(+994) 050 678 37 80
(+994) 070 534 65 52

qaynar xətt

Tahir Süleymanov
KK iflas həddində: heç kim sədr olmaq istəmədi

KK iflas həddində: heç kim sədr olmaq istəmədi

AFFA-nın baş katibi Elxan Məmmədovun daha bir layihəsi iflas həddindədi. Yəqin ki, martda baş tutacaq hesabat konfransında Klublar Komitəsinin ləğvinə qərar veriləcək. Qurumun bugünkü yığıncağında prosesin inkişaf istiqamətinin ilkin işartıları göründü.

Heç bir qərar vermək gücü olmayan, yalnız tövsiyyələrlə baş qatan KK sədrsiz qaldı. Kamran Quliyevin müddəti bitdi və o, növbəti dəfə seçilmək üçün namizədliyini vermədi. Digər klublar da eyni addımı atdı və heç kim oyuncaq qurumda baş ağrıtmağı məsləhət bilmədilər. Güman ki, martda komitənin ümumiyyətlə, lazımsızlığı bəyan ediləcək və ləğv olunacaq.

Hələlik sistem dəyişikliyi elan olunub. Sədrlik ləğv olunur və bundan sonra katiblik formatıyla baş aldadılacaq. Elxan Məmmədovun hər il bir vəzifəyə göndərdiyi, milli komandalarda “ad çıxarmış”, indi futzal federasiyasında məsul vəzifə tutan Zaur Hacı-Məhərrəmov bundan sonra klub rəhbərlərinə ağalıq edəcək. Bugünkü tədbirdə 3 saatlıq iclasın bitməsini gözləyən jurnalistlər üçün hətta su təşkil etməyi belə yaddan çıxaran birindən danışırıq. Vəzifənin qoxusunu hiss edən kimi buludlara qalxmışdı. Yəqin bir neçə gün əvvəldən ssenari cızılıbmış və o, rütbəsinin yüksələcəyini bilirmiş, bunadək qurumda koordinator kimi fəaliyyət göstərən Zaur xırda işlərə vaxt ayırmaq istəməyib.

Bu, həm də Hacı-Məhərrəmovun yeni kadr kimi üzə çıxarılması cəhdidi. Hamisi olan Məmmədovun sayəsində Zaur da idarəçilik sahəsinə atılır, 1-2 ildən sonra hansısa kluba prezident göndərilmək üçün hazırlanır.

Öncədən KK-nın yığıncağının 11:00-da başlaması nəzərdə tutulmuşdu. Dünən isə tədbir bir saat öncəyə çəkildi. Və nəhayət, bu gün bəlli oldu ki, səbəb Elxan Məmmədovun iclasa baş çəkməsi ilə bağlıymış. Daha sonra digər tədbirə gedib, Rober Pireslə şəkil çəkdirməli olan baş katibin istəyi ilə belə addım atılıb.

Məmmədovun KK-da görünməsi, hətta çıxışının iclasın gündəliyinə salınması təsadüfi deyildi. Dublin səfərində də kölgədə qalan katib önəmli fiqur olmasını hər imkanda göstərməyə çalışır. Millinin baş məşqçisi Qurban Qurbanovun dünən onun deyil, AFFA prezidenti Rövnəq Abdullayevin adını çəkməsi, müzakirə apardığını deməsi Məmmədovu arxa plana atır. Bu səbəbdən o, imkan daxilində çox tədbirdə görünməyə, özünü önəmli şəxs kimi göstərməyə məhkumdu. KK-ya da çempionatda əsas söz sahibi olduğunu nümayiş etdirmək üçün gəlmişdi. Əks halda, heç bir qərar vermək səlahiyyəti olmayan qurumun iclasında onun dedikləri kimə lazımdı?

Məmmədov yarım saat iştirak etdiyi tədbiri tərk edərkən jurnalistlərdən qaçmağı üstün tutdu. Göründü və susaraq getdi. Çünki dediyi hər söz əleyhinə işləyə bilər, 12 ildi hamını aldadan bu şəxsin dedikləri ikrah hissi oyadır – yuxarılar da onu tanıyıb, futbol ictimaiyyəti də, sadə azarkeşlər də. Ömrünü uzatmaq üçün sadəcə, işgüzar imic yaradır, açıqlama verməyə, hansısa məsələyə münasibət bildirməyə qorxur.

Elə onun futbolumuza ürcah etdiyi Frits Stuxlik də mətbuatdan qorunur. AFFA-dan icazə verilməyincə danışmaq istəməyən avstriyalı çoxalan hakim səhvləri, Hakimlər və Hakim-İnspektorlar Komitəsinin tərkibinin açıqlanmaması barədə çoxsaylı sualları cavabsız qoyur. O, hələlik tuman rənginin müzakirələrində söz sahibidi.

İstənilən halda, KK məhvə məhkumdu. Nəticəsi olmayan, boş müzakirələrin aparıldığı bugünkü iclasa görə ötelə ödəniləcək 5000 manatla futbola faydalı bir iş görmək olardı. Klub rəhbərlərinin biganə olduğu, menecerlər səviyyəsində təmsil olunduğu komitə iclası yalnız katibin futbol idarəçiliyindəki hakimiyyətini nümayiş etdirmək üçün idi. O isə Tahir Gözəl, Əmrah Çəlikəl, Tale Heydərov, Fariz Nəcəfov, Zaur Axundov, hətta Rəmiş Malıyev kimi rəhbərlərin deyil, klub menecerlərinin olduğu məclisdə ağsaqqallıq edə bilər.

AĞA


 
tarix: 04-12-2018 16:07


 
Xəbər lenti
21.04.2019

00:44   “Barselona”dan çətin qələbə

00:37   “Bavariya”ya 1 qol bəs etdi

00:26   “Yuventus” çempionluğunu rəsmiləşdirdi

00:01   Marsel “Olimpik”indən səfərdə inamlı qələbə

20.04.2019

23:28  “Mançester Siti” “Tottenhem”i məğlub yola saldı

22:22  “Qalatasaray”dan inