(+994) 050 678 37 80
(+994) 070 534 65 52

qaynar xətt

Vüsal Mahmudov
Tahir Süleymanov
Kamran Quliyev: “Onların bizə verə biləcəyi əsas xeyir yayımdı”

Kamran Quliyev: “Onların bizə verə biləcəyi əsas xeyir yayımdı”

Bu gün AFFA Klublar Komitəsinin iclası keçirilib.

Futbolinfo.az xəbər verir ki, komitə sədri Kamran Quliyev daha sonra jurnalistlərin suallarını cavablandırıb:

- Gündəlikdə duran məsələlərdən biri oyunların keçirilmə vaxtı idi. Əvvəlcə bu barədə məlumat verərdiniz...
- Bununla bağlı PFL-lə məsləhətləşdik. İstədik ki, həftəiçi oyunlarda müəyyən sistem olsun. Həmçinin, şənbə və bazar günləri üçün də fərqli saatın təyin edilməsi müzakirə olundu. Klublara uyğun vaxt olmalıdı. Bunda əsas məqsəd azarkeşlərin stadiona gəlməsidi. Məsələn, bazar günü matçları daha erkən vaxta təyin etmək məqsədəuyğundu. Təbii ki, hava şəraiti də nəzərə alınacaq. 

- "Qarabağ"ın Avropa Liqasında "Sportinq"lə matçına cəmi 5500 azarkeş gəlmişdi. Nəzərə alaq ki, hava da soyuq idi. Həftəiçi saat 9-da çempionat oyununa azarkeş gələrmi?
- Məcburiyyətdən ola bilər. Klubların təkliflərini nəzərə alıb, PFL-ə müraciət edəcəyik. Klubları maraqlandıran odu ki, azarkeş oyuna gəlsin. Bununla bağlı məşqçilər də öz aralarında məsləhətləşəcəklər. Yekun təklifi PFL-ə təqdim edəcəyik.

- Hakimlər Komitəsinin yeni sədri Fritz Ştuxlik də iclasda iştirak edirdi. Son vaxtlar kifayət qədər hakim səhvləri olur. Bu məsələ ilə bağlı hansısa müzakirə oldumu?
- Sədr daha çox 3 ay ərzində görülən işlər haqda məlumat verdi. Hakimlərin hazırlıq prosesi, testlər necə keçir... Hamısı UEFA, FİFA standartına uyğundu. Daha çox bunlar müzakirə olundu. Hakim səhvləri barədə fikir mübadiləsi nəzərdə tutulmamışdı. Hakim səhvləri ilə bağlı ötən həftədəki oyunla bağlı rəsmi mövqeyimiz olub. Fritz Ştuxlikin yeni təklifləri oldu. VAR sistemi haqda müzakirələr apardıq. Maliyyə və texniki baxımdan indi bizə uzaq görünə bilər. Amma artıq qonşu ölkələr də bu sistemə keçiblər. Türkiyə çempionatında bu sistem sayəsində nə qədər düzgün qərarların verildiyini özünüz də görürsünüz. Bunun effektliyini bütün dünya qəbul edir. VAR gələcəyin sistemidi. Bundan başqa oyunların protokollarını müvafiq şəxslər əllə doldururlar. Bu, yaxın gələcəkdə yığışdırılmalıdı. Bu sistemi elektron qaydada etsək, həmin şəxslərin səhv etmə ehtimalı azalar. Avropada bu sistemdən istifadə edirlər və protokolları elektron şəkildə doldururlar. Premyer Liqanın inkişafını istəyiriksə, bu sistemə keçməliyik. Bununla bağlı PFL-ə və ya AFFA-ya müraciət olacaq. Tender ola bilər ki, bununla müvafiq təşkilat tapılar.

- Klubların hesabatları bundan sonra rəsmi saytlarda yerləşdiriləcəkmi?
- AFFA-nın Lisenziyalaşdırma Qrupunun bizə verdiyi məlumata görə, klublar yeni ildən maliyyə hesabatlarını elektron şəkildə saytda yerləşdirməlidilər. Bunlar "A" meyarlı hesabatlardı. FİFA-nın, UEFA-nın tələbidi. Fərqin nədən ibarət olduğunu tam deyə bilmərəm. Əsas vaxt məsələsidi ki, buna sərt şəkildə nəzarət olunacaq. Əvvəllər klublara bir neçə günlük güzəşt edilirdi. Ancaq bu şərtlər indi sərtləşib. Klublar təyin olunan vaxta qədər maliyyə hesabatlarını verməlidilər. Bu, şəffaflığın qorunması üçün atılan addımdı. Klublar artıq Lisenziyalaşdırma Qrupu ilə yazışırlar, göndərilən sənədlər var. Bu proses adətən hər il martın sonuna kimi başa çatır.

