(+994) 050 678 37 80
(+994) 070 534 65 52

qaynar xətt

Tahir Süleymanov
“Qarabağ” - “Vorskla”: Statistika nə deyir?

“Qarabağ” - “Vorskla”: Statistika nə deyir?

UEFA-nın rəsmi saytı Azərbaycan çempionu “Qarabağ”ın Avropa Liqasının qrup mərhələsinin 3-cü turu çərçivəsində Bakıda Ukrayna “Vorskla”sına qarşı keçirəcəyi oyunla bağlı statistik məlumatları açıqlayıb.

Futbolinfo.az xəbər verir ki, məqalədə E qrupunda yer alan Ağdam və Poltava təmsilçilərinin ilk iki matçda uduzduqları və Bakıdakı qarşılaşmanın onların ilk xallarını qazanmaları baxımından ideal şans olduğu vurğulanıb.

“Qarabağ” Portuqaliyada “Sportinq”, Bakıda isə İngiltərə “Arsenal”ına uduzmaqla bərabər, qol da vura bilməyib. Azərbaycan çempionu səfərdə 2, evdə 3 cavabsız qolla məğlub olub. “Vorskla” isə Londonda “topçular”a 2:4 hesabı ilə yenildikdən sonra doğma meydanda “Sportinq”lə görüşdə qələbə qazanmağa yaxın olsalar da, 90+1 və 90+3-cü dəqiqələrdə qol buraxaraq uduzublar - 1:2.

Əvvəlki görüşlər

“Vorskla” heç vaxt avrokuboklarda Azərbaycan komandaları ilə qarşılaşmayıb. “Qarabağ” 2014/2015 mövsümündə Avropa Liqasında “Dnepr”lə eyni qrupda yer alıb. Yarışın gələcək finalçısını səfərdə 1 cavabsız qolla üstələyən ağdamlılar evdə 1:2 hesabı ilə məğlub olublar.

“Qarabağ”

- 2017/2018 mövsümündə ardıcıl 5-ci dəfə Azərbaycan çempionu olan “Qarabağ” bütün hallarda avrokubokların qrup mərhələsində iştirak edib. Üç dəfə bu yarışda qüvvəsini sınayan Ağdam təmsilçisi ötən mövsüm Çempionlar Liqasının (ÇL) qrupuna düşən ilk Azərbaycan klubu olub.

Bu mövsüm isə “köhlən atlar”ın qitənin ən nüfuzlu klub turnirində yolunu Belarus BATE-si kəsib – 0:1, 1:1. Əvəzində Avropa Liqasının pley-off mərhələsində Moldovanın “Şerif” komandasından iki oyunun nəticəsində güclü olan (0:1, 3:0) “Qarabağ” qrupa vəsiqə qazanıb.

- Qurban Qurbanovun rəhbərlik etdiyi kollektiv avrokuboklarda heç vaxt qrupdan çıxa bilməyib. Komanda Avropa Liqasının qrup mərhələsində evdə keçirdiyi 10 oyundan 2-də qalib gəldiyi halda, 4-də uduzub. “Qarabağ” Belçika “Anderlext”indən (1:0, 2015/2016) və Yunanıstan PAOK-undan (2:0, 2016/2017) güclü olub.

- “Qarabağ” Bakıdakı son 8 avrokubok matçından 2-də qalib gəlib. Bundan başqa, ağdamlılar son 5 ev oyununda qələbə qazanmayıblar. Bunlardan 4-də uduzan Ağdam klubu ötən mövsüm Çempionlar Liqasında İspaniya “Atletiko”su ilə qolsuz bərabərə qalıb.

“Vorskla”

- Poltava klubu 2017/2018 mövsümündə Ukrayna Premyer Liqasında 3-cü yeri tutmaqla Avropa Liqasının qrupuna düşüb. Komanda milli çempionatda 1996/1997 mövsümünə təsadüf edən ən yaxşı göstəricisini təkrarlayıb.

- “Vorskla” avrokuboklarda 7-ci, qrup mərhələsində isə 2-ci dəfədir iştirak edir. Komanda 2011/2012 mövsümündə qrupa düşsə də, cəmi 2 xal qazana bilib və sonuncu yeri tutub. Ukraynalılar Belçika “Standard”ı (0:0) və Danimarka “Kopenhagen”indən (1:1) xal ala biliblər.

- Poltavalılar avrokuboklarda sonuncu səfər qələbəsini 2011/2012 mövsümünün pley-off mərhələsində Rumıniyanın “Dinamo” (Buxarest) komandası ilə görüşdə əldə ediblər – 3:2.

Komandalar arasında əlaqə

- “Qarabağ”ın müdafiəçisi Ansi Aqolli 2012-ci ilin yanvarında Ukraynanın “Krivbass” komandasından Azərbaycana gəlib. Albaniyalı müdafiəçi 2009/2010 mövsümündə hazırda “Vorskla”da çıxış edən Aleksandr Kobaxidze ilə komanda yoldaşı olub.

