(+994) 050 678 37 80
(+994) 070 534 65 52

qaynar xətt

Vüsal Mahmudov
Natiq Muxtarlı
Tahir Süleymanov
İbrət götürməli qonşu və marketoloq səriştəsizliyi

İbrət götürməli qonşu və marketoloq səriştəsizliyi

Müstəqil Azərbaycanın milli komandasının ilk oyunu Gürcüstana qarşı olub. 3:6 hesabı ilə uduzduğumuz görüşdə millinin heyətində futbolumuzun qaymaqları yer alıblar:
Dmitri Kramarenko (Elxan Həsənov, 54), Aydın Ələkbərov (Vüqar İsmayılov, 54/Elman Sultanov, 76), Elşad Əhmədov, Tərlan Əhmədov, Zaur Qarayev, Emin Ağayev, Mahmud Qurbanov (Qurban Qurbanov, 46), Şahin Diniyev, Vidadi Rzayev, Nazim Süleymanov (k), Samir Ələkbərov (Kamil Bayramov, 70).
Baş məşqçi: Əhməd Ələsgərov.
 
Həmin vaxt qarşı tərəfdə daha güclü futbolçular çıxış ediblər. Bu gün isə Müstəqilliyimizin 27-ci ildönümüdür. Futbol mənzərəsi də eynidir. Azərbaycan milli komandası Malta kimi komandanı iki oyunda məğlub edə bilməsə də, Gürcüstan D liqasında işini maksimum görüb. 4 oyun, 4 qələbə. Komanda bütün bunlara qapısından qol buraxmadan nail olub.
 
… Müstəqil Azərbaycan Regionun lider dövlətidir. Bu, birmənalıdır. Hər kəsə məlumdur ki, Gürcüstan iqtisadiyyatının bir hissəsi Azərbaycandan asılıdır. Düşmən Ermənistandakı durumdan isə danışmağa dəyməz. Regionun lideri Azərbaycan dövləti əslində, futbolumuzun da lider olması üçün əlindən gələni edib. 2005-2015-ci illəri əhatə edən Dövlət Proqramı, eləcə də digər layihələr məhz buna hesablanmışdı. Amma təəssüf ki, biz dövlətin bu qayğısından yararlana bilmədik. Eyni zamanda, SOCAR futbolun inkişafı, milli komandaların  formalaşması üçün yetərincə böyük vəsait ayırır. Amma təəssüf ki, bu, düzgün istiqamətləndirilmir. Yekunda isə böyük bir boş çoxluq çıxır qarşımıza. Səbəblər nədir?
 
Nədənsə, hər kəsin etiraf etdiyi və fakt olan durumlar aidiyyatı qurumlar üçün keçərli deyil. İndi bizi tozunda boğan Gürcüstan millisinin inkişafının və qrup lideri olmasının və prinsip etibarı ilə D liqasının səviyyəsini aşmasının göz önündə olan səbəbləri var. Hansı ki, Azərbaycanda bunu görməzdən gəlirlər.
 
* Bölgələr
Bilin, agah olun, dərk edin. Azərbaycan futbolunun xilası bölgələrə bağlıdır. Nə qədər ki, Gəncə, Tovuz, İmişli, Mingəçevir, Masallı, Lənkəran, Zaqatala və bu kimi digər bölgələr futbolsuzdu, biz də futbolsuz qalacağıq.
 
* Meydança
Gürcüstan Futbol Federasiyası ölkə ərazisində çox sayda təbii örtüklü meydançaların salınmasına qərar verib və bu iş həyata keçirilib. Bu isə o deməkdir ki, Gürcüstanda futbola başlayan adam birbaşa ot üzərində məşq edir. Amma bizdə ən yaxşı halda elita komandası ota buraxılır. Gələcəyimiz hesab etdiyimiz uşaqların 90 faizi isə vaxtı keçmiş süni meydançalarda dəfn olunur. Fakt və reallıq budur. Süni örtüyə məhkum edilənlərin çox keçmədən zədə ilə bağlı nə qədər istəsən, problemi çıxır.
 
* Futbol adamları
Gürcüstan Futbol Federasiyasının prezidenti Levan Kobiaşvilidir. Ətrafında isə onlarla sözünü demiş futbol adamı cəmləşib. Bizdə isə futbolun əsas idarəçiliyi bu sahə ilə nəinki birbaşa, heç dolayı yolla əlaqəsi olmayanların əlindədir. Uşaq futbolu ilə bağlı da eyni sözlər keçərlidir. Futbolun təməli böyük peşəkarlara həvalə olunmalı bir vaxtda biz naşılarla iş görürük, aşağı yaş qrupları üzrə komandaların əksəriyyətində uşaq psixologiyasını bilməyən, futbolçu karyerası zəngin olmayan, tərli futbolkalardan çıxmayan, sadəcə, pulunu verib lisenziyasını alan adamlardır. Çox təsadüfi adamlar…
 
* Futbolçu keyfiyyəti
Biz oyunçularımıza çox yaxşı yanaşırıq. Olanımız budur. Tam layiq olduğu halda, kənarda qalanımız da yoxdur. O qədər pis vəziyyətdəyik ki, başını bir balaca qaldırıb, qapını görən oyunçunu milliyə çağıra bilərik. Kasıb bazarın, məhdud imkanların daxilində seleksiya işi aparılır. Amma faktiki olaraq keyfiyyət baxımından çox geridə qalmışıq. Bu gün Azərbaycan milli komandasının əsasını daxili çempionat, Gürcüstan millisinin əsasını isə əcnəbi çempionatların oyunçuları təşkil edir. Ən pis halda Qazaxıstan çempionatından gəlirlər.
 
Bu zaman çox  önəmli 1 məqam ortaya çıxır: Gürcüstan millisinə dəvət alanların  hər biri məhz Gürcüstanda yetişib ölkə xaricinə gediblər. Gürcüstan millisinin bu dəqiqə qrup lideri olmasının, Azərbaycan milli komandasının isə Maltanı məğlub edə bilməməsinin səbəbi məhz illər və bu illər ərzində görülən işlərdir. +Gücüstan , -Azərbaycan.
 
Azərbaycan milli komandasına dəvət alan aşağı liqada oynayan “legioner”lər isə sadəcə, soyadları və ya hansısa qan qohumluqları ilə bizə bağlı olanlardır. Nə Dadaşov, nə Nazarov, nə Almeyda, nə Şeydayev, nə Mahmudov bizimdir. Onlar başqa ölkələrdə yetişib.
 
* digərləri
Azərbaycan futbolunda o qədər problem var ki, saymaqla qurtarmaq olmaz. Bütün bu problemləri görə-görə, həll etməyə imkan ola-ola onların üzünə dik baxıb, onları yıxa bilmirik. Sadəcə, heç kimə lazım olmayan tədbirlər, marketinq siyasəti ilə ört-basdır etməyə çalışırıq. Amma unutmaq olmaz ki, futbolun xilas yolu məhz futboldur, ətrafı deyil. Çox uzağa getməyin, Sınıq Körpünü keçib, ibrət götürün. Milyonları havaya sovurmaq yox, minləri düzgün istiqamətləndirmək lazımdır.
 
CAVAD

 
tarix: 18-10-2018 17:54


 
Xəbər lenti
23.08.2019

16:47   “Mançester Yunayted”də itki

16:00   Yığmamızın heyətində dəyişiklik

15:30   Azərbaycanlı hakim ÇL-ə təyinat aldı

15:00   İngiltərə millisinin sabiq üzvü “Seltik”də

14:36   Premyer Liqada 2-ci tur rəqəmlərin gözü ilə

14:00   Meksika millisinin üzvü rəsmən “Napoli”də

13:32   Fernando Torres vida matçına çıxır

13:06   “Qəbələ” Kamal Mirzəyevin transferinin detallarını açıqladı

12:53   “Trabzonspor”un Yunanıstan zəfəri - VİDEO

12:00   “Qalatasaray”ın futbolçusu rəsmən İspaniya klubunda

11:39   Azərbaycanlı futbolçu rəsmən Küveyt klubunda

11:17   "Linfild"in müdafiəçisi Bakıda sürpriz istəyir

11:08   "Səbail"in legioneri üçün il bitdi

11:03   Nazarov “Ştutqart”a meydan oxudu

10:54   Qonşumuz dəyişdi

10:32   “Qarabağ”a qalib gəlmək inanılmazdı”

10:00   Kompani istefaya göndərildi

09:30   “Liverpul”da yeni müqavilə

09:12   “Real”ın futbolçusu digər La Liqa klubunda

09:00   "Tarixin ən yaxşı komandası" və yarıhəvəskarlar

01:57   Qurban Qurbanov: “Cavab matçında böyük şansımız var”

01:37   “Linfild” - “Qarabağ” matçında 5 qol - VİDEO

00:55   Avropa Liqasında gecənin bütün nəticələri

00:34   “Qarabağ” “Linfild”ə ilk oyunda məğlub oldu

22.08.2019

22:33  “Traktor” yeni mövsümə heç-heçə ilə başladı

19:01  “Kəpəz”lə MOİK mövsümə heç-heçə ilə başladı

18:41  Etopaz.az-dan möhtəşəm yenilik: Türkiyə Superliqası canlı yayımda!

18:22  “Neftçi” Baqali Daboya görə bəyanat yaydı

18:04  Milli komandanın sabiq üzvü vəfat etdi

17:43  “Sevilya”nı digər La Liqa klubuna dəyişdi

17:24  “Elit Məşq” layihəsi ilə bağlı təqdimat

17:07  Premyer Liqanı A Seriyasına dəyişdi

16:43  Millimizə 23 futbolçu çağırıldı

16:25  “Tottenhem”dən “Beşiktaş”a – RƏSMİ

16:03  “Qarabağ” kimi komandanı keçmək əsl qəhrəmanlıq olar”

15:44  Azərbaycanla oyuna yeni kapitanla

15:23  Sponsorların nümayəndələri Bakıda səfərdədi - AÇ-2020

15:01  “Monako”nun futbolçusuna 3 oyunluq cəza

14:43  “Qalatasaray” yeni transferini icarəyə verir

14:24  Braziliyalı futbolçu Çin futbolunun tarixinə düşdü

14:02  “Beşiktaş”da istefa

13:44  Braziliyalı futbolçu Super Liqa klubunda

13:22  Millimizin sabiq baş məşqçisi vəfat etdi

13:03  Premyer Liqada 3-cü turun oyun cədvəli açıqlandı

12:40  PSJ cəzalandırıldı – Neymara görə

12:22  Balayevin komandasında yeni futbolçu

12:00  Milli komandada baş məşqçi istefası

11:40  Dabo “Neftçi” azarkeşlərini təhqir etdi

11:20  “Sumqayıt” - “Səbail” matçı ilə bağlı dəyişiklik

11:00  Millimizin üzvü “Sabah”da - RƏSMİ 

10:30  “Qalatasaray”dan PSV-yə - RƏSMİ

10:00  “Çelsi”nin futbolçusu rəsmən “Roma”da

09:30  Əliyevin komandası 1/16 finalda

09:00  Azərbaycanlı futbolçuların komandaları yarımfinala buraxılmadı

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az