- VAR sistemi, oyunların keçirilmə vaxtı, lisenziyalaşdırma məsələsi başadüşüləndi. Hakimlərin alt geyim dəstlərinin müzakirəsi o qədərmi vacibdi?
- İclasda ümumi geyim məsələsi müzakirə olundu. Bəzən hakimlərin geyimi komandaların formalarına bənzər şəkildə olur. UEFA da hakimin komandalardan seçilməsini tələb edir. Üst geyim və corablar fərqli olmalıdı. Bəzən şort eyni rəngdə olur. Elə liqalar var ki, hakimlərin geyim dəsti tam eyni olur. İnanın ki, bu məsələnin müzakirəsi heç yarım dəqiqə çəkmədi.

- Adınız məşhur idman geyim firmaları ilə əməkdaşlıqda hallanır. Bu, doğrudumu?
- Mən "Sumqayıt"da da, "Neftçi"də də olanda çalışmışam ki, birbaşa istehsal edən təşkilatla işləyək. Hər iki klub da həmişə formaları təşkilatçılardan alıb. Bütün əlaqə birbaşa istehsalçılarla olub. Mən bu təşkilatları tanıyıram. Mən "Sumqayıt"da işləyərkən "Xoma" şirkəti tərəfindən İspaniyaya dəvət alıb, ora getmişdim. Bu ilin martında isə "Macron" şirkətinin dəvəti ilə İtaliyada oldum. "Neftçi"yə növbəti mövsüm üçün kolleksiya təklif etmişdilər. Ancaq biz "Nike" ilə anlaşdıq. "Xoma"nın mallarını isə birbaşa İspaniyadan aldıq. Vasitəçinin olmaması üçün birbaşa həmin şirkətlərlə işləyirik. Onlarla mənim münasibətim görünür bəzi qüvvələrə vasitədi. Mənim bütün fikrim futboldu. Məni tanıyanlar var, tanımayanlar da ola bilər ki, səhv fikrə düşüblər.

- Qış fasiləsində "Neftçi"də dəyişikliklər gözlənilirmi?
- İstənilən klub heyətini gücləndirmək barədə düşünür. Qış "transfer pəncərəsi" həmişə fərqli olur. Avropada cəmi 6-7 ölkənin həmin vaxt çempionatı bitir. Yaz-payız sistemində olan çempionatların klubları qışda futbolçuları ilə rahat şəkildə vidalaşmırlar. Ancaq yenə də axtarışdayıq və bir neçə futbolçu ilə danışıq aparırıq. Onların hətta bura gəlişi də gözlənilir. Amma heç biri ilə müqavilə bağlamamışıq. Çünki tibbi baxış və digər məsələlərin müzakirəsi də vacibdi.
 
- Neçə futbolçu transferi planlaşdırırsınız?

- Maksimum 3 əcnəbi gətirə bilərik. Yerli futbolçulardan "Neftçi"nin iddiasına, statusuna uyğun olanı yoxdu.
 
- Bəs komandadan kimlərinsə gedişi gözlənilirmi?
- Kimsə gedə bilər.
 
- Klubların hüququnu müdafiə etmək üçün onların haqlarını da tələb etməlisiniz. "CBC Sport"dan pulları nə vaxt istəyəcəksiniz?
- Bugünkü iclasda bu mövzuya toxunulmadı. "CBC Sport"dan başqa şey, yayım vaxtlarının təkmilləşməsini istədik. Bu gün klubları başqa məsələlər maraqlandırır. Orda kimisə müdafiə etməyə ehtiyac da yoxdu. Çünki bütün klubların söz haqqı eynidi. "CBC Sport"la klublar arasında olan məsələlər hələlik həllini tapmayıb. Hamı istəyər ki, klub əlavə gəlir əldə etsin. "CBC Sport"un hazırda bizə verə biləcəyi əsas xeyir yayımdı. Bu yayım da olmasaydı, Premyer Liqanın imici daha da aşağı düşərdi.

İclasda müzakirə olunan bir məsələ də var. UEFA-dan bu il klublara nisbətən çox vəsait daxil olub. AFFA-nın baş katibi Elxan Məmmədov da bunu gündəmə gətirmişdi ki, bu pullar uşaq futboluna ayırılsın. Əslində UEFA bu pulu uşaq futbolunu nəzərə alaraq göndərir. Sirr deyil ki, klubun bəzi ehtiyaclarını qarşılamağa yönələcək rəqəmlər də olacaq. "Neftçi" olaraq biz hesabat vermişik və xarici mütəxəssis də dəvət etmişik. Hər il 1-2 aşağı yaş qrupu komandamız xaricdə təlim-məşq toplanışı keçir. Bu vəsait də tam yerinə düşdü. Etiraf edirik ki, klubun ümumi xərcləri üçün o vəsaitdən istifadə olunur. Amma tövsiyə olunub ki, onun mümkün qədər çoxu uşaq futboluna ayırılsın.

