(+994) 050 678 37 80
(+994) 070 534 65 52

qaynar xətt

Vüsal Mahmudov
Natiq Muxtarlı
Tahir Süleymanov
“Xüsusilə Tovuza görə təəssüflənirəm” - Georgi Nikolov

“Xüsusilə Tovuza görə təəssüflənirəm” - Georgi Nikolov

“İnter”in (hazırkı “Keşlə”) sabiq prezidenti Georgi Nikolov qol.az-a müsahibə verib. 

Futbolinfo.az xəbər verir ki, Azərbaycanda çalışdığı dövrü xatırlayan bolqarıstanlı iş adamı maraqlı fikirlər səsləndirib:

- Azərbaycandan getdikdən sonra nə işlə məşğul olursunuz? Deyəsən, artıq futboldan kənardasınız…
- Bəli, artıq futbolun içində deyiləm. Öz biznesimlə məşğulam. Əsasən məsləhətçi kimi xidmət göstərirəm.

- Uzun illər bu sahədə çalışmısınız. İndi futbolsuz sizə çətin deyil?
- Artıq yox. Əvvəllər bir az darıxırdım. İndi isə görürəm ki, futbolsuz da yaşamaq olar.

- Azərbaycandakı son iliniz daha çox xoşagəlməz hadisələrlə yadda qaldı. Bəlkə buna görə futbol artıq sizə maraqlı gəlmir?
- “İnter” mənim sevimli klubum idi. Ancaq o, 2017-ci il oktyabrın 28-də “öldü”. Bax, bu, məni çox incitdi.

- Bəs “Keşlə”?
- “Keşlə”nin rəhbərliyinə hörmətlə yanaşıram. Amma bu, mənim klubum deyil. Mənə görə, “Keşlə” “İnter”in bütün tarixini və ləyaqətini mənimsədi. Ancaq “Keşlə” “İnter” deyil! Başa düşürsünüz, biz “İnter”i götürəndə o, “çirkin ördək balası” idi. Biz onu gözəl, zərif “qu quşu”na çevirdik. Sonda da həmin “qu quşu”nu bizdən oğurladılar və adını “Keşlə” qoydular. Bunu qəbul edə bilmirəm.

- “İnter”i sizdən kim oğurladı?
- AFFA hələ 2007-ci ildə “İnter”in adını dəyişib, “Keşlə” qoymaq istəyirdi. Amma həmin vaxt alınmadı. Bir il sonra yenidən cəhd etdilər. Yenə baş tutmadı. 2015-ci ildə yenə bu məsələ gündəmə gəldi. Nəhayət, 2017-ci ildə bacardılar. İndi federasiya “Keşlə”ni saxlamaq üçün ona pul ayırır. Ona görə də kluba istədiyi adı qoya bilər.

- İlk 3 cəhddə klubun adının dəyişidirilməsinə kim mane oldu: siz, yoxsa?...
- Mən şiddətlə buna qarşı çıxdım. Yəqin, Ramin Musayev onunla söhbətimizi xatırlayır. 2015-ci ildə AFFA-nın baş katibinə də dedim ki, nə qədər mən bu klubun prezidentiyəm, adı “İnter” olacaq. Heç bir “Keşlə”dən söhbət gedə bilməz. Düşünürəm ki, bu, Elxan Məmmədovun da yadındadı. Yeri gəlmişkən, “Keşlə” bizim dildə “anbar” deməkdir. Sizcə, bir klubun adını dəyişib “anbar” qoymaq necə ola bilər?

- Sizin dilinizdə yaxşı səslənməyə bilər...
- Səslənməyi bir tərəfə, klubun loqosu və rənglərini dəyişdilər. Sanki “İnter”lə bağlı hər şey silinməli, heç bir xatirə qalmamalı idi. Elə bil internetdə heç bu adda komanda mövcud olmayıb. Belə çıxır ki, “Keşlə” 2004-cü ildən fəaliyyət göstərir.

- Azərbaycanda, “İnter”də keçirdiyiniz illəri necə xatırlayırsınız?
- Azərbaycanda keçirdiyim illər həyatımın ən xoşbəxt anlarından biridi. İnanın, bunlar boş sözlər deyil. Sizin vətəninizi, xalqınızı sevirəm. Orada düşmənlərim yoxdur, hamısı mənim dostlarımdır. İnanıram ki, onlar da məni bu cür qəbul edirlər.

- Futbolumuz kənardan necə görünür?
- Bolqarıstanda insanlar Azərbaycan futbolu haqda az bilirlər. İndi “Qarabağ”da bolqar futbolçu var – Simeon Slavçev, hərdən sizin futbolunuz haqda yaxşı şeylər yazırlar. Ümumilikdə isə məlumat çox azdır.

- Azərbaycan futbolunu izləyirsiniz?
- “Qarabağ”ın Avroliqadakı, çempionatdakı çıxışını izləyirəm. Mənə elə gəlir ki, komandanın əvvəlki motivasiyası, canlılığı, aqressivliyi qalmayıb. Bilmirəm, bəlkə də yanılıram. Milli komandanız da gözlənilən oyunu göstərmir. Premyer Liqada cəmi 8 komanda qalıb. Bu, yaxşı hal deyil. Birinci liqa yalnız şou üçündür. Əvəzediciləri də divizion klublarına birləşdirdilər. Bu isə yaxşı heç nə vəd etmir. Çünki 2007/2008-ci illərdə də belə idi.

