(+994) 050 678 37 80
(+994) 070 534 65 52

qaynar xətt

Vüsal Mahmudov
Natiq Muxtarlı
Tahir Süleymanov
Mərdəkanda hakim hoqqası: “Qırmızı” günahsıza göstərildi, protokol qeydləri sıralandı

Mərdəkanda hakim hoqqası: “Qırmızı” günahsıza göstərildi, protokol qeydləri sıralandı

9-cu tur qalmaqalla başladı. Premyer Liqanın bugünkü matçlarından biri futboldan çox, hakim qərarları ilə xatırlanacaq.
 
“Sumqayıt” – “Qəbələ” matçının sonlarında reallaşan və əsas vaxta 8 dəqiqə əlavə edilməsini gərəkdirən epizoda görə qonaqların 2 futbolçusu qırmızı vərəqə gördü. Zənnimizcə, vərəqələrin sayı və ünvanı doğru deyildi.
 
Mərdəkandakı matçın sonlarında “Qəbələ”nin cərimə meydançasında qarışıqlıq düşdü. Cinah ötürməsindən sonra topa şığıyan “Sumqayıt”lı Qvanzav Maqomedov yıxıldı və topu da cüssəsi ilə gizlətdi. Müdaxilə edən Bəhlul Mustafazadə və Voislav Stankoviç topu ondan çətinliklə, həm də kobudluqla aldılar. “Kobudluq” ifadəsi burada nisbidi, buna görə cərimə zərbəsi vermək olmazdı. Zatən qayda pozuntusu var idisə, topu hətta əli ilə yanına çəkən Qvanzav günahkar idi. Həm də o, topu gövdəsi ilə gizlədib yerə uzanmışdı və bu, yolverilməzdi.
 
Top uzaqlaşdırılan kimi futbolçular arasında qarşıdurma yarandı. Maqomedovla Stankoviç kəllə-kəlləyə gəldilər, bir-birini itələdilər. Şəhriyar Əliyevin müdaxiləsi ilə olaylar böyüdü. “Sumqayıt”ın mərkəz müdafiəçisi Stankoviçin üzərinə yeridi, buna mane olmaq istəyən Bəhlulla toqquşmadan sonra isə o, üzünü tutaraq qazona yıxıldı. Hər hansı bilərəkdən zərbə yox idi, Şəhriyarın məqsədi hakimi aldatmaq idi və buna nail oldu.
 
Baş hakim Orxan Məmmədov bu epizodda hər komandadan 2 nəfərə sarı, Mustafazadəyə qırmızı vərəqə göstərdi. Halbuki episentrdə Qvanzavla Stankoviç idi və onların cəzası eyni olmalı idi. Maqomedov “sarı” aldı, serb müdafiəçi yaddan çıxdı. Sonradan bəlli oldu ki, Bəhlula göstrilən “qırmızı” Stankoviçə verilməliymiş. Amma hakimlər təkcə futbolçuları səhv salmamışdı, vərəqənin rəngi də çox tünd idi.
 
Videotəkrara baxanda da görünür ki, Qvanzav Stankoviçin üzərinə yeriyir və zərbə endirmirlər, sadəcə, bir-birlərini itələyirlər. Ya ikisinə də sarı, ya da qırmızı vərəqə verilməliydi. Sarı vərəqəyə layiq bilinən Şəhriyara isə daha sərt sifət göstərilməliydi. Rəqibin üzərinə yeriyən, qalmaqalı alovlandıran Əliyev həm də simulyasiyaya yol verir, özünü zərərçəkən kimi göstərir. Bəhlul isə sadəcə, bəxtsiz qurban idi.
 
Matç bitən kimi “Qəbələ” tərəfi protokola etirazını yazdı. Onlar Mustafazadəyə göstərilən qırmızı vərəqənin haqsız olduğunu qeyd etmişdi. Haqlı idilər, amma maraqlıdı ki, burada da hakimlər hoqqa çıxardı. Qonaqların bu etirazından sonra hakimlər protokola əlavə etdi, qırmızı vərəqənin Bəhlula yox, Voislava göstərilməli olduğunu  yazdılar, səhv etdiklərini boyunlarına aldılar.
 
Əslində, hakimlərin klubun etirazından sonra nəsə yazması doğru deyil, amma onlar bunu da etdi. Bu qeydin sonradan yazılması aydın görünür. Məntiq yoxdu – hakimlər səhvlərini etiraf edirlərsə, “Qəbələ” cəzası avtomatik ləğv ediləcək oyunçuya görə niyə protest versin ki?
 
Protokolun nüsxəsini tələb edən “qırmızı-qaralar” bunu gördükdən sonra yenidən protokola əlavə etdilər. Komandanın meneceri Səbuhi Səfiyarlı hakimlərin qeydini əsas gətirərək Stankoviçə verilən vərəqəyə də etirazını yazdı, eyni zamanda qalmaqalda iştirak edən futbolçuların müəyyənləşdirilməsi üçün epizodun araşdırılmasını xahiş etdi.
 
