Aftandil Hacıyev: “Heç-heçə ədalətli nəticə oldu”

“Səbail”in baş məşqçisi Aftandil Hacıyev Topaz Premyer Liqasının 10-cu turu çərçivəsində “Zirə”yə qarşı keçirdikləri oyunu şərh edib.

Futbolinfo.az xəbər verir ki, gənc mütəxəssis 0:0 hesabıyla başa çatan oyundan sonra bunları söyləyib:

- Hamını salamlayıram. Gərgin oyun oldu. 10 nəfərlə mübarizə apardıq. Bu nəticəni müsbət dəyərləndirmək olar. Rəqib də yaxşı oyun göstərdi. Oyunun sonlarına qədər futbolçularımız yaxşı mübarizə apardılar. Düşünürəm ki, oyunun ədalətli nəticəsi heç-heçə idi.

- Ağabala Ramazanovun zədəsi ciddidi?
- Ciddi deyil, amma bu oyunda meydana çıxa bilməzdi. Fərdi məşqlər edir.

- Bu gün Ruslan Qurbanov da zədələndi. Zədəsi nə dərəcədə ağırdı? 
- Bizi məyus edən zədə oldu. Yüngül zədə olduğunu düşünürəm.

- Bu gün də qırmızı vərəqə aldınız. Bunu oyun intizamındakı boşluq kimi dəyərləndirə bilərik?
- Xeyr. Hər iki vərəqə 2-ci “sarı”dan sonra alındı, oyun epizodları idi. Belə hallar olur. Bizi sevindirən odu ki, bu oyunlarla daha da möhkəmlənirik. 

- Komandanız hazırda 3-cü yerdədi və bu, avrokuboklara vəsiqə verən pillədi. Bu oyunla "Səbail" neçə tur bu pillədə qala biləcək? 
- Qarşımıza 3-cü yer hədəfi qoymamışıq. Əsas məqsədimiz hər tur yaxşı oyun göstərməkdi. Biz demirik ki, bu gün qərarlaşdığımız yerdə möhkəmlənəcəyik, amma çalışacağıq ki, əlimizdən gələni edək. 

- Onda demək olarmı ki, "Səbail" bu gün 2 xal itirmədi, 1 xal qazandı? 
- Bəli. 

- Qış fasiləsinə liderlər sırasında qərarlaşsanız, yeni transfertlər ola bilərmi? 
- Ən azı 3 transferə ehtiyac olacaq. Çünki 2 futbolçu olmadıqda, əvəzləyici tapa bilmirik. Buna görə də, çalışacağıq ki, prezidentlə bu barədə danışaq. (komanda.az)

Premyer Liqada 26-cı tur rəqəmlərin gözü ilə

“Qəbələ”yə 2 qol vursam da, bu, artıq tarixdi”

“Neftçi” “Sumqayıt” üçün hazırlaşır