(+994) 050 678 37 80
(+994) 070 534 65 52

qaynar xətt

Tahir Süleymanov
Ayaqyolu futbolu: biri qapıdan qayıtdı, digəri prezidentdən orada gizləndi

Ayaqyolu futbolu: biri qapıdan qayıtdı, digəri prezidentdən orada gizləndi

“Səbail” “Keşlə” üzərində qələbə ilə xeyli rahatladı. Texniki qələbələrin də sayəsində 2-ci pilləyə şərik olan “dənizçilər” avrokubok xəyallarına daha çox inanmağa başlayıb.
 
Amma Aftandil Hacıyev hələ də gərginlik içindədi. Bu baş məşqçi az qala rahat qələbə qazandıqları matçı da korlayacaqdı. Bəlkə də klubu idarə edən iki dəstədən birinin – özünün aid olmadığı dəstənin təzyiqinin nəticəsidi ki, rahat ola bilmir. Klub prezidentinin dəstəyi var, lakin AFFA-dan göndərilənlərin dəstəsinə başçılıq edən icraçı direktor Ramin Həsənovla mehriban düşməndilər.
 
Elə bu cür diskomfort şəraitdə o, az qala Paçekonu meydana buraxıb legioner limitini pozacaqdı. Bəlkə də əcnəbi bolluğundandı, ona görə başını itirib. Yaxşı ki, son anda ayıldı, Vüqar Bəybalayevi meydana buraxdı.
 
Doğrusu, bu səhv reallaşsaydı, biabırçılığın pik həddi olardı. 2 dəfə texniki qələbə qazanan komandanın eyni üsulla uduzmasına ad qoymaq belə mümkünsüzdü. Yaxşı ki, Hacıyev ayaqyolunun qapısından qayıtdı.
 
Mladen Milinkoviç isə ayaqyolundan qalmadı. “Keşlə”nin baş məşqçisi 1:2 hesabıyla uduzduqları matç bitən kimi rahatlaşmağa getdi və bunu mətbuat konfransında dilə gətirdi. O, klub rəhbəri Zaur Axundovun qəzəbli olması haqda suala belə cavab verdi: “Əlbəttə, o, klubun prezidentidir. Məğlub olursansa, razı ola bilməzsən. Axundovun konkret nə dediyini bilmirəm, çünki oyundan sonra paltardəyişmə otağına yox, ayaqyoluna yollandım. O, oyunçulara öz iradlarını deyə bilər. Yəqin ki, o da hamımız kimi məyusdur”.
 
Milinkoviçin sözlərinin rəmzi mənası da var. Amma o, “Keşlə”nin oynadığı futbolun içinə indi yox, çoxdan… töhfəsini verib. 11 legionerli olan, amma normal, komplektləşmiş heyəti olmayan komanda çoxdan pis qoxur. Elə Axundovun da ciddi idarəçi səhvləri üzündən komanda o qədər pis komplektləşib ki, qışda təzədən sökülüb-yığılmalıdı. Əlavə xərclər, yenidən komanda qurmaq çətin olacaq, başqa çıxış yolu da yoxdu.
 
8 oyuna cəmi  1 qələbə, 2 heç-heçə, 5 məğlubiyyət – günahkar axtarırıqsa, Milinkoviçlə Axundovu şərik etməliyik. Birinin seçim, komanda qurmaq, digərinin idarəçi bacarığı yoxdu. Olsaydı, klubun içindəki düşmənləri daha tez tapardı, transferlərdə əsas öz sahibi olmuş Zaur İsmayılovu çoxdan yola salardı, Rəmiş Malıyevi stadiona buraxmazdı. Eyni zamanda bu futbolçuları kluba sırıyan menecerləri də daş-qalaq edərdi. Ancaq Bahodir Nasimov kimi veteranı gətirən “Qara” ləqəbli menecer Axundovun özünü hər gün aldadırsa, günahkarı başqa yerdə axtarmaq da olmaz, güzgüyə baxmaq lazımdı.
 
Milinkoviçin çox duruş gətirməyəcəyi aydındı. Növbəti turda “Neftçi”yə məğlubiyyət serb çalışdırıcı üçün “Vağzalı” ilə bitəcək. Amma bu mahnı onu ayaqyolundan da uzağa aparacaq, Axundovun qəzəbindən orada gizlənə bilməyəcək.
 
Yeri gəlmişkən, “Neftçi”nin ən azı növbəti turda da qələbə qazanmasını bu gün Tərlan Əhmədovdan çox istəyən yoxdu. Bakılıların sabiq baş məşqçisi Mladenin postuna əyləşmək üçün bu həftə ağ-qara fanat köynəyi geyməyə də razı olardı.
 
FƏRİD

 
tarix: 29-10-2018 09:15


 
Xəbər lenti
24.04.2019

01:21   “Barselona”dan inamlı qələbə

00:53   “Tottenhem”ə 1 qol bəs etdi

00:38   Almaniya Kubokunda ilk finalçı bəlli oldu

23.04.2019

21:24  “Sumqayıt”la “Zirə”dən heç-heçə - VİDEO

20:55  “İnanıram və bilirəm ki, əzmkarlıq bizi finala çıxaracaq”

20:50  “Əvvəl də belə oynasaydıq, indi kuboku düşünmürdük”

20:22  “Zirə” ilə “Sumqayıt”dan ilk oyunda heç-heçə

19:50  Moskva “Lokomotiv”indən Azərbaycan millisinə

19:03  Qurban Qurbanov: “Qələbə qazanmağı çox istəsək də, alınmadı”

18:55  Sənan Qurbanov: “İkinci matçda daha yaxşı çıxış etməliyik”

18:42  Erkən finalın ilk pərdəsi: “Qarabağ” 2019-da ilk məğlubiyyətini aldı

18:38  “Qarabağ” “Qəbələ”yə belə uduzdu - VİDEO

18:26  “Neftçi”nin sabiq futbolçusu: “Mərhələni keçsəydik, 21 min dollar qazanacaqdıq”

18:19  Ramin Musayev möcüzə gözləyir

18:09  “Qarabağ” onu itirdi: Həm zədə, həm də cəza

17:53  “Qarabağ” “Qəbələ”dən məğlub qayıdır

16:54  Millidə seks qalmaqalı: Baş məşqçi qovuldu

16:18  Təxirə salınmış oyun üçün hakim təyinatları açıqlandı

15:59  “Kəpəz”in məşqçi və futbolçu heyətindən azarkeşlərlə görüş

15:34  Bundesliqa klubunda yeni baş məşqçi

15:00  “Bizi çempionluqdan cəmi 2 oyun ayırır”

14:26  Millimizin sabiq futbolçusu döyülməsindən danışdı

13:52  AFFA-dan “Keşlə”yə texniki məğlubiyyət

13:31  Bakı finalına doğru: Teleyayımla bağlı işgüzar səfər başlayıb

13:17  25-ci turun ən yaxşısı da “Qarabağ”lı oldu

13:08  “Qarabağ”ın 9 futbolçusu rəmzi komandada - FOTO

12:53  AFFA Divizion klublarını cəzalandırdı

12:37  Aftandil Hacıyevin əvəzinə rus məşqçi?

12:33  Tərlan Əhmədovun cəzası açıqlandı

12:27  Bakı finalına doğru: Kiber Çempionatın iştirakçıları bəlli oldu

12:16  Stuxlik “Neftçi” üzərində təcrübə aparır

11:58  “Çelsi”nin futbolçusu üçün mövsüm bitdi

11:24  Birinci Divizion: 24-cü turun bütün təyinatları

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az