(+994) 050 678 37 80
(+994) 070 534 65 52

qaynar xətt

Dibə vuran adamın vəzifə perspektivi

Dibə vuran adamın vəzifə perspektivi

Bəzi adamlar var ki, onlar üçün fəaliyyət sərbəstliyi var. Və onlara bacarıqlarından asılı olmayaraq, sərhəd qoyulmur. Hər işi batırırlar, amma yenə də başda oturdulurlar.
 
“Keşlə”nin Müşahidə Şurasının sədri Zaur Axundov da bu qəbil insanlardandı. Arxalı olmasına görədi ki, illərdi çalışdığı futbol təsərrüfatında kiçicik nailiyyəti yoxdu, lakin ildən-ilə səlahiyyətləri artırılır, daha böyük postlar tapşırılır.
 
O, indi yeni vəzifə gözləyir, arzulayır. Yəqin ki, istəyinə çatacaq. Çünki “day-day”ı güclüdü. Və onun indiyəqədərki bacarıqsızlığı bu təyinatın qarşısını almayacaq. Axı, bizdə görülən işin hesabatını heç kimdən istəmirlər.
 
Axundov rəhbəri olduğu futzal federasiyasında bir sıra uğurlara imza atmışdı. Daha doğrusu, belə görünürdü. Çünki bu gün baş verənlər həmin uğurların sabun köpüyü, gözdən asılan pərdə olduğunu isbatlayır. Bu məsələyə qayıdacağıq, lakin nəticə olaraq, onun pafosla danışmağa haqqı var idi. Yiyəsi olduğu “Araz” klubu Avropada qan edirdi, ölkədə rəqib tanımırdı. Analoqu olmayan hal o idi ki, Naxçıvanın Bakıda mövcud olan klubunun da, ümumilikdə federasiyanın da rəhbəri bir nəfərdi. Amma Axundova “gözünün üstündə qaşın var” deyən yoxdu.
 
Ölkə yarışlarındakı rəqiblərin zəifliyi, eyni zamanda hamının bir ələ baxması sakitçiliyə səbəb olmuşdu. Eyni zamanda braziliyalılardan qurulan “Araz”ın qitədə də yaxşı oynaması ağızlara qıfıl vururdu.
 
Ölkə futboluna milyonların xərcləndiyi vaxtlarda bu məqama diqqət yetirən yox idi. Elə ki, böhran başladı, böyük pullar ayrılmadı, o zaman futzal təsərrüfatının da əsl siması ortaya çıxdı. Bugünlərdə avrokuboklarda biabır edilən bir “Araz” var. Bu, həmin Naxçıvan klubudu ki, əcnəbiləri yola salıb və yerli oyunçularla heç nəyə yaramır.
 
UEFA Çempionlar Liqasının cari mövsümündə 3 oyuna 1 xal toplayan “Araz” qrupda qaldı. Slovakiya “Luçenec”inə 2:5, Litva “Vytis”inə 0:1 uduzan təmsilçimiz, yalnız Malta “Valletta”sı ilə xal böldü – 1:1. Və bütün bunlar braziliyalılar - Eduardo Borges, Everton Kardoso və Thiaqo Telez Bolinya, eləcə də iranlı Reza Toloue ilə vidalaşdıqdan sonra reallaşdı. Yerli oyunçulara güvəndikdə nəticə faciəvi oldu.
 
13 qat Azərbaycan çempionunun bu nəticəsindən sonra dəqiqləşdi ki, indiyədək Avropada meydan sulayan “Araz” yox, Braziliya yığması imiş. Və bütün nəticələr də SOCAR-ın ayırdığı milyonların hesabına qazanılırmış. Zaur bəy sadəcə, pulu büdcədən götürüb xərcləyir, dövlət vəsaiti ilə qazanılan nəticələri öz adına yazdırırmış. Və bu illər ərzində baş əcnəbilərə pul dağıtmağa o qədər qarışıb ki, yerli kadrlar da yetişdirilməyib. Halbuki bu legionerlərlə birlikdə gənc həmyerlilərimiz oynasaydı və onların inkişafına diqqət yetirilsəydi, indiki biabırçı mənzərə yaranmaz, braziliyalıları zamanla yetişdirilən özümüzkülər əvəzləyərdi.
 