İclasda azarkeşlərlə işlərin təkmilləşdirilməsi məsələsinə də baxıldı. Azərbaycan futbolunda azarkeş qıtlığı yaşanır. Hazırkı rəqəmləri qorumaq və bunun çoxalması üçün addımlar atmalıyıq. Bunun üçün AFFA da öz təkliflərini verməyə hazırdı. Stimullaşdırıcı tədbirlər, konsertlər ola bilər. Əvvəllər lotereyalar keçirilərdi. AFFA azarkeş toplamaq baxımından görüləcək istənilən müsbət işlə bağlı yardımını etməyə hazırdı.


 
tarix: 04-12-2018 14:37


 
Xəbər lenti
26.06.2019

19:45   “Neftçi”nin Rumıniya klubu ilə oyunu yarıda qaldı

18:33   İtaliya millisində baş məşqçi ayrılığı

18:00   “Messiyəm” dedi, 23 qadını aldadaraq…

17:30   “Sumqayıt”da ispan məşqçi - RƏSMİ

17:00   “Qəbələ”dən “Sabah”a – RƏSMİ

16:40   Paytaxt klubunda yeni təyinat

16:21   “Neftçili Yay” futbol düşərgəsi başa çatdı

16:00   “Qarabağ”ın rəqibi milli üzvü ilə gücləndi

15:40   “Neftçi”nin rəqibindən kubokda darmadağın

15:20   “Barselona”nın qapıçısı rəsmən “Valensiya”da

15:00   “Qəbələ”nin 3 yetirməsi “Şüvəlan”da

14:40   Aftandil Hacıyevdən darmadağına şərh

14:20   “Səbail”dən növbəti transfer - RƏSMİ

14:00   Çempionlar Liqasında yeni mövsümə start verildi

13:30   “Fənərbaxça”da ayrılıq

13:00   “Mançester Siti”dən Belçika klubuna - RƏSMİ

12:30   “Sent-Etyen”dən Super Liqa klubuna

12:02   “Mançester Siti”də ayrılıq

11:41   Kamerun qələbə, Qana heç-heçə ilə başladı

11:20   Azərbaycan klubu ispaniyalı məşqçi gətirdi

11:00   “Barselona” hücumçusunu satdı

10:30   FİFA-dan Türkiyə klubuna sərt cəza

10:00   “Barselona”dan “Everton”a - RƏSMİ

09:30   Azərbaycan çempionuna ÇL püşkü öncəsi şad xəbər

09:00   “Zalsburq”dan Super Liqa klubuna

08:00   Premyer Liqada yay bazarlığı - YENİLƏNİR

00:27   Mirabdulla icarə müqaviləsi imzaladı

25.06.2019

23:00  Qurbanov daha yaxşı olacaqlarını vəd etdi

21:51  "Qarabağ": yenə qolsuz, yenə qələbəsiz - YENİLƏNİB

21:00  "Səbail"i darmadağın etdilər - YENİLƏNİB

19:46  “Keşlə”dən Latviya klubuna

19:23  “Neftçi” ilə oyundan sonra sevinməyimiz Qurban Qurbanovun xoşuna gəlmirdi”

17:43  “Sevilya”nın futbolçusu qəza törətdi, 2 nəfər öldü - FOTO

17:21  “Sumqayıt”da istirahət başa çatdı

17:00  “Çelsi” Lempardla danışıqlara başladı - RƏSMİ

16:44  Lion “Olimpik”ində yeni futbolçu

16:23  “Borussiya”dan Premyer Liqa klubuna

16:02  Şeydayev yeni mövsümü bu klubda keçirəcək

15:46  Milli komandada ciddi itki

15:25  “Qarabağ”ın legioneri oynamadı, komandası qalib gəldi

15:01  Super Liqa təmsilçisindən Liqa 1 klubuna

14:42  “Səbail”in yoxlama oyununun vaxtı dəyişdirildi

14:24  UEFA “Qarabağ”ın albanlarla ilk oyununun saatını açıqladı

14:00  “Neftçi”nin cavab matçının da vaxtı bilindi

13:43  “Azərbaycanın futbol ənənəsi olan bütün bölgələrinə səfər edəcəyik”

13:22  “Neftçi”nin yeni transferi: “Hədəfim bacardığım qədər çoxlu qol vurmaqdı”

13:00  Amerika kubokunda 1/4 finalın cütlükləri

12:41  Millimizin futbolçusu ən yaxşılar arasında

12:20  Tunis xal itkisi ilə başladı

12:00  Emil Balayev Qazaxıstanda hamını qabaqladı

11:46  Uruqvay qrup lideri, Çili ikinci oldu

11:30  Yeni transferi “Qarabağ”la məşqlərə başladı

11:00  Azərbaycanlı referi final oyununa təyinat aldı

10:30  Dəniz Yılmazın klubundan yeni transfer

10:00  Super Liqa klubundan 2 transfer

09:30  “Sevilya”dan “Ayaks”a 15,7 milyonluq transfer

09:00  “Neftçi”nin Türkiyədə 10-cu günü - VİDEO

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az