(+994) 050 678 37 80
(+994) 070 534 65 52

qaynar xətt

Vüsal Mahmudov
Tahir Süleymanov
GÜNÜN NİDASI: 3 oyuna görə qərar veriləcək!

GÜNÜN NİDASI: 3 oyuna görə qərar veriləcək!

Nə Samir Abasov,nə Sənan Qurbanov, nə də Aftandil Hacıyev. Bu məşqçilər klub rəhbərliyindən hələlik dəstək görür, istefaları aktual deyil.
 
Samir bəy uğursuz nəticələrə rəğmən, ən azı qışadək “Zirə”də qalacaq, heyəti yeniləmək şansı qazanacaq. Qurbanov ən çətin dönəmdən çıxıb, klub onu dəyişməyi məsləhət bilmədiyini göstərdi. Hacıyevi isə texniki qələbələr xilas etdi və 3-cü pillədəki komandanın məşqçisinin getməsi absurd olar.
 
Qurban Qurbanovla Roberto Bordin çempionluq üçün yarışır, Elşad Əhmədov da “Sabah”da uğurludu. Tərlan Əhmədovun “Keşlə”də dünəndən işə başladığını nəzərə alsaq, geriyə bircə nəfər qalır.
 
Əslində, Nazim Süleymanov da mövsümün əvvəlində əla işi ilə seçilirdi. Uğurlu nəticələrə görədi ki, hamının aşkar zəif saydığı “Sumqayıt” təəccübləndirirdi. Həm gözəl oyun, həm nəticələr – özü də bütün bunlar stadionu təmir olunan, oyunlarını fərqli arenalarda keçirən komandanın vizit vərəqi idi.
 
Lakin klub daxilində vəziyyət fərqlidi. Komanda mütləq avrokuboka düşməlidi. Gələn il klub bazasının tikintisi başlayacaq, büdcənin böyük hissəsi ora sərf olunacaq, deməli, komanda güclənməyəcək. Ayaqda qalmaq üçün Avropa Liqasına vəsiqə lazımdı ki, heç olmasa, iştiraka görə gələn pulla müəyyən işlər görülsün.
 
Lakin “Sumqayıt”da oyun var, nəticə yoxdu. 9 oyuna 11 xal və komanda hər tur geri gedir. Heyətdən şikayətlənmək olmaz, təcrübəlilərlə istedadlı gənclərin vəhdətidi. Amma artıq neçə turdu komanda ümidi doğrultmur, qarşıda isə daha çətin rəqiblərlə görüşlər var. Nazim bəy işində qalmaq üçün mütləq qışa kimi ilk “dördlük”də qalmalıdı.
 
Ən pisi odur ki, artıq futbolçular da danışmağa başlayıb. Xüsusilə “Qəbələ” ilə oyunda 2:0 hesablı üstünlüyün əldən verilməsi, daha öncə “Sabah” və “Səbail”ə məğlubiyyətlər xaosa səbəb olub. Oyunçular nüfuzundan çəkindiyi üçün məşqçiyə narazılıq bildirmir, lakin durumdan məmnun deyillər. “Qarabağ”la növbəti turun oyunundan sonra dilə gələnlər də ola bilər.
 
Bildiyimizə görə, rəhbərlik də Süleymanovun işini bəyənmir. Onların dilini qısa edən heyətin gec komplektləşməsi və “Sumqayıt”ın fərdi xətalardan çox xal itirməsidi. 4 oyunda komanda qırmızı vərəqə alıb və heç birində günahı məşqçidə axtarmaq olmaz. “Qarabağ”a məğlubiyyət də hakim səhviylə reallaşıb. Lakin indi heç kim dünəni düşünmür, hamı xala baxır. Bu baxımdan isə Süleymanov üçün yaxşı perspektiv görünmür. “Qarabağ”, “Keşlə”, “Zirə” – bu 3 ardıcıl oyunlar Süleymanovun taleyinə böyük ölçüdə təsir edəcək. Daha bir pillə geriləmə islahatla nəticələnəcək!

 
tarix: 31-10-2018 21:00


 
Xəbər lenti
27.06.2019

01:10   “Sumqayıt” da başladı

26.06.2019

22:30  Premyer Liqada yay bazarlığı - YENİLƏNİR

19:45  “Neftçi”nin Rumıniya klubu ilə oyunu yarıda qaldı

18:33  İtaliya millisində baş məşqçi ayrılığı

18:00  “Messiyəm” dedi, 23 qadını aldadaraq…

17:30  “Sumqayıt”da ispan məşqçi - RƏSMİ

17:00  “Qəbələ”dən “Sabah”a – RƏSMİ

16:40  Paytaxt klubunda yeni təyinat

16:21  “Neftçili Yay” futbol düşərgəsi başa çatdı

16:00  “Qarabağ”ın rəqibi milli üzvü ilə gücləndi

15:40  “Neftçi”nin rəqibindən kubokda darmadağın

15:20  “Barselona”nın qapıçısı rəsmən “Valensiya”da

15:00  “Qəbələ”nin 3 yetirməsi “Şüvəlan”da

14:40  Aftandil Hacıyevdən darmadağına şərh

14:20  “Səbail”dən növbəti transfer - RƏSMİ

14:00  Çempionlar Liqasında yeni mövsümə start verildi

13:30  “Fənərbaxça”da ayrılıq

13:00  “Mançester Siti”dən Belçika klubuna - RƏSMİ

12:30  “Sent-Etyen”dən Super Liqa klubuna

12:02  “Mançester Siti”də ayrılıq

11:41  Kamerun qələbə, Qana heç-heçə ilə başladı

11:20  Azərbaycan klubu ispaniyalı məşqçi gətirdi

11:00  “Barselona” hücumçusunu satdı

10:30  FİFA-dan Türkiyə klubuna sərt cəza

10:00  “Barselona”dan “Everton”a - RƏSMİ

09:30  Azərbaycan çempionuna ÇL püşkü öncəsi şad xəbər

09:00  “Zalsburq”dan Super Liqa klubuna

00:27  Mirabdulla icarə müqaviləsi imzaladı

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az