- “Vorskla” Avropa Liqasının qrupunda keçirdiyi 8 oyunun heç birində qalib gələ bilməyib. Bundan pis göstərici isə “Qəbələ” və Slovakiyanın “Slovan” komandalarına məxsusdur – 12 oyun.

Baş məşqçilər

- Qurban Qurbanov Azərbaycan millisinin ən yaxşı bombardiridir. O, 64 matça 12 qol vurub. Futbolçu karyerasında çoxlu sayda klub dəyişən 46 yaşlı mütəxəssis məşqçi işində “Qarabağ”da lövbər salıb. Qurbanov bu ilin avqustunda Ağdam komandasının sükanı arxasında 10 illiyini qeyd edib. 46 yaşlı mütəxəssis bu müddətdə ardıcıl 5 dəfə ölkə çempionu olub və 4 dəfə Azərbaycan Kubokunu götürüb. Ən önəmlisi, o, ÇL-in qrupuna vəsiqə qazanan ilk azərbaycanlı məşqçi kimi tarixə düşüb. Qurbanov 2017-ci ilin noyabrından paralel olaraq Azərbaycan millisinə də rəhbərlik edir.

- Vasili Saçko Ukraynanın yüksək dəstəsində “Volın” və “Krivbass”da çıxış edib. 2008-ci ildə “Vorskla”ya keçən ucaboy (190 sm) mərkəz hücumçusu artıq 10 ildir ki, klubdadır. 43 yaşlı mütəxəssis ilk 4 mövsümü oyunçu, növbəti 2 ili köməkçi-məşqçi kimi keçirib. O, 2014-cü ildən baş məşqçi vəzifəsindədir. Komanda 2017/2018 mövsümündə onun rəhbərliyi altında ölkə çempionatında 3-cü yeri tutub və qrup mərhələsinə vəsiqə əldə edib. 

Qeyd edək ki, oktyabrın 25-də Bakı Olimpiya Stadionunda keçiriləcək “Qarabağ” - “Vorskla” oyununa saat 20:55-də start veriləcək.


 
tarix: 18-10-2018 16:31


 
Xəbər lenti
24.01.2019

01:01   “Keşlə” qazaxlara belə uduzdu - VİDEO

00:50   “Trabzonspor” və “Göztəpə” 1/4 finalda

23.01.2019

23:26  AFFA-nın milliləşdirdiyi oyunçu haqda: “Azərbaycanla əlaqəsi yoxdu”

23:01  "Qəbələ" günü bir məşqlə başa vurdu

22:50  “Qəbələ” – “Fakel” oyununun vaxtı açıqlandı

22:20  Bordin: "Çatışmazlıqlar üzərində işləyəcəyik"

22:03  "Slovan"ın baş məşqçisi: "Yüksək səviyyəli rəqibə qarşı oynadıq"

21:46  Mamadu Kane: “Məğlubiyyətə layiq deyildik”

21:38  "Oyunların hamısına ciddi yanaşırıq"

21:02  Qurban Qurbanov: “Almeydaya bir az vaxt lazım ola bilər”

19:51  “Qarabağ” heç-heçə oynadı - YENİLƏNİB

18:59  “Keşlə” yenə uduzdu - YENİLƏNİB

18:19  “Neftçi” “Slovan”a uduzdu - YENİLƏNİB

18:00  AFFA-nın Lisenziyalaşdırma qrupu ilə bağlı yoxlamanın nəticələri açıqlandı

17:50  “Sabah”ın da saytı var

17:00  “Atletiko” futbolçusunu geri qaytardı

16:25  Sabiq “Real”lı aşağı liqa klubunda

15:56  “Neftçi” transferini rəsmən açıqladı

15:12  “Sabah” vətənə qayıtdı

14:55  İtkin düşən futbolçunun son mesajı yayıldı

14:33  “Zirə” yenə tək qolla qalib gəldi - VİDEO

14:11  “Sevilya” yeni transferini itirdi

13:45  Bundesliqa klubunda yeni müqavilə

12:56  Tərlan Əhmədov: “Bu mövqeyə daha yaxşı futbolçu seçmək istəyirik”

12:20  Millimizin ruslarla heç-heçəsi - VİDEO

11:55  “Sumqayıt”dan “Vardar” üzərində inamlı qələbə - VİDEO

10:30  Demba Ba yenidən Super Liqa klubunda

09:30  Ronaldo Messiyə çatdı

02:58  “Valensiya” “Xetafe”yə ilk oyunda məğlub oldu

02:11  “Neftçi” yeni transferini rəsmən açıqladı - VİDEO

01:04  Elşad Əhmədov: “Hücum xəttində irəliləyiş olması müsbət məqamdı”

00:31  “Qalatasaray”dan qələbə, “Akhisarspor” 1/4 finalda

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az