Ən maraqlısı Rauf Əliyevin durumudu. O da ehtiyat oyunçular skamyasında otura-otura meydandan qovuldu. Halbuki hücumçu faktiki haqlı idi, Bəhlulun haqsız qovulmasına etiraz etmişdi. Onun əsəbləri tarıma çəkilibsə, bunun səbəkarı hakimlər idi. Amma Raufun sonradan hakimləri təhqir etməsi, onlardan birinə “şərəfsiz” deməsi qəbulolunan deyil.
 
Yəqin ki, AFFA İntizam Komitəsi gələn həftə məsələni araşdıracaq. Bəhlulun bağışlanacağı dəqiqdi, lakin Stankoviçə cəza kəsiləcəksə, Qvanzav və Şəhriyar da eyni aqibəti yaşamalıdı. Çünki bu futbolçular da hadisələrin episentrində idi. Yox, onların hərəkəti “sarı”ya layiq bilindisə, bu futbolçulardan aqressiv olmayan serb də sərt cəza almamalıdı.
 
Təbii ki, oyunun hakimlər briqadası da cəzalanmalıdı. Ümid edirik, Hakimlər və Hakim-İnspektorlar Komitəsinin sədri Frits Stuxlikin Azərbaycan futboluna gətirdiyi yenilik protokol oyunbazlığı deyil.
 
FƏRİD

 
tarix: 27-10-2018 22:57


 
Xəbər lenti
24.08.2019

20:56   “Sumqayıt” “Səbail”ə böyük hesabla uduzdu

20:23   Bundesliqada yeni rekordçu

19:51   Emil Balayevli “Tobol”dan inamlı qələbə - VİDEO

19:11   Dadaşov üçün 90 dəqiqə və 1 xal

18:39   Vensan Kompaniyə daha bir zərbə

17:36   “Linfild”in oyunu təxirə salındı – “Qarabağ”a görə

17:10   “Dinamo”dan Şeydayevsiz qələbə

15:11   “Sumqayıt”la oyuna 4 itki ilə

15:01   “Zirə”nin “Neftçi” ilə 17-ci sınağı

14:21   “Neftçi”nin futbolçusu Qvineya yığmasında

13:47   Millimizin heyəti açıqlandı

12:49   Portuqaliyalı futbolçu rəsmən “Monako”da

11:59   İsrafilovsuz qələbə

11:03   UEFA “Qarabağ”ı cərimələdi

09:47   "Neftçi"nin legioneri Hindistan klubunda

09:21   “Bavariya”nın futbolçusu rəsmən “Lill”də

09:14   Kamran Quliyev oynadı, komandası yenə uduzdu

09:00   Əhmədov maksimum nəticə istəyir: “Kaş yadıma salmazdız”

01:52   “Sevilya” qalib gəldi, “Vilyarreal” uduzdu

00:58   “Aston Villa” “Everton”u məğlub yola saldı

00:48   “Qarabağ” - “Linfild” matçında rusiyalı hakimlər

00:25   “Borussiya”dan inamlı qələbə

23.08.2019

23:38  “Beşiktaş”dan darmadağın

22:43  Nazarov üçün 63 dəqiqə və 1 xal

21:03  Təbriz klubu yeni mövsümə qələbə ilə başladı

20:33  Dabo “Neftçi” azarkeşlərindən üzr istədi: "Məni bağışlayın"

18:44  “Turan Tovuz”la “Ağsu” yeni mövsümə qələbə ilə başladı

18:22  “Neftçi”nin futbolçusu Haiti yığmasına çağırıldı

17:41  Ozan Can rəsmən “Sabah”da

17:33  “Beşiktaş” – “Göztəpə” matçını buradan canlı izlə! - Azərbaycanda ilk dəfə

17:27  Larsson istefa verdi

16:47  “Mançester Yunayted”də itki

16:00  Yığmamızın heyətində dəyişiklik

15:30  Azərbaycanlı hakim ÇL-ə təyinat aldı

15:00  İngiltərə millisinin sabiq üzvü “Seltik”də

14:36  Premyer Liqada 2-ci tur rəqəmlərin gözü ilə

14:00  Meksika millisinin üzvü rəsmən “Napoli”də

13:32  Fernando Torres vida matçına çıxır

13:06  “Qəbələ” Kamal Mirzəyevin transferinin detallarını açıqladı

12:53  “Trabzonspor”un Yunanıstan zəfəri - VİDEO

12:00  “Qalatasaray”ın futbolçusu rəsmən İspaniya klubunda

11:39  Azərbaycanlı futbolçu rəsmən Küveyt klubunda

11:17  "Linfild"in müdafiəçisi Bakıda sürpriz istəyir

11:08  "Səbail"in legioneri üçün il bitdi

11:03  Nazarov “Ştutqart”a meydan oxudu

10:54  Qonşumuz dəyişdi

10:32  “Qarabağ”a qalib gəlmək inanılmazdı”

10:00  Kompani istefaya göndərildi

09:30  “Liverpul”da yeni müqavilə

09:12  “Real”ın futbolçusu digər La Liqa klubunda

09:00  "Tarixin ən yaxşı komandası" və yarıhəvəskarlar

01:57  Qurban Qurbanov: “Cavab matçında böyük şansımız var”

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az