmasını təzyiq olaraq görürsünüz, yoxsa əlavə bir motivasiya?
- Əlbəttə, təzyiq var. Görünən odur ki, heç kim qələbədən başqa bir nəticə gözləmir. Bu da futbolçulara təzyiq yaradır. Amma bunu mən hər zaman normal qarşılamışam. Belə olduğu halda, istər bizim, istərsə də futbolçuların məsuliyyəti daha da artır. Belə tələblər çox olur. Bu da futbolun yazılmayan qanunlarından biridir. İnanıram, bunu biz təyziq kimi yox, motivasiya kimi qəbul edərik ki, oyunumuza mənfi təsir etməsin.

- Heyətə yeni cəlb etdiyiniz Rüfət Dadaşov haqda nə deyə bilərsiniz?
- Dediyim kimi, hamı özünü yaxşı tərəfdən göstərir. Sadəcə, problemimiz ondadır ki, vaxtımız çox az oldu. Dadaşov da bizə gec qoşulanlardan biridir. Cəmi bir məşq artıq edib. İstədiyimiz məşqləri tam olaraq yerinə yetirə bilmirik ki, onların güclərini bilək. Amma görünən odur ki, Rüfət yenidən milliyə qayıtdığı üçün çox şaddır. İstəyirəm ki, şans verdiyimiz halda, özünü yaxşı tərəfdən göstərməyə çalışsın. Eləcə də digərləri.

- “Qəbələ”dən Cavid Hüseynovu heyətdən çıxarmısınız...
- Cavidin olmaması normaldır. Mən dəfələrlə qeyd etmişəm ki, hər toplanışda yeni futbolçular görə də bilərsiniz, daim olanları görməyə də bilərsiniz. Çünki onların hazırlığını, bütün oyunlarını izləyirik və sonda qərarımızı veririk.

- Oktyabrın 11-də Farer adaları ilə səfərdə, 3 gün sonra isə Malta ilə doğma meydanda qarşılaşacaqsınız. Bu iki oyun arasındakı vaxtın azlığı və yolun uzunluğu nə qədər təhlükə yarada bilər?
- Buna təhlükə deməzdim. Amma həddindən artıq böyük problem olacaq. Bu gün elə 14 saata yaxın yolda olacağıq. Bu, elə də az vaxt deyil. İstər-istəməz futbolçularda yorğunluq yarana bilər. Adaptasiya üçün böyük problem olacaq. Səfərə getmək üçün bir o qədər narahat deyiləm, əksinə, oyundan sonra geri qayıtmağa görə narahatam. Çünki futbolçular oyunda maksimum güclərini ortaya qoyacaqlar. Daha sonra isə bütün gecəni yolda olacağıq. Futbolçuların Malta ilə oyuna tam hazır olmasında böyük problem yaşanacaq. Amma başqa yolumuz yoxdur. Hər bir halda, ən düzünü etməyə çalışacağıq.


 
tarix: 09-10-2018 20:39


 
Xəbər lenti
14.12.2018

01:54   “Qarabağ” “Arsenal”la yenə bacarmadı

01:29   Almeydalı “Astana” Avroliqa ilə vidalaşdı

01:14   “Qəbələ”nin “Sabah”la 3-cü dueli

00:30   “Qəbələ”nin yeganə əvəzedilməzi

13.12.2018

23:17  “Qəbələ” üçün 14-cü start və yubiley matçı

22:10  5-ci start, 11-ci matç, 7-ci rəqib

20:50  Prezident “Neftçi”nin sabiq futbolçusuna ev verdi

20:35  Azərbaycanlı məşqçi “Altınordu”nun düşərgəsində - FOTO

18:31  Akinfeyev 4-cü oldu

17:50  “Liverpul” müdafiəçisini 1,5 aylıq itirdi

17:17  Avropa Liqası ADİU-da tələbələrlə görüşdü

16:25  UEFA Azərbaycanın daha 4 klubuna pul ayırdı

15:53  İlham Əliyev Ağasəlim Mircavadovu mükafatlandırdı

15:26  Azərbaycan kubokunda ilk dəfə üz-üzə gələnlər və…

15:01  “Neftçi”nin 2 rəqibi məlum oldu

14:35  “Neftçi”nin yeni evi müasir standartlara tam cavab verəcək

14:28  La Liqa klubunda ciddi itki

14:20  Avropa Liqası: Son 11 vəsiqə uğrunda - YENİLƏNİR

14:16   “Arsenal” azarkeşlərinə müraciət: 2 yaşlı Zəhramızın qatilinə əl çalmayın!

13:33  ÇL-də son turun ən yaxşısı adına 4 namizəd

13:04  UEFA “Qəbələ” ilə “Zirə”nin hesabına pul köçürdü

12:49  Elxan Məmmədov Məşqçilər Komitəsinin üzvləri ilə görüşdü

12:33  "Qarabağ”ın mövsümdə son avrokubok oyunu “Topaz”da

12:10  "Komanda məndən asılı ola bilməz" - Deviç məşqçilik üçün tez olduğunu düşünür

11:41  MS-dən əzmkar qələbə - VİDEO

11:20  “Viktoriya” “Roma”nı qrup liderliyindən etdi - VİDEO

11:00  “Ayaks”la “Bavariya” 3 qol vurub, 1 xal qazandı - VİDEO

10:42  “Yuventus” İsveçrədən məğlub qayıdır - VİDEO

10:20  MY “Valensiya”ya belə məğlub oldu - VİDEO

10:00  “eTopaz”da günün canlı oyunları

09:40  “Real” doğma meydanda biabır oldu - VİDEO

09:20  Çempionlar Liqasında bütün 1/8 finalçılar bilindi

03:52  Unay Emeri: “Qarabağ”a hörmətlə yanaşırıq”

02:00  ÇL-in qrup mərhələsinə yekun vuruldu

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az