(+994) 050 678 37 80
(+994) 070 534 65 52

qaynar xətt

Vüsal Mahmudov
Natiq Muxtarlı
Tahir Süleymanov
Boş ümidlər, gözlənilən sonluq

Boş ümidlər, gözlənilən sonluq

Dünən oyun bitincə Qurban Qurbanov istefa versəydi, təəccüblənməzdim. Elə psixoloji təzyiq altındadı ki, mətbuat konfransında dediklərindən bezdiyi, ümidsiz olduğu hiss edilir. Halbuki istefa verməsi gərəkən o yox, 12 il ərzində heç bir iş görməyən, zibillərini boynuna yıxmaq üçün qurban axtaran AFFA rəhbərliyidi. Qurbanovun bu posta təyinatını təsdiqləyərkən məsuliyyəti üstünə atmağa adam tapdıqları üçün sevinən rəhbərlik…
 
Gözlənilən oldu – bu qrupda Kosovonun favorit olduğunu aylardı yazırdıq. Rəqib oyunçu potensialına görə bizdən qat-qat üstün idi və layiq olduğu qrup birinciliyini qazandı. İstəklərimiz işgörmə qabiliyyətimizdən həmişə yüksəkdə olub, illəri boşa vermişik və indi Qurban bəyin simasında xilaskar axtarırıq. O isə yalnız məşqçidi, sehrbaz deyil, Qarayevi Berişa edib “Latsio”ya göndərə bilməz.
 
0:4 ağır məğlubiyyətdi, indi soyuq başla təkcə bu oyun yox, bütün seçmə mərhələ, hətta AFFA-nın indiki rəhbərliyinin fəaliyyət müddəti təhlil edilməlidi. Qurbanovun da, futbolçuların da günahı var. Evdə 3 oyundan cəmi birini udursansa, qat-qat zəif Maltaya 4 xal bağışlayırsansa, deməli, nələrsə doğru edilməyib və Priştina sadəcə, günahlara görə sorğu-sual edilən məkan idi.
 
Millimiz dünənki matça qətiyyən hazır deyildi. Hələ oyundan öncə futbolçuların gözündən yorğunluq tökülürdü. Komanda psixoloji və fiziki cəhətdən matça hazırlanmamışdı. Start heyəti, oyunun qurulması baxımından da Qurbanov ən doğru seçimi etməmişdi – rəqibə taktiki cəhətdən də uduzduq. Onsuz da 3 gündən 1 oynamağı artıq yük sayan futbolçuları Farer adalarıyla görüşdəki heyətlə meydana buraxmaq yanlış idi. Erkən qol da gəlincə problem qabarıqlığı ilə üzə çıxdı.
 
Əfran İsmayılov meydana çıxarkən Qurban bəyin başını itirdiyinə əmin oldum, bu matç “Sumqayıt”ın yarımmüdafiəçisinin döyüşü olmamalıydı. Ruslan Qurbanovla Mirabdulla Abbasov isə aqressiv və yorğun olan Dmitri Nazarovdan, varlığı ilə yoxluğu bilinməyən Rüfət Dadaşovdan daha faydalı olardı. Bəlkə Emin Mahmudovla, deməli, 2 dayaq yarımmüdafiəçisi ilə oyuna çıxmaq daha məntiqliydi. Bütün bunlar bəlkələrdi, lakin o dəqiqdi ki, 3 gün öncə Bakıda oynamış “11-lik” Kosovoda da oynamaq haqqı qazanmamalıydı.
 
Qurbanov oyunsonrası mətbuat konfransında maraqlı giriş edib: “Məğlubiyyəti gözləyirdim. Çünki bura qələbə üçün gəlmişdik və bizi istənilən nəticənin gözlədiyini bilirdik. Həm ilk, həm də ikinci hissədə eyni ssenari təkrarlandı. Erkən qol buraxmaları futbolçularımıza ağır zərbə oldu. Komandanın gücü tam bilindi. Əfsuslar olsun ki, uduzduq. Kosovoya uğurlar arzulayıram”.
 
Oyunöncəsi baş katib Elxan Məmmədovun “minimum vəzifə qrup liderliyidi” təzyiqindən ilhamlanıb qələbədən dəm vurmaq, rəqibi motivasiya etmək nədi, məğlubiyyəti gözləmək nə? Deməli, səmimilik kölgədə qalır. Komandanın gücü ilə bağlı açıqlamanı isə geridə qalan bir il ərzində demək lazım idi, siçan süddə boğulandan sonra yox. Mətbuat aylardı fəryad edir, bu kadr potensialı ilə böyük hədəflərin mümkünsüz olduğunu yazır, Qurban bəy isə yalnız indi bunu etiraf edir – bütün məsuliyyət boynuna yüklənəndən sonra.
 
