(+994) 050 678 37 80
(+994) 070 534 65 52

qaynar xətt

Tahir Süleymanov
Əhmədovla “Keşlə” yenə layiq olduğu pillədə

Əhmədovla “Keşlə” yenə layiq olduğu pillədə

“Qarabağ” özünə gəldi. Ağır “Sportinq” məğlubiyyətindən sonra “Keşlə” üzərində qələbə vacib idi və ağdamlılar buna darmadağınla nail oldu.

13-cü turun son matçı ağdamlıların düşərgəsində ab-havanı düzəltdisə, “Keşlə”də gərginliyi bir qədər də artırdı. Xilaskar kimi gətirilən Tərlan Əhmədov artıq səbəbkarlar aramağa başlayıb. Baş məşqçi təyin olunmamış bu heyətlə daha yaxşı nəticə göstərməyin mümkünlüyndən dəm vuran Tərlan rəhbərliyi bu yolla şirnikləndirmişdi. İndi isə o, bütün futbolçulardan narazı qaldığını deyir, qışda heyəti gücləndirməyin vacibliyindən danışır.

Təbii ki, heyət təzədən yığılmalıdı, vaxtilə rəhbərliyin bilavasitə günahı üzündən komplektləşdirmə işi düzgün aparılmayıb. 11 legioner var, lakin yarıdan çoxu start heyətinə layiq deyil. Bunu görə-görə başqasının torbasını tikmək üçün vədlər verən Əhmədov indi çabalayır. “Keşlə”nin qışda böyük dəyişikliklərə getməsi ciddi maliyyə itkisi olacaq, ancaq məşqçi məhz bunu istəyir.

Klubun rəhbəri Zaur Axundov yəqin ki, öz ampluasına qayıdacaq. Çoxdandı futbolçuları söymür, onları təhqir etmir, məşqçini hədələmir. İndi isə “xəstəliyini” xatırlatmaq üçün əsası var və Tərlanı da divara dirəməyin məqamıdı. Milinkoviçi qovduran məşqçi ondan fərqlənmirsə, bunu haqq edib.

1:5 – hətta rəqib çempion “Qarabağ” olsa da, bu nəticə Axundova sillədi. 12 oyuna 17 top buraxmış komanda bir matçdaca aşsüzənə dönürsə, deməli, məşqçi səhvi də həlledici olub. Heyət düzgün qurulmayıb, taktika səhv seçilib. Və hər şeyə görə Əhmədov cavabdehdi. Axı, o, gəldiyi vaxtlarda heyətin normal olduğunu, sadəcə, işləmək lazım gəldiyini deyirdi. O zaman belə biabırçı nəticə necə reallaşdı? Həm də səndən fərqli olaraq, rəqib 3 gün öncə də ağır oyun keçirib, üstəlik, bu müddətdə baş məşqçisinə həsrət qalıb.

Tərlan belə çətin məqamlarda həmişə kənarda günahkar axtarıb. İndiyə qədər işlədiyi bütün komandalarda belə olub. Elə bugündən bəzi futbolçuları qaralayacaq, məşqçilər heyətində olan, özü tərəfindən gətirilməyənlərə sifət edəcək. Axundova informasiyalar ötürüləcək, ayaq altı qazılacaq. 1:5-i unutdurmaq üçün hər şey ediləcək. Birtəhər qışa çatmaq, daha sonra yaya kimi baş girləmək lazımdı.

“Qarabağ”ın isə daha büdrəmək şansı yoxdu. Lider “Neftçi” ilə 5 xallıq fərq elə 5 qolla qorundu. Çempionluq yarışından qopmamaq, qışdan sonra zirvəyə qayıtmaq üçün son matçda da uğur qazanmaq vacibdi. Yenidən sonuncu pilləyə göndərilən “Keşlə”nin ardınca növbəti rəqib digər autsayder “Zirə”di. Bu matçda sensasiya olmasa, bizi 2019-da daha gərgin mübarizə gözləyir.

AĞA


 
tarix: 04-12-2018 09:00


 
Xəbər lenti
23.04.2019

10:30   Vaqif Cavadovun sabiq klubu yenidən elitaya qayıtdı

10:00   “Zirə” “Sumqayıt”la üz-üzə - YENİLƏNİR

09:41   “Zirə”nin ilk yarımfinalı

09:20   Əzizovun komandasından əzmkar qələbə

09:00   “Qəbələ” “Qarabağ”a qarşı - YENİLƏNİR

01:10   “Çelsi” doğma meydanda xal itirdi

00:25   Hərəyə 1 qol, 1 xal

22.04.2019

23:15  “Beşiktaş”dan çətin qələbə

22:56  “Napoli” doğma meydanda uduzdu

20:10  “Neftçi”də ciddi itki: mövsümü bitirdi

19:48  Premyer Liqada son 10 ilin ən yaxşı göstəricisi

18:00  Ayxan Abbasov: “Ayrılmaq istəyim nəticələrə görə deyildi”

17:25  Region Liqasında ilk finalçı bəlli oldu

16:51  Braziliyalı futbolçudan 39-cu çempionluq

16:14  Yarımfinalı buraxacaq 3 futbolçu

15:59  Nəbiyevdən Çexiyada dubl, “Slaviya”dan darmadağın

15:29  Rəşad Qasımov məhkəmədə ifadə verdi

14:43  “Sabah”ın ulduzları” Madridə gedir: ÇL-in finalı da onları gözləyir

14:17  Modriçdən “Real”da yubiley matçı

13:57  “Azərbaycan bir ölkə kimi hər zaman mənim bir hissəm, parçam olub”

13:15  Yarımfinal rəqəmlərin gözü ilə

13:00  Biabırçı statistika: AFFA-ya təklifimiz var

12:54  Braziliyada da çempion bəlli oldu

12:37  Millimiz Qazaxıstan və Belarusla qarşılaşacaq

12:10  İlk dubl və 10-cu qol

11:51  Mbappe ölkə tarixinə düşdü

11:32  Yunanıstanda çempion bəlli oldu

11:18  “Qəbələ” - “Qarabağ” matçının hakimləri açıqlandı

11:00  Biabırçı statistika: əcnəbilər üçün “qocalar evi”

10:44  Rizvanov üçün 34 dəqiqə və darmadağın

10:20  Eratın komandasından daha bir qələbə

10:00  Millimizin sabiq futbolçusu döyüldü

09:42  Ufuk Budak üçün 90 dəqiqə və 3 xal

09:21  Ayaz Quliyev qol vurdu, “Spartak”...

09:00  Biabırçı statistika: veteranlar Premyer Liqası

01:10  PSJ - çempion!

00:45  “Real”dan darmadağın

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az