(+994) 050 678 37 80
(+994) 070 534 65 52

qaynar xətt

Vüsal Mahmudov
Tahir Süleymanov
Poltava revanşı

Poltava revanşı

“Dnepr”lə oyunlar da belə olmuşdu – “Qarabağ” səfərdə qalib gəlib, evdə uduzmuşdu. Bu dəfə fərq “Vorskla” ilə ikinci oyunun Ukraynada keçirilməsidi.
 
Avropa Liqasının qrup mərhələsində 4-cü tur bitdi. Növbəti mərhələyə çıxmaq xəyaldı, demək olar, mümkünsüzdü. Poltava klubuna Bakıda yersiz məğlubiyyət hər şeyi korladı. Amma qrupu qolsuz və qələbəsiz bitirmək təklükəsi aradan qalxdı. “Qarabağ” Ukraynada özünə gəldi, yenidən inam qazandı və böhranı bitirdiyini göstərdi.
 
Əslində, Bakıdakı oyun da eyni ssenaridə keçmiş, hətta bizimkilər daha üstün oynamışdı. Lakin bəxtsizlik üzündən nəticə üzücü olmuşdu. Poltavada isə rəqibin düzgün analiz edilməsinin bəhrəsini gördük. Qurban Qurbanovun taktiki cəhətdən ağıllı oyun qurması, düzgün rotasiyası, lazımi əvəzləmələri və əla start heyəti, oyun modeli seçimi həlledici oldu. Təzyiqlərə, psixoloji gərginliyə baxmayaraq, komanda vahid mexanizm kimi çalışdı və istəyinə çatdı.
 
“Qarabağ”da hər şey idealdımı? Təbii ki, yox. Komanda hücumda dişsizdi, qol vurmaq problemi var. İnnosent Emeqaradan asılı komanda onun formada olmamasından əziyyət çəkir, yarımmüdafiəçilər hücumda oynayır. Qurbanov “Vorskla” ilə oyunda Araz Abdullayevə güvənməklə risk etdi, amma insafən, başqa şansı da yox idi. Müəyyən mənada alındı, Araz rəhgarəng kombinasiyaların qurulmasında orta sahəylə bütünləşdi. Penalti qolundan sonra da oyun sxemi dəyişmədi, ağdamlılar rəqibi topsuz qoymaqla arzusuna çatdı.
 
Etibarlı müdafiə xəttinin cinahında oynayanların hücuma dəstəyi də yerində idi. Məhz qol da bunun sayəsində vuruldu. Maksim Medvedevin cərimə meydançasına girib penalti qazanması bunun sübutudu. Bu yerdə Qurban bəyin doğru addımı da qeyd edilməlidi. O, rəqib müdafiəsinin sol qanadında boşluq tapmışdı. Con Delarjın fərqli cinaha atılması, texnikalı Abdullah Zubirin isə məhz burada oynadılması buna hesablanmışdı. Rəqib müdafiəçi Zubirin yox, Maksimin toruna düşsə də, nəticə eynidi – lazım olan edildi.
 
Vacib qələbə idi. Reytinq xalı, maddi gəlir, xüsusilə də “Qarabağ”ın özünə gəlməsi baxımından Poltavadakı nəticə sevindiricidi. Bu komandaya inanmaq lazımdı. Qarşıdakı 2 oyundan sonra qışda bir daha silkələnəcək ağdamlıların çempionluq mübarizəsində yenə bir nömrəli favorit olacağına şübhə yoxdu.
 
“Arsenal” və “Sportinq” daha üst səviyyəli komandalardı. “Vorskla” da daha güclü çempionatın təmsilçisidi. Lakin “Qarabağ” dünən özünə bərabər və azca üstün komandalarla rahat oynadığını göstərdi. Bakıdakı oyun qəza idi və əvəzi çıxıldı. “Arsenal” və “Sportinq”ə əlcək atmaq üçün daha güclü çempionata, daha güclü oyunçulara və daha yaxşı maliyyə ehtiyac var. İndiki vəziyyətdə isə “Qarabağ” maksimuma nail ola bilir. Daha da böyümək təkcə Ağdam klubundan asılı deyil.
 
FƏRİD

 
tarix: 09-11-2018 11:16


 
Xəbər lenti
27.06.2019

01:10   “Sumqayıt” da başladı

26.06.2019

22:30  Premyer Liqada yay bazarlığı - YENİLƏNİR

19:45  “Neftçi”nin Rumıniya klubu ilə oyunu yarıda qaldı

18:33  İtaliya millisində baş məşqçi ayrılığı

18:00  “Messiyəm” dedi, 23 qadını aldadaraq…

17:30  “Sumqayıt”da ispan məşqçi - RƏSMİ

17:00  “Qəbələ”dən “Sabah”a – RƏSMİ

16:40  Paytaxt klubunda yeni təyinat

16:21  “Neftçili Yay” futbol düşərgəsi başa çatdı

16:00  “Qarabağ”ın rəqibi milli üzvü ilə gücləndi

15:40  “Neftçi”nin rəqibindən kubokda darmadağın

15:20  “Barselona”nın qapıçısı rəsmən “Valensiya”da

15:00  “Qəbələ”nin 3 yetirməsi “Şüvəlan”da

14:40  Aftandil Hacıyevdən darmadağına şərh

14:20  “Səbail”dən növbəti transfer - RƏSMİ

14:00  Çempionlar Liqasında yeni mövsümə start verildi

13:30  “Fənərbaxça”da ayrılıq

13:00  “Mançester Siti”dən Belçika klubuna - RƏSMİ

12:30  “Sent-Etyen”dən Super Liqa klubuna

12:02  “Mançester Siti”də ayrılıq

11:41  Kamerun qələbə, Qana heç-heçə ilə başladı

11:20  Azərbaycan klubu ispaniyalı məşqçi gətirdi

11:00  “Barselona” hücumçusunu satdı

10:30  FİFA-dan Türkiyə klubuna sərt cəza

10:00  “Barselona”dan “Everton”a - RƏSMİ

09:30  Azərbaycan çempionuna ÇL püşkü öncəsi şad xəbər

09:00  “Zalsburq”dan Super Liqa klubuna

00:27  Mirabdulla icarə müqaviləsi imzaladı

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az