(+994) 050 678 37 80
(+994) 070 534 65 52

qaynar xətt

Tahir Süleymanov
Strateji qələbə

Strateji qələbə

Rəqibin kimliyindən asılı olmayaraq qələbə hər zaman qələbədir. Psixoloji gərginlikdə qazanılan böyükhesablı qələbə isə daha önəmlidir. Bununla futbolumuz düzəldimi, düzələcəkmi?!

Görüşlə bağlı oyunu geniş təhlil də etmək olar. Azərbaycan futbolunun dərdinin Farer adaları üzərində qələbə olmadığı üçün bir cümlə yetər... Bəzi futbolçuların fərdi səhvlərini çıxmaq şərtilə komanda matça psixoloji, fiziki, taktiki olaraq yaxşı hazırlanmışdı. İndiki məqamda əsas üç xalın qazanılması idi...

Qələbənin mahiyyəti daha geniş, daha böyükdür. Qurban Qurbanovla yanaşı Azərbaycan futbolunu istəyən, inanan yerli mütəxəssislərin, jurnalistlərin, azarkeşlərin strateji qələbəsidir.

Görüş soyuq, dumanlı, yağışlı adalarda tək turnir cədvəli baxımdan önəm daşımırdı. Futbolda cərəyan edən soyuq müharibədən soyuq başla çıxılmalı idi. Baş məşqçi böyüdüyü Zaqatalada bənzər hava şəraitini çox görüb. Futbol havası nə qədər qızışdırılsa da, uzaq adalarda odlar yurdu Azərbaycanın istisi, günəşi 90 dəqiqədə üç dəfə qatı buludlar arasından parladı. İsti futbol havamızı istəməyənlər çox olsa da belə...

Zaqataladan Bakıya ən qısa yol Şəkidən, Qəbələdən, Şamaxıdan keçir. Yol boyu füsunkar təbiət göz oxşayır. Təbiətin gözəlliyi fonunda ətrafda bulaqları qurumuş, şoranlıq torpağa bənzəyən barsız futbolumuz görünür. Tək Qəbələdə futbol meydanları ümid verir. Onlar da digər bölgələrimiz kimi futbol RLS-lərinin təsirindən, şualarından yandırılıb külə döndərilməsə...

Şəkidə tarixi deyim var: "Gələrsən - görərsən"!

Yolboyu dağlardan aşağı endikcə, aşırımları keçdikcə, Bakıya yaxınlaşdıqca futbolun "gələrsən - görərsən"ini Abşeronda görürsən. Futbolun "boz qalası" paytaxta sığınıb. Daha doğrusu sürüklənib, sığdırılıb...

Azərbaycan futbolunda uğur qazananlar üçün keçilməz "qala"ya salınmış futbol aşırımlarını keçmək gərəkdir. "Qala"dakıların boz kardinallarına, vəzirlərinə futbol maraqlı deyil, yeyib-içib feyziyab olmaqdan ötrü Avropadan dəvət olunan müsyo jordanlar sərfəlidir. Bəzi yerlilər onlara ancaq qulluqlarında durub quyruq bulamaq və onları əcnəbilərə fərsizlər yığınağı kimi göstərib deyib-gülmək üçün lazımdır. 

Azərbaycan futbolunda sözünü meydanda deyə bilənlər istənilən yolla məhv edilməlidir. Yerli futbol sərkərdələri, yetişən, yetişmiş cəngavərləri olmamalıdır.

Dünənki qələbə 50 minlik əhalisi olan adalar üzərində deyildi. Hər vurulan qol xalqımızı, futbolumuzu aşağılamaq istəyən, əcnəbi sevgisindən alışıb yanan boz "qala"da "sapı özümüzdən olan baltalar"ın qol-budağını kəsirdi, qırırdı... 

