“Bu oyunda 2:1 hesabı ilə qalib gələcəyik” – Kosovolu futbolçu proqnoz verdi

Kosovo millisinin yarımmüdafiəçisi Benjamin Kolollinin futbolinfo.az saytına müsahibəsi

- Kosovo və Azərbaycan arasında həlledici görüş haqqında fikirlərin necədir?
- Düşünürəm ki, bizim çox çətin komandaya qarşı gərgin oyunumuz olacaq. Kosovo üçün bu matç böyük finaldır. Ümid edirəm ki, sınaqdan üzüağ çıxıb  bu oyunda qalib gələ biləcəyik.

- Malta üzərində 5:0 hesablı qələbə sizə böyük ümid verdi? Hər halda, oyundan öncə çox qol vuracağınıza özünüz də inanmazdınız…
- Matçdan əvvəl düşünmürdük ki, hesab bu cür olar. Malta yaxşı müdafiə olunan komandalardandır. Ümumiyyətlə, Kosovo yaxşı heyətə malikdir. Sadəcə, biz gənc komandayıq, beynəlxalq təcrübə toplamaq üçün zamana ehtiyacımız var. Hazırda yaxşı formadayıq və Millətlər Liqasından Avropa çempionatına vəsiqə qazanmağa layiqik və qadirik.

- “Final”ın favoritİ Kosovo sayılır…
- Mən razı deyiləm. Əgər sən finala bərabər oyun oynayırsan, deməli, heç zaman favorit deyilsən.

- Ev amili sizi favorit edirmi?
- Bununla razılaşmalıyam. Bizim fantastik azarkeşlərimiz var. Düşünürəm ki, onlar dünyanın ən yaxşısıdır.  Amma biz bunları düşünsək, yaxşı olmayacaq. Bizim daha ciddi olmağa, peşəkar olmağa ehtiyacımız var. Bunu azarkeşlərimiz, baş məşqçimiz üçün etməliyik.

- Azərbaycan – Farer adaları matçını izlədinizmi?
- Yox, izləyə bilmədim. Amma baş məşqçimiz həmin qarşılaşmaya baxmışdı və bizə dedi ki, ən yaxşı Azərbaycan komandası idi.  O, bizə komandanızın zəif yerlərini açıqladı.

- Sən də bolqollu oyun gözləyirsən?
- Əlbəttə. Düşünürəm ki, qollar olacaq. Mənim proqnozum odur ki, biz bu qarşılaşmada 2:1 hesabı ilə qalib gələcəyik.

FƏRİD

Mustivar qələbə sözü vermədi: “Səbəbi sizə deyə bilmərəm”

“Lap mövsümün ortasında rəsmi təklif olsa, gedəcəm”

Kamran Quliyev “avtobus”dan şikayət etdi: “Hamımız günahkarıq”