(+994) 050 678 37 80
(+994) 070 534 65 52

qaynar xətt

Tahir Süleymanov
Fasilə ərəfəsində top atəşi: qonaqlar salamat qaldı

Fasilə ərəfəsində top atəşi: qonaqlar salamat qaldı

Topaz Premyer Liqasının 11-ci turu məhsuldar alındı. Bütün matçlarda azı 4, son qarşılaşmada isə hətta 5 top vuruldu. 4 oyuna 17 qolu yəqin, heç kim gözləmirdi. Və 3 oyunda ev sahibləri uduzdu, birində bərabərlik qeydə alındı.
 
Şənbə günü matçlarındakı triller Qəbələdə davam etdi. Meydan sahibləri yorğun “Qarabağ”ı fasiləyə məğlub yola salsalar da, ikinci hissədə özləri dayandılar. Bütün qolları legionerlərin vurduğu görüşdə ağdamlılar 22 dəqiqəyə qalibi müəyyənləşdirdilər. Çempion bu nəticədən sonra liderlə xal fərqini azaltmağı bacardı.
 
“Qarabağ” böhrandan çıxıb və yüksəlişdədi. Qəbələdəki qələbə də futbolçuların toparlanmasının nəticəsi idi. Meydan sahibləri isə qeyri-sabit çıxışa davam edir. Komandanın qələbələri bir neçə futbolçunun hansı formada olmasından asılıdı və məşqçi işi demək olar, görünmür. Sənan Qurbanov istefa təhlükəsindən müvəqqəti qurtulsa da, onun ciddi uğur qazanacağı inandırıcı deyil.
 
Günün son matçında bütün qollar fasilədən sonra vuruldu. Tərlan Əhmədovun gəlişindən sonra daha yaxşı təsir bağışlayan “Keşlə” indiyə qədər vurduğu qolların yarısını bir matçda reallaşdırdı və “Sumqayıt”ı layiq olduğu autsayderlər qrupuna yaxınlaşdırdı. Bakılılar indi daha ümidlidi və böhranlı günlər arxada qalmaqdadı.
 
Əhmədovun rəqibi yaxşı analiz etdiyi hiss olunurdu. İlk hissə rəqibin yorulmasına sərf edildi. Bütün matçlarda fiziki hazırlıqsızlığı özünü göstərən “kimyaçılar” yenə fasilədən sonra dayandı. Tərlan bəyin əvəzetmələri isə qonaqların daha sürətli, daha aqressiv oynamasına şərait yaratdı və darmadağına sevindilər.
 
Əslində, bu matç Sumqayıtda baş tutmalı idi. Lakin inşaatçılar şəhər stadionunun qazonunu vaxtında hazır edə bilmədiklərindən komandanın qaçqın günləri bu dəfə Bayılda davam etdi.
 
Nazim Süleymanov “Sumqayıt”ın idarəsini itirib. 11 tura 5-ci dəfə hansısa futbolçu qırmızı vərəqə alırsa, əvəzlənən oyunçu məşqçilərə etirazını aşkar bildirirsə, ümumiyyətlə, onun göstərişlərinə heç kim əməl etmək istəmirsə, deməli, kollektivdə xaos hökm sürür. Rəhbərlik, məşqçi heyəti və futbolçular arasında dostluq münasibətləri çoxdan itib, kollektiv ruhdan əsər-əlamət yoxdu. Və bütün bunlar Süleymanovun uzağı qış fasiləsində postuyla vidalaşması ilə nəticələnəcək. Başqa cür ola da bilməz – məşqçi hər oyundan sonra məsuliyyətdən qaçıb, bütün günahı futbolçuların üzərinə atırsa, çətin məqamda onlardan dəstək gözləməməlidi.
 
“Sumqayıt”ın bəzi əzmkar futbolçuları da artıq ruhdan düşüb, mövsümün əvvəlindəki kimi oynamırlar. Həm məşqçiyə inamsızlıq, həm də eyni futbolçuların daim kobud səhvlər etməsinə baxmayaraq, heyətdə yer alması narazılıqlara səbəb olub. Vurğun Hüseynov indiyədək 2 qırmızı vərəqə alıb, komandanın buraxdığı qolların az qala yarısında günah sahibidi, dünən də “Keşlə”yə hədiyyəsini verdi, amma yəqin ki, növbəti matçda da meydana kapitan sarğısı ilə çıxacaq.
 
Milli komandanın oyunları ilə əlaqədar çempionatda fasilə başladı. Bu dövrdə komandalar sonuncu dəfə toparlanmağa, qış fasiləsinə daha yaxşı vəziyyətdə yollanmağa çalışacaqlar. Çünki qarşıdakı 3 tur əksəriyyət üçün çox önəmlidi.
 
FƏRİD

 
tarix: 12-11-2018 09:00


 
Xəbər lenti
17.02.2019

10:26   Dmitri Nazarov qələbəni kənardan izlədi

10:00   “Qarabağ” “Qəbələ” ilə üz-üzə - YENİLƏNİR

09:31   Rüfət Dadaşov üçün 8 dəqiqə və 1 xal

09:00   “Səbail” “Sabah”a qarşı - YENİLƏNİR

01:41   “Barselona” və “Atletiko”ya 1 qol bəs etdi

01:30   “Milan” “Atalanta”ya səfərdə qalib gəldi

01:14   Meydan sahibləri üçün növbəti uğurlu gün

00:55   “Mançester Siti” darmadağınla 1/4 finalda

16.02.2019

23:53  “Leyptsiq”dən səfərdə inamlı qələbə

23:45  “Fənərbaxça” evdə xal itirdi

21:23  “Neftçi”nin futbolçusu “Qəbələ”yə azarkeşlik edəcək

21:22  “Neftçi”də ciddi itki

20:57  Stuxlikin uduzdurduğu “Sumqayıt”

20:48  “Neftçi” belə xal itirdi - VİDEO

20:24  Abbasovun istefa qərarı son anda dəyişdi

20:14  “Onu özüm gətirmişəm, zəif olduğun deyə bilmərəm”

20:02  Roberto Bordin: “2 xal itirdik”

19:48  “Qarabağ”dan yeni endirim

19:23  “Neftçi” Zirədə büdrədi

18:43  “Sumqayıt”dan daha bir transfer - RƏSMİ

18:25  “Keşlə”nin “Sumqayıt” üzərində qələbəsi - VİDEO

17:30  Ayxan Abbasov: “Azarkeşlərə cavab vermək çətindi”

17:18  “Kiminsə bədbəxtliyi üzərində xoşbəxtlik qurmaq olmaz”

16:47  “Sumqayıt” “Keşlə”yə məğlub oldu

16:07  “Keşlə” - “Sumqayıt” matçının baş hakimi fasilədə əvəzləndi

15:01  Naninin yeni klubu məlum oldu

13:20  “Səbail”də nigeriyalı forvard - RƏSMİ

13:03  “Neftçi” yeni transferini sifariş etdi

12:42  Premyer Liqa klubunda iki yeni müqavilə

11:07  Kamran Quliyev – “like”?

11:00  “Qarabağ” yenə Miçelsiz hazırlaşır

10:32  Əliyev İspaniya klubu ilə heç-heçəni kənardan izlədi

10:00  Dəniz Yılmaz oynadı, komandası qalib gəldi

09:32  “Traktorsazi”yə 1 qol bəs etdi

09:17  Ziya Əzizovsuz məhsuldar heç-heçə

09:00  Limitlə uyğun gəlməyən legioner bolluğu

02:23  İlk 1/4 finalçı bəlli oldu

02:04  Meydan sahiblərinin günü

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az