Qurbanovu başa düşürük,  ötən 10-12 il ərzində heç bir futbolçunun yetişdirilmədiyini dilə gətirməməklə birgə işlədiyi AFFA rəhbərliyini zərbə altında qoymaq istəmirdi. Lakin onun qoruduqları indi məşqçini hədəfə gətirirlər, bu gün belə açıqlama vermək arxadan atılmış daşdı.
 
“Rəqibin gücü bizdən çox idi. Üstünlük onların tərəfində idi. Ustalıq səviyyəsi və digər komponentlərdə geri qaldıq. Yorğunluq və psixoloji sıxıntı həmişə olur. Rəqib yaxşı komanda idi. Bizim 3 oyunçu dəyişmək imkanımız var idi. Bunu da oyunun gedişində edə bilərdik. Qollar elə vuruldu ki, dəyişikliyə imkan olmadı. Bu halda hansısa dəyişiklik matçın gedişinə təsir etməyəcəkdi”.
 
Doğrusu, bu açıqlamalar da çox yersizdi. Rəqibin gücünü bilirdik və bunu əvvəldən demək lazım idi, möcüzəyə ümid etmək yox. Meydan sahibləri həm də çox ağıllı oynadı, bütün açar futbolçularımıza qarşı fərdi oyun qurub, onları dayandırdılar, boşluqlardan yararlanıb qollar vurdular. Dəyişikliklərlə bağlı açıqlama isə start heyətinin doğru qurulmamasının etirafıdı.
 
Şəxsən mənim üçün gözlənilən sonluq idi. Mümkünsüz bir şeyə ümid edib bir ili boşa verməkdənsə, ilin əvvəindən gələcəyin komandasını qurmaq daha məsləhətli idi. Hələ də gec deyil - U-19-un elit-raunda vəsiqə qazanmasından ilhamlanmaq olar…
 
CAVAD

 
tarix: 21-11-2018 09:00


 
Xəbər lenti
22.08.2019

10:30   “Qalatasaray”dan PSV-yə - RƏSMİ

10:00   “Çelsi”nin futbolçusu rəsmən “Roma”da

09:30   Əliyevin komandası 1/16 finalda

09:00   Azərbaycanlı futbolçuların komandaları yarımfinala buraxılmadı

00:55   “Olimpiakos” “Krasnodar”ı darmadağınla yola saldı

21.08.2019

22:25  “Hiss olunur ki, “Linfild” olduqca istəklidi” - Qurban Qurbanov

21:22  David Hili: “Qarabağ”ın aqressiv olacağını düşünmürəm”

20:20  Maaşının azaldılmasına razı oldu - “Fənərbaxça”da qalmaq üçün

19:44  “Liverpul”un futbolçusu Türkiyə klubunda - RƏSMİ

18:55  “Kəpəz” yeni mövsümə 17 futbolçu ilə başlayır

18:21  Xorvatiyalı futbolçu İtaliyada klubunu dəyişdi

18:00  “Keşlə”də kadr dəyişikliyi

17:45  “Monako”da yeni hücumçu

17:12  “Qarabağ” - “Linfild” matçının biletləri satışda

16:50  Premyer Liqada 2-ci turun hakimləri bəlli oldu

16:36  Paytaxt klubunun zədəli futbolçusu sıraya döndü

16:16  “Qarabağ”la oyunlarda Avropaya yaxşı bir səs salmaq istəyirik”

15:50  I Divizionda mövsümün təqvimi açıqlandı

15:36  Super Liqa klubu milli üzvləri ilə “nikah təzələdi”

15:12  La Liqa klubunda 5 illik müqavilə

14:43  Riberinin yeni klubu rəsmən bəlli oldu

14:26  “İnanıram ki, bu mövsüm komandamız üçün çox uğurlu olacaq”

14:01  “Beşiktaş”ın futbolçusu Fransa klubunda

13:42  “Zirə”nin yeni transferi: “Burdakı səviyyəyə təəccübləndim”

13:25  AFFA yeni mövsümün ilk cəzalarını açıqladı

13:08  Azərbaycanla oyundan əvvəl yeni məşqçi

12:40  Ayaz Quliyev rəmzi heyətdə

12:21  Millimizin baş məşqçisi: “Bu iki oyundan maksimum istifadə etməliyik”

12:00  AFFA-dan 1 illik müqavilə

11:40  Uels millisinin Azərbaycanla oyun üçün heyəti açıqlandı

11:21  Millimizin futbolçusu oynadı, komandası ilk qələbəsini qazandı

11:00  DÇ-2022-nin loqosu nə vaxt təqdim olunacaq?

10:41  Daha bir türk futbolçu A Seriyasında

10:23  Millimizlə oyundan öncə klubunu dəyişdi

10:00  Paytaxt klubunda daha bir yeni müqavilə

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az