Azərbaycan futbolu Bakıya "sığınıb". Milli evsiz-eşiksiz kasıblar kimi Mərdəkandan, Suraxanıdan Bayıla qədər uzanan yollarda qalıb. Hava limanından şəhərə gələrkən Farer adalarının əhalisini tribunalarına yığa biləcək nəhəng stadiona bir ildir həsrətlə baxır. "Kvartirant"lıq düzəlsə də belə BOS-n öz bossları var. Yaşıl meydanda bacarmasalar da, ətrafda hər addım "podkat"lar işə düşür...

Milli xalqındır, hər birimizindir. Acınacaqlı, bərbad durumda, 10 milyonun 8 komandalı "Bakı birinciliyi"ndən formalaşan millinin qələbəsi bir daha Azərbaycan futbolunun potensialının olmasını göstərir. 

Futbol əsl Azərbaycan qalasına çevrilsə bütün Avropaya "gələrsən-görərsən" deyə bilərik. Bunun üçün Balakəndən, Naxçıvandan, Lənkərandan, Qusardan Bakıya öz bacarıqlı sərkərdələrimiz, cəngavərlərimizlə birgə günəşli futbol işığı saçmalıdır.

Tanrı istədiyi bəndələri sınaqlardan keçirib mükafatlandırır. Yad adada da top qapımızdan keçmirdi, əksinə, hər hücumumuz qolla nəticələnirdi. Yaradan da bu qələbəni istəyirdi, doğru futbol yolunun başlanğıc istiqamətini göstərirdi. Azərbaycan futbolunun bozarmış boz "qala" cəlladlarından yaxa qurtarılması üçün...

Qalır əməli addımların atılması, günəşli, əsl futbol sabahlarının təməlinin qoyulması...

Tahir Süleymanov


 
tarix: 12-10-2018 23:55


 
Xəbər lenti
21.02.2019

02:12   PSJ 3 xalı 5 qolla qazandı

01:57   MS “Şalke”yə qalib gəldi, “Yuventus” “Atletiko”ya uduzdu

20.02.2019

23:03  Avroliqada ilk 1/8 finalçı bəlli oldu

19:56  “Qarabağ” “Sabah” üçün hazırlığa başladı

18:33  Emil Balayevdən inamlı oyun - VİDEO

18:16  “Yuventus”un futbolçusu ürəyindən əməliyyat olundu

18:08  Daliç Azərbaycanla oyun üçün heyəti müəyyənləşdirib

17:53  “Sumqayıt”ın üzrxahlığı

17:01  Klublar Komitəsinin iclasının vaxtı açıqlandı

16:41  “İkinci hissədə bir qədər arxayınlaşdıq”

16:11  “Kəpəz”ə gedən yol” təqdim olundu

15:55  Maluda rəsmən İsveçrə klubunda

15:16  Kumanın yeni iş yeri məlum oldu

14:48  “Yuventus”da ciddi itki

13:46  Messi İnyestaya çatdı

13:24  Lisenziyalaşdırma qrupu UEFA seminarında

13:09  Millimizin rəqibi üçün Trinidad Tobaqo

12:42  Təmkin Xəlilzadə ata oldu: “Artıq bir yox, iki sevgilim var”

12:21  Millimizin üzvü: “Fiziki baxımdan bir qədər axsayırıq”

12:01  “Hələ də şansımız qalır”

11:54  Kovaç heç-heçədən məmnundu

11:47  “Rubin” Balayevə qol vura bilmədi

11:37  Valverde azarkeşlərdən dəstək gözləyir

11:29  Klopp nəticədən razı deyil

11:15  “Səbail”ə gəlmədi, 1 aya 2 klub dəyişdi

11:00  Millimiz Avropa çempionatının sonuncu səbətində

10:48  Saşa Stamenkoviç: “Hər matç bizim üçün vacibdi”

10:43  Quliyev oynadı, “Spartak” heç-heçəyə razılaşdı

10:32  Riberi 100-ə çatdı

10:26  Suares sonuncu dəfə 2015-də qol vurub

10:17  “Yuventus” hücumçusunu satdı

10:03  Alman intizamı, yoxsa PFL Stuxlikin əli ilə “vurulur”?

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az