Yəqin ki, yeni nəslin yetişdirilməsi, inkişafı üçün də böyük pullar xərclənib. Və indi o futzalçılar yoxdu, “Araz” miskin durumdadı. Axundov hesabat verəcəkmi?
 
Qətiyyən! O, hamilərinə güvənir və hər gün yeni bir vəzifəyə doğru addımlayır. Bir neçə ildi böyük futbola qədəm qoyub, birdən-dirə AFFA İcraiyyə Komitəsinə üzv seçilib. Hansı xidmətlərinə görə olduğunu bilmirik, amma komitədə yer tutur və ölkə futbolunun taleyini həll edən məsələləri müzakirə edir, qərar verir. İşlədiyi sahədə yanlış strategiya üzündən hər şeyi məhv edən birinə indi bu boyda səlahiyyətin niyə verildiyi özü də müəmmalıdı. Vəzifə almaq üçün mütləq bu qədər bacarıqsızmı olmalısan?
 
Zaur bəyin “Keşlə” kimi klubu hansı vəziyyətə gətirdiyi də göz önündədi. “İnter”in adını dəyişməklə komandanın taleyi də fərqli olub. Bu komanda avrokubokda sabit çıxış edən klublarımızdan idi və mütəmadi olaraq, 1-2 mərhələ keçilirdi. Amma Axundovun “Keşlə”si hətta cırtdan ölkə təmsilçisinə böyük hesabla uduzacaq səviyyəyə enib.
 
Avropa macərasını təsadüf saya bilərdik, lakin Premyer Liqadakı duruma baxın. “Keşlə” rəqabətsiz yarışda, bərabər səviyyəli komandaların mübarizə apardığı çempionatda sonuncudu. Paytaxt klubunun büdcəsi də əksər komandalardan daha yaxşıdı. Nə olsun? İşin başında səriştəsiz adamlar dayanırsa, belə də olmalıdı.
 
Hazırda “Keşlə”nin düşərgəsində 10 legioner var, daha biri tezliklə gələcək, ikisi də ötən ay yola salınıb. Əcnəbilər orta hesabla 7 min dollar maaş alır, bu, aya 70, ilə 700 min dollar deməkdi. Yəni, 1 milyon manatdan da çox. Bəs, nəticə? Tanışlıqla seçilib sırınan 10 əcnəbi ilə sonuncu pillə tutulacaqsa, daha onlara nə ehtiyac var? Bu azmış kimi, komandanın baş məşqçisi də, ən azı bir köməkçi də daim əcnəbi olur.
 
Hər şey idarəçiliyə, səriştəsizliyə bağlıdı. Axundov işini düzgün qursaydı, sentyabrda 2 ən yüksək ödənişli oyunçusunu (Adrian Skarlatake və Miloş Bosançiçin hərəsinin 12 min dollar maaş aldığı deyilir – red.) heyətdən uzaqlaşdırmazdı. Heyətdəkilərə baxsaq, məhz göndərilənlər komandanın ən yaxşıları idi, qalanlar heç divizion səviyyəli oyunçular deyil. Zaur bəy yayda papağını günə verib, indi – hamıya aşağıdan yuxarı baxarkən ayılıb və tələsik transferlər etdirir. Boşda olan, arada qalan, səviyyəsi şübhə doğuran əcnəbilər yenə heyətə doldurulur, böyük pullar havaya sovrulur.
 
Mövsümün sonunda nə olacağı bəlli deyil, amma fürsətdi və Axundov xərcləyir, dağıdır. Pul özünün olsaydı, belə etməzdi. AFFA-nın, SOCAR-ın ayırdığı vəsaitdi. Klubun idarəçisi də özüdü, müşahidə, nəzarət etməli olan şuranın rəhbəri də. Və komanda bərbad durumdadı, xərclər isə gündən-günə artır, maliyyə xərclənir, heç kim hesabat istmir.
 
