(+994) 050 678 37 80
(+994) 070 534 65 52

qaynar xətt

Vüsal Mahmudov
Natiq Muxtarlı
Tahir Süleymanov
Qurban Qurbanov: “Kamran və Pavelin zədələnməsi planlarımızı pozdu”

Qurban Qurbanov: “Kamran və Pavelin zədələnməsi planlarımızı pozdu”

Futbol üzrə Azərbaycan yığmasının baş məşqçisi Qurban Qurbanov UEFA Millətlər Liqasında qrup mərhələsinin 5-ci turu çərçivəsində doğma meydanda Farer adalarına qarşı keçirdikləri oyunu şərh edib.

Futbolinfo.az xəbər verir ki, o, 2:0 hesablı qələbə ilə bağlı bunları söyləyib:

- Futbolçularımı təbrik edirəm. Qalibiyyət bizim üçün çox vacib idi. Sevinirik ki, hər şey istədiyimiz kimi oldu. Azarkeşlərimizə təşəkkür edirəm. Çoxdandı evdə qələbəmiz yox idi. İlk dəqiqələrdən rəqib fərqli sistemdə oynadı. Buna da hazırlaşmışdıq. Amma ikinci hissədə dəyişiklik etdilər. İkinci hissənin əvvəlində sistemə görə, oyuna tam nəzarət edə bilmədik. Amma getdikcə hər şey düzəldi. İndi qarşıda vacib səfər oyunumuz olacaq. Kosovoda mütləq qələbə lazımdı. Paltardəyişmə otağında da futbolçulara bildirdim ki, hamısına güvənirəm. Səfərə qələbə istəyi ilə gedəcəyik. İnanıram ki, futbolçularım bunu bacaracaq. Bacarmasalar belə, güclərini artıqlaması ilə meydanda qoyacaqlar.

- Kosovo ilə oyundakı vacibiyyət oyununuza necə təsir edə bilər?
- Futbolçular bu matçın vacibliyini dərk edirlər. İnanmıram ki, bu amil onlara mənfi təsir etsin. Əksinə, belə anlar komandanı daha da möhkəmləndirir. Son oyunumuz olacaq. Hər biri çəkinmədən ən yaxşı oyununu keçirəcək.

- İlk dəfə sizin rəhbərliyiniz altında millidə oynayan futbolçu var idi. Onlardan razı qaldınızmı?
- İlk dəfədi bir yerdə çalışdıqlarım var idi. Amma ayrılıqda hamısını tanıyıram. Bu gün yalnız Mirabdulla meydana çıxdı. Vaxt az olsa da, pis təsir bağışlamadı. Hər birindən razıyam və bu komandada böyük həvəslə oynamağa hazırdılar.

- Yığma ilk dəfə idi ki, bu qədər künc zərbəsi qazandı. Amma yalnız son dəqiqələrdə çərçivəyə gedən zərbə var idi...
- Qol olmasa da, ümumilikdə pis alınmadı. Həm dünən, həm də bu səhər bunun üzərində çox çalışmışdıq. Bir neçə nöqtə var idi ki, ora ötürmə verməyə çalışırdıq. Rəqibin müdafiəçiləri də uca boyludu. Necə hazırlaşmışdıqsa, futbolçular o cür də oynadılar. Kosovoda ola bilər ki, 1-2 künc zərbəsindən istifadə edə bilək.

- Bəzi futbolçular sarı vərəqə limitinə yaxın idi. Onları sona qədər meydanda saxlamaq risk deyildi?
- Bəzi dəyişikliklər edə bilərdik. Amma Kamran və Pavelin zədələnməsi planlarımızı pozdu. 

- Demək olar ki, optimal heyət formalaşıb. Amma qısa müddət sonra Kosovo ilə səfər oyunu var. Bu heyətin gücü çatacaqmı?
- Rəqibin oyununu bilirik. Amma yenə də onların son matçına bir də baxacağıq. Hansı heyət uyğundusa, o cür də meydana çıxacağıq. Futbolçuların oyuna kimi olan durumu vacib olacaq. Kamran və Pavelin oynayıb-oynamayacağı bilinmir. Bəzi oyunçuların da mikrozədələri var idi. Statistikaya baxacağıq. Lazım olsa, dəyişiklik edəcəyik. 1-2 dəyişiklik gözlənilir.

