(+994) 050 678 37 80
(+994) 070 534 65 52

qaynar xətt

Tahir Süleymanov
Əlvida, 4-cü səbət!

Əlvida, 4-cü səbət!

Azərbaycan milli komandası AÇ-2020-nin seçmə mərhələsinin püşkatma mərasimində 4-cü səbətdə yer almaq şanslarını itirib.

Futbolinfo.az xəbər verir ki, buna Millətlər Liqasının V turunun dünən keçirilən oyunları səbəb olub.

Dekabrın 2-də İrlandiyanın paytaxtı Dublində keçiriləcək tədbirdə Qurban Qurbanovun yetirmələri ya 5-ci, ya da 6-cı səbətdə yer alacaq.

Avropa çempionatları tarixində ilk dəfə seçmə mərhələnin püşkünün səbətləri Millətlər Liqasının nəticələrinə əsasən müəyyənləşəcək. Seçmə oyunlarında ilk dəfə 55 komanda mübarizə aparacaq. Bu da meydan sahibi kimi heç bir yığmanın birbaşa vəsiqə qazanmaması ilə bağlıdı.

55 yığma Millətlər Liqasının ümumi sıralamasına əsasən 6 səbətə bölünəcək. 5 səbətdə 10, sonuncu da 5 komanda olacaq. Onlar seçmə mərhələnin 10 qrupunu təşkil edəcək ki, onların yarısı 6, yarısı 5 komandalı olacaq.

Səbətlərin tərkibi üçün həlledici olan ümumi sıralama isə yığmaların liqaları və oradakı mövqeyinə əsasən müəyyənləşir. Azərbaycan millisinin yer aldığı D Liqasının 16 komandası sıralamanın son pillələrindəqərarlaşacaq. Yəni bu yığmalar Avropanın 40-55-ci komandalarıdı.

Ümumi sıralamada 40-cı, yəni D Liqasında 1-ci komanda 4-cü səbətdə olacaq. Bu da 4 qrup qalibindən birinin qismətinə düşəcək. Minimum pley-offa yüksələnlər arasında ən yaxşı nəticəni göstərən milli 40-cı hesab olunacaq.

3-cü qrupda mübarizə aparan Azərbaycan millisi 6 xala malikdi. Qurban Qurbanovun yetirmələri qrup qalibi olmaq imkanını saxlasa da, liqa birinciliyi şansını itirib. Çünki dünən Andorra ilə heç-heçə edən Gürcüstan xal hesabını 13-ə çatdırıb. Başqa komandalar Gürcüstanı keçmək imkanına malik olsa da, yığmamız üçün qonşular əlçatmazdı. Yəni Liqada ən yaxşı olmaqla ümumi sıralamanın 40-cısı kimi 4-cü səbət ümidləri rəsmən bitib. Bu səbətlə rəsmən vidalaşan yığmamız böyük ehtimalla 5-ci “onluq”da qalacaq.

Çünki 6-cı səbətə yalnız D Liqasında qrup sonuncusu olan 4 komanda və 3-cü yer sahibləri arasında ən zəif nəticəyə malik yığma qərarlaşacaq. Millimizin belə böyük uğursuzluq yaşamaq ehtimalı isə sıfıra yaxındı.

Artıq sabah 5-ci səbətdə olmağımız rəsmiləşə bilər. Bunun üçün millimiz Farer adalarına uduzmamalıdı. Evdəki istənilən xal qazancı 5-ci səbətin rəsmiləşməsi üçün yetərli olacaq. Bununla da komandamız həm qrup sonuncusu olmayacağını rəsmiləşdirəcək, həm də ən azı bir qrupun 3-cüsünü qabaqlayacaq.

Qeyd edək ki, artıq bəzi yığmaların səbəti dəqiqləşib. Belçika, Fransa, İtaliya, Portuqaliya, İspaniya, İsveçrə 1-ci səbətdə möhkəmlənib. Avstriya, İslandiya, Bosniya və Herseqovina, Rusiya, Ukrayna, Uels 2-ci, Finlandiya, Şimali İrlandiya 3-cü, Litva, Sloveniya, Estoniya 4-cü, Lüksemburqla Moldova 5-ci, San-Marino 6-cı səbətdəki yerini rəsmiləşdirib. (matç.az)


 
tarix: 16-11-2018 12:15


 
Xəbər lenti
21.04.2019

00:44   “Barselona”dan çətin qələbə

00:37   “Bavariya”ya 1 qol bəs etdi

00:26   “Yuventus” çempionluğunu rəsmiləşdirdi

00:01   Marsel “Olimpik”indən səfərdə inamlı qələbə

20.04.2019

23:28  “Mançester Siti” “Tottenhem”i məğlub yola saldı

22:22  “Qalatasaray”dan inamlı qələbə

21:48  Şeydayev “Dinamo”ya qarşı 68 dəqiqə oynadı

19:14  Nazarovsuz heç-heçə

18:32  Dadaşovun komandasına 1 qol bəs etdi

16:57  Balayevin komandasından ilk xal itkisi

14:34  Azər Əliyev “Arsenal”a qarşı 26 dəqiqə oynadı

13:24  Əzizovun komandasından daha bir qələbə

12:57  AFFA-nın araşdırması: “Füzuli” oyunçularının qəsdən uduzduğunu düşünür

12:34  Bezotosnının durumuna sabah aydınlıq gələcək

12:29  Vüqar Əsgərovun dublu “Dauqavpils”ə qələbə qazandırdı

12:14  Son oyunda turun rekordu

12:07  Bordinsiz qələbə

11:59  “Real” onu itirdi

11:32  Bəhlul Mustafazadə “Seltik”in hədəfində

11:07  Dadaşov oynadı, “Eştoril” qalib gəldi

10:15  İsrafilovsuz “Alkorkon” 4 qola üzüldü

09:11  “Traktorsazi”dən ardıcıl 2-ci məğlubiyyət

01:00  Dörd qolluq heç-heçə

00:41  Meydan sahiblərindən çətin qələbə

00:25  “Bursaspor” yenə qələbəyə həsrət qaldı

00:01  Avroliqada həftənin ən yaxşı futbolçusu bəlli oldu

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az