Heç istəməyəcəklər də. Arxalı adamdı, elə buna görə bu qədər səlahiyyəti var. Maliyyəni yaxşı dağıtdığı üçün yeni vəzifə də vəd ediblər. Yayda təyinat olacağına ümid edərək dayanmır. Lazım olanda əzələ nümayiş etdirir, futbolçunu söyür, təhqir edir – bir sözlə, futbol təsərrüfatında öz muxtar respublikası, oranın da öz qanunları var. İstədiyi kimi işləyir, yüksəlir.
 
Elə bu cür adamların vəzifə başında olmasının nəticəsidir ki, Azərbaycan futbolu 25 ildə 25 sm irəliləməyib, əksinə, 90-cı illərə doğru “irəliləyir”.
 
FƏRİD

 
tarix: 10-10-2018 09:00


 
Xəbər lenti
20.11.2019

02:46   Pavel Hapal: “Azərbaycan müdafiədə yaxşı, kompakt oynadı”

02:21   Yurçeviç: “Bir xalla mən də xoşbəxt deyiləm”

01:56   Uels millisi AÇ-2020-də!

01:34   Millimiz son oyunda da uduzdu

01:07   Azərbaycan - Ukrayna: 2 qol, 2 “qırmızı” - VİDEO

00:54   “Tottenhem” Poçettino ilə vidalaşdı - RƏSMİ

19.11.2019

22:21  Qarabağ"dan "İmarət"ə yubiley təbriki - VİDEO

22:11  Elxan Məmmədovla bağlı Rövnəq Abdullayevə şikayət - "Təzyiq və təhqirlər başlanıb"

21:44  “Oyun gözlədiyimiz kimi keçmədi” - Ruslan Rotan

21:31  Obradoviç: “Elə dəqiqələr olurdu ki, nə etdiyimizi bilmirdik”

20:11  Vüqar Məmməd: “Rəqib 90 dəqiqə müdafiə futbolu oynadı”

19:59  Millimiz Ukrayna ilə heç-heçəyə razılaşdı

18:54  “Qalatasaray” itirə-itirə gedir

18:00  Millimiz Qazaxıstana da uduzdu

17:43  Paytaxt klublarının 18-ci dueli

17:22  Argentina millisinin üzvü ilə yeni sözləşmə

17:00  “Borussiya”da 5 illik müqavilə

16:42  İspaniya millisində yeni baş məşqçi - RƏSMİ

16:20  İstefa xəbərini eşitdi, mətbuat konfransına qatılmadı - Qalmaqal

16:00  “Qəbələ”nin futbolçusu: “Bu cür davam edəcəyimizə çox inanıram”

15:40  La Liqa klubunda yeni müqavilə

15:21  71 il sonra gələn qələbə

15:00  “Səbail”in legioneri: “Futbol üçün çox darıxmışdım”

14:41  Elxan Məmmədova ünvanladığımız sualın cavabı - II hissə

14:20  İtaliya millisindən ermənilərə 9 qol - VİDEO

14:00  Kavani Messini “razborka”ya çağırdı

13:40  Mxitaryan yenə ara qarışdırır

13:20  Simeon Slavçev: “Hazırda yalnız “Qarabağ”ı düşünürəm”

13:00  Millimizə 28 futbolçu çağırıldı

12:41  Uruqvay və Argentinadan heç-heçə - VİDEO

12:21  Əliyar Ağayev maltalıları cəzalandırdı

12:00  AFFA-nın iki əməkdaşı “Krasnodar” – “Bazel” oyununda

11:43  AFFA rəsmisinə UEFA-dan təyinat

11:21  “Zirə”nin futbolçusu Əlcəzairə qarşı oynadı

11:00  “Qarabağ”ın legioneri vətəninə qayıdır?

10:30  “Real”ın futbolçusu 6 həftə oynamayacaq

bütün xəbərlər >>>

Ən çox oxunan
Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az