- Qrupdan çıxmaq əsas məqsəddi, yoxsa minimum?
- Hansı turnirdə iştirak ediriksə, maksimum nəticə əldə etməyə çalışmışam. Bunun alınıb-alınmadığını deyə bilmərəm. Son tur öncəsi hələ də şansımız var. Qalib gəlsək, qrup birincisi olacağıq. Alınmasa... Bu barədə düşünmürəm. Futbolçularla söhbətim oldu ki, başqa düşüncəmiz olmamalıdı. Optimal oyun göstərməli və xarakter göstərməliyik.

- Oyun günü Kosovoda hava 0 dərəcə olacaq. Bu hal sizə problem yaratmayacaq?
- Statistikalar pis deyil (gülür). Farer adalarında da hava şəraitini görmüşdünüz. Futbol üçün xoş olmayan hava idi. Hamımızın bir fikri var ki, təbiətdə pis hava yoxdu. Amma çalışırıq havaya uyğun hazırlaşaq. Belə halda da futbolçuların konsentrasiyaları yaxşı olur.

- Bu gün həmişəkindən nikbin görünürsüz. Bunun xüsusi səbəbi var?
- Həmişə iddialı olmuşuq. Bəzi oyunlarda iddialı olmaq daha çox lazım olur. Səfərə o hisslərlə getmək istəyirəm. Futbolçularım döyüşmə əzmini hiss etsinlər. Təbii ki, futbol qaydalarını yaddan çıxarmamaqla. Bizi ancaq qələbə qane edir. Bu üzdən inamlı olmalıyıq. (Sportnet)


 
tarix: 17-11-2018 23:36


 
Xəbər lenti
22.08.2019

10:30   “Qalatasaray”dan PSV-yə - RƏSMİ

10:00   “Çelsi”nin futbolçusu rəsmən “Roma”da

09:30   Əliyevin komandası 1/16 finalda

09:00   Azərbaycanlı futbolçuların komandaları yarımfinala buraxılmadı

00:55   “Olimpiakos” “Krasnodar”ı darmadağınla yola saldı

21.08.2019

22:25  “Hiss olunur ki, “Linfild” olduqca istəklidi” - Qurban Qurbanov

21:22  David Hili: “Qarabağ”ın aqressiv olacağını düşünmürəm”

20:20  Maaşının azaldılmasına razı oldu - “Fənərbaxça”da qalmaq üçün

19:44  “Liverpul”un futbolçusu Türkiyə klubunda - RƏSMİ

18:55  “Kəpəz” yeni mövsümə 17 futbolçu ilə başlayır

18:21  Xorvatiyalı futbolçu İtaliyada klubunu dəyişdi

18:00  “Keşlə”də kadr dəyişikliyi

17:45  “Monako”da yeni hücumçu

17:12  “Qarabağ” - “Linfild” matçının biletləri satışda

16:50  Premyer Liqada 2-ci turun hakimləri bəlli oldu

16:36  Paytaxt klubunun zədəli futbolçusu sıraya döndü

16:16  “Qarabağ”la oyunlarda Avropaya yaxşı bir səs salmaq istəyirik”

15:50  I Divizionda mövsümün təqvimi açıqlandı

15:36  Super Liqa klubu milli üzvləri ilə “nikah təzələdi”

15:12  La Liqa klubunda 5 illik müqavilə

14:43  Riberinin yeni klubu rəsmən bəlli oldu

14:26  “İnanıram ki, bu mövsüm komandamız üçün çox uğurlu olacaq”

14:01  “Beşiktaş”ın futbolçusu Fransa klubunda

13:42  “Zirə”nin yeni transferi: “Burdakı səviyyəyə təəccübləndim”

13:25  AFFA yeni mövsümün ilk cəzalarını açıqladı

13:08  Azərbaycanla oyundan əvvəl yeni məşqçi

12:40  Ayaz Quliyev rəmzi heyətdə

12:21  Millimizin baş məşqçisi: “Bu iki oyundan maksimum istifadə etməliyik”

12:00  AFFA-dan 1 illik müqavilə

11:40  Uels millisinin Azərbaycanla oyun üçün heyəti açıqlandı

11:21  Millimizin futbolçusu oynadı, komandası ilk qələbəsini qazandı

11:00  DÇ-2022-nin loqosu nə vaxt təqdim olunacaq?

10:41  Daha bir türk futbolçu A Seriyasında

10:23  Millimizlə oyundan öncə klubunu dəyişdi

10:00  Paytaxt klubunda daha bir yeni müqavilə

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az