Bosançiçdən etiraf: “Sumqayıt” qırmızı almasaydı...”

“Sabah”ın futbolçusu Miloş Bosançiçin futbolinfo.az saytına müsahibəsi:

- Son oyunda “Sumqayıt” üzərində qələbə qazandınız...
- Bizim üçün çox vacib oyun idi. Belə oyunda 3 xalı əldə etdiyimizə sevinməliyik. Həqiqətən də çətin və gərgin qarşılaşma oldu. 

- Qırmızı vərəqə sizə kömək etdi?
- Bəli, düşünürəm ki, rəqibin qırmızı vərəqə alması bizə çox kömək etdi. “Sumqayıt” 11 futbolçu ilə oynasaydı, “Sabah” üçün daha çətin olacaqdı. Çünki həqiqətən rəqib yüksək keyfiyyətə malik komandadı. 

- “Sabah” 2 oyun uduzduqdan sonra yenidən qələbə qazanaraq 3-cü pilləyə qayıtdı...
- Hazırda yaxşı pillədəyik. Bunu qoruyub saxlamq lazımdı. Çünki bu çempionatda həqiqətən favorit olmaq çətindi. Hər kəs bir-birini məğlub edə bilər. Gərgin oyunlar hələ qarşıdadı. 

- Baş məşqçi ilə münasibətlərin qaydasındadı?
- Mənim onunla münasibətlərim əladı. O çox yaxşı insan və işinin peşəkarıdı. Əsas odu ki, Elşad Əhmədov hər maçtda qələbə qazanmaq istəyir və komandanı buna kökləyir. 

- “Keşlə” ilə nisbətdə özünü “Sabah”da daha yaxşı hiss edirsən?
- Bu barədə danışmaq istəmirəm. 

- “Sabah” növbəti turda “Zirə” ilə üz-üzə gələcək...
- “Zirə”nin xala ehtiyacı var və bizim üçün çox çətin olacaq. Onların vəziyyətini bilirik. Amma biz də 3 xal qazanmaq niyyətindəyik. Düşünürəm ki, çoxlu qol vəziyyətləri ilə bol, açıq oyun olacaq. Azarkeşlər maraqlı qarşılaşma izləyə biləcəklər.

CAVAD

“Qəbələ”nin futbolçusu: “Bu cür davam edəcəyimizə çox inanıram”

“Standart vəziyyətlərdə ehtiyatlı olsaq, nəticə qazanarıq”

Dani möcüzə gözləyir: “Buna inanmasaq, elə Bakıda qalarıq”