Vüqar Məmməd: “Yekun istədiyimiz kimi oldu”

19 yaşadək futbolçulardan ibarət Azərbaycan yığmasının baş məşqçisi Vüqar Məmmədov Avropa çempionatının ilkin seçmə mərhələsi çərçivəsində Lixtenşteynə qarşı keçirdikləri oyunu şərh edib.

Futbolinfo.az xəbər verir ki, o, 3:0 hesablı qələbə ilə bağlı bunları söyləyib:

“Gəncə şəhərindəki yaşayış binasında baş vermiş uçqunla əlaqədar olaraq xəsarət almış insanlara şəfa, dünyasını dəyişən həmvətənlərimizə isə Allahdan rəhmət diləyir, yaxınlarına baş sağlığı veririk.

Bu gün növbəti mərhələyə vəsiqə qazanmışıqsa, deməli, hər şeyi düzgün etmişik. Komandanın üzərində əziyyəti olan hər kəsə təşəkkürümü bildirirəm. Turnirin əvvəlində də demişdim, yenə təkrar edirəm, heyətimizdə yer alan bütün futbolçulara inanırdım, inanıram və qələbə münasibəti ilə hər birini təbrik edirəm, onlarla qürur duyuram. Bu mərhələnin oyunlarına 11 aydı hazırlşırdıq. Komandamızın hər bir üzvü mərhələ adlamaq üçün çox istəkli idi. Hər oyundan sonra istəyimizə çatacağımıza inanırdıq. Bu uğurun qazanılmasında klublarda çalışan məşqçilərin də əməyi böyükdü. Onlara da çox sağ olun, deyirəm. Ancaq görüləsi işlərimiz də az deyil.

Lixtenşteynlə qarşılaşmaya gəldikdə, qeyd edim ki, hər bir rəqiblə oyuna fərqli taktika ilə çıxmışdıq. Bu oyunla bərabər paralel keçirilən matçın nəticəsi də mərhələni adlamaq baxımından əhəmiyyətli idi. Ancaq uşaqlara dedim ki, siz oyununuzu oynayın, qələbənizi qazanın. Gürcüstan – İsrail oyunu barədə isə onlara matç ərzində heç bir məlumat vermədik. Yekun biz istəyən kimi oldu. Əlbəttə, turnir həm məşqçilər, həm də futbolçular üçün böyük təcrübə oldu”.

Yurçeviçin millimizlə Bakıda debüt matçının vaxtı bilindi

Millimizin baş məşqçisi: “Futbolçularda güc hiss etdim”

Millimiz İspaniya toplanışını məğlubiyyətlə başa vurdu