- Uzun illər Azərbaycanda işləmisiniz. Sizcə, futbolumuzun əsas problemi nədədir?
- Çox çətin sualdır. Bilmirəm, bəlkə də futbolunuzda klublara dəstək verə bilən kifayət qədər güclü maliyyə dayaqları yoxdur. SOCAR” “Neftçi” və “Sumqayıt”ı, “Azersun” “Qarabağ”ı, “Gilan” “Qəbələ”ni maliyyələşdirir. Bu qədər... Digərləri isə AFFA-nın hesabına ayaqda qalmağa çalışır. Mənə elə gəlir ki, əsas problem bundadır. Halbuki yaxşı material var. Tovuz, Gəncə, Sumqayıt ölkənin əsas futbol şəhərləridir.

- Ancaq sizin sadaladığınız Gəncə və Tovuz kimi şəhərlərdə bu gün futbol yox dərəcəsindədir...
- Hə, xüsusilə Tovuza görə təəssüflənirəm. Orada elə istedadlar yetişir ki... Amma onları həvəsləndirən heç nə yoxdur. Ən əsası isə klubları Premyer Liqada çıxış etmir.

- Bayaq qeyd etdiniz ki, başlıca problem maliyyə ilə bağlı ola bilər. Ancaq hazırda elə ölkələr var ki, futbola bizdən da az vəsait qoyurlar, qarşılığında isə ciddi uğurlar qazanırlar...
- Futbol zənginlər üçün oyuncaqdır. İspaniya, Fransa, İtaliya, Almaniya, İngiltərə kimi nəhənglərlə yerdə qalan ölkələrin futbolu arasında böyük uçurum var. Xorvatlar isə kiçik istisnadır. Amma ümumiyyətlə, hər şey buna doğru gedir: futbol oliqarxları futbol proletariyasına qarşı-qarşıyadır.

- Millətlər Liqasında şanslarımızı necə qiymətləndirirsiniz?
- Çox zəif. Qrupda yalnız bir – səfərdə Farer adalarına qarşı qələbəniz var. Düzdür?

- Bəli. Hazırda qrupda ikinci pillədəyik. Lider Kosovo ilə 2 xallıq fərq var.
- Və sizin yığmanız Kosovo, Maltanı uda bilmədi. O Kosovonu ki, çempionatları və milliləri cəmi bir neçə ildir formalaşıb. Özünüz nəticə çıxarın. Çempionu hər il Avroliqa və Çempionlar Liqasında oynayan Azərbaycanın yığma komandası hansısa Kosovonun qarşısında çətinlik çəkir. Əslində isə belə olmamalıdır.


 
tarix: 14-11-2018 16:33


 
Xəbər lenti
21.08.2019

12:40   Ayaz Quliyev rəmzi heyətdə

12:21   Millimizin baş məşqçisi: “Bu iki oyundan maksimum istifadə etməliyik”

12:00   AFFA-dan 1 illik müqavilə

11:40   Uels millisinin Azərbaycanla oyun üçün heyəti açıqlandı

11:21   Millimizin futbolçusu oynadı, komandası ilk qələbəsini qazandı

11:00   DÇ-2022-nin loqosu nə vaxt təqdim olunacaq?

10:41   Daha bir türk futbolçu A Seriyasında

10:23   Millimizlə oyundan öncə klubunu dəyişdi

10:00   Paytaxt klubunda daha bir yeni müqavilə

09:30   “Səbail”in sabiq futbolçusu Super Liqa klubunda

09:00   David Hili: “Qarabağ” məni təəccübləndirdi”

00:55   “Ayaks” APOEL-lə ilk oyunda bacarmadı

20.08.2019

21:44  “Qarabağ” Belfasta getdi - FOTOLAR

19:30  Premyer Liqada yay bazarlığı - YENİLƏNİR

19:00  “Real”ın yeni transferi sıraya döndü

18:44  Honduras millisinin forvardı rəsmən “Sabah”da

18:33  Riberi İtaliya klubu ilə anlaşdı

18:05  “Fənərbaxça”da ciddi itki

17:44  Azarkeşlər AÇ-2020 fristaylerlərini seçir

17:23  “Real”da ciddi itki

17:00  “Zirə”nin 2 futbolçusuna milli dəvət

16:42  Yaşar Vahabzadə: “Nəyin alınıb-alınmadığını oyunlar göstərəcək”

16:21  “Qarabağ”ın maraqlandığı qapıçı B Seriyasında

16:00  İtaliya klubu müraciət etdi, millimizdən uzaqlaşdırıldı

15:41  “Neftçi”nin futbolçusu milliyə çağırıldı

15:20  Şehiçə görə 250 min avro?

15:00  “Linfild” - “Qarabağ” matçı canlı yayımda

14:48  “Azərsun Arena” təmirə bağlanır – “Qarabağ” harada oynayacaq?

14:36  Kamran Quliyev azarkeşlərin tribunadan uzaqlaşdırılmasına aydınlıq gətirdi

14:14  “Yuventus” yeni transferini icarəyə verdi

13:52  “Qarabağ”ın futbolçusu İngiltərə ilə oyuna dəvət aldı

13:38  “Azərbaycan aldadıcı komandadı”

13:15  “Arsenal”dan Bundesliqa klubuna – RƏSMİ

12:51  “Barselona”da itki – 4-5 həftə olmayacaq

12:30  “Səbail”in yubiley qələbəsi

12:19  Əliyev də legionerə ehtiyac duyur: “Futbolçu yetişdirmək heç kimə maraqlı deyil”

12:00  Emil Balayevdən yeni “quru seriya”

11:41  Dabonun xanımından incik mesaj: “Şansı başqalarına buraxaq”

11:31  İlqar Qurbanov rəsmən “Sumqayıt”da

11:23  Millimizin heyəti açıqlandı

11:12  Radikal qərar zamanı

11:01  Mahir üçün seçim anı

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az