Ceyms Adeniyi: “Bundan daha yaxşı oynaya bilərəm”

“Qəbələ”nin hücumçusu Ceyms Adeniyinin futbolinfo.az saytına müsahibəsi:

- “Neftçi”yə qarşı oyun “Qəbələ” üçün dönüş nöqtəsi olacaqmı?
- Biz bu matçı çox yüksək səviyyədə oynadıq. Çox əzmkar oyun sərgilədik. Milli komandalara görə yaranan fasilədə yoldaşlıq görüşü keçirdik və bu qarşılaşma bizə yaxşı təsir etdi. Hazırlıq səviyyəmiz yüksək idi. Ona görə də “Neftçi”yə qarşı inamlı oynadıq. 

- Əvvəlki oyunlarda inam yox idi?
- Sizinlə əvvəl danışanda demişdim ki, bizim zamana ehtiyacımız var. Çünki “Qəbələ” yeni komandadı, baş məşqçi və heyət yenidi. Getdikcə daha yaxşı oynamağa çalışacağıq və bacaracağımıza inanıram. 

- “Neftçi”nin qapısından 2 top keçirdin. Buna əvvəlcədən inanırdın?
- Mənim tam performansım bu deyil. Daha yaxşı çıxış etməyi bacarıram. Bundan daha artığını etməyə qadirəm. Çox çalışıram, məşq edirəm. “Neftçi” ilə matçdan daha yaxşı oyunlar keçirəcəyimə əminəm. 

- Davam etmək üçün nə lazımdı?
- Bu qalibiyyət bizim üçün çox yaxşı olacaq. “Neftçi”ni məğlub etməyimiz özümüzə inamı artırdı və gələcəkdə daha yaxşı oynamağımız üçün yol açdı. “Qəbələ” daha güclü komandadı. Bunu da zaman göstərəcək. 

- Son oyunda “Sumqayıt” sizi son dəqiqə qolu ilə 3 xaldan etmişdi. Onları bu gün məğlub edə biləcəksiz?
- Heç nə mümkünsüz deyil. Biz yüksək əhval-ruhiyyədə hazırlıq keçmişik. Bu matça da ciddi şəkildə köklənmişik və əzmkarlıq göstərib növbəti qələbəmizi qazanmaq istəyirik. Fikrimcə, “Sumqayıt”la oyun son oyunumuzdan daha yaxşı olacaq. 

- “Neftçi” üzərində qələbə sizə yaxşı mükafat qazandırdı?
- Bəli, rəhbərlik bizə yaxşı mükafat verdi.

AĞA

Ramin Musayev möcüzə gözləyir

“Yalnız istəklə heç nə əldə etmək mümkün deyil”

Emil Balayev: “Hər oyundan sonra məni təbrik edirlər”