Kanibolotski: “Vorskla” “Qarabağ”ı uda biləcək gücdədi”

“Qarabağ”ın keçmiş ukraynalı qapıçısı Anton Kanibolotski ölkəsinin mətbuatına müsahibə verib.

Futbolinfo.az xəbər verir ki, hazırda Polşanın "Medz" klubunda çıxış edən qolkiper müsahibəsində Avropa Liqasının qrup mərhələsi çərçivəsində bu gün keçiriləcək "Qarabağ" - "Vorskla" oyunu haqda da danışıb. 2017/18 mövsümündə “köhlən atlar”ın formasını geyinmiş futbolçu bunları deyib:

- Sizi “Qarabağ”dan ayrılmağa nə məcbur etdi?
- Bunun səbəbləri var idi. Az oyun keçirməyim məni qane etmirdi. Bundan başqa, Ukraynaya yaxın bir ölkəyə getməyi düşünürdüm.

- "Medz"i maliyyə baxımından"Qarabağ"la müqayisə etmək olarmı?
- Yox. Maliyyə baxımından “Qarabağ”da hər şey qaydasında idi.

- "Qarabağ"ı çempionluq “taxt”ından salan olacaqmı? 
- Əlbəttə, hərdən möcüzələr də olur. Amma ən azı bu mövsüm nəyinsə dəyişəcəyinə inanmıram. "Qarabağ" yenə çempionluğa layiq görünür.

- "Qarabağ"ın başqa komandalardan əsas fərqi nədir?
- Heyətində texnikalı futbolçular çoxdur. Komanda taktiki planda da çox savadlıdır.

- Bugünkü oyundan əvvəl "Vorskla"nın futbolçularına nə məsləhət görərdiz?
- "Qarabağ" ilk dəqiqələrdən hücuma atılsa, heç kim üçün sürpriz olmayacaq. Poltavalılar isə standart vəziyyətlərdən yararlanmalıdırlar. Rəqibin bununla bağlı problemləri var. "Vorskla"nın "Arsenal" və "Sportinq"lə oyunlarını görmüşəm, deyə bilərəm ki, bugünkü görüş maraqlı olacaq. "Vorskla" "Qarabağ"ı uda biləcək gücdədir. Onların fərdi keyfiyyətləri yüksək olan futbolçuları var. Komanda şəklində də pis təsir bağışlamırlar. Ən yaxşı oyunlarını göstərə bilsələr, 3 xala ümid etmək olar.

“Neftçi”nin futbolçusu “Qəbələ”yə azarkeşlik edəcək

“Neftçi”də ciddi itki

Stuxlikin uduzdurduğu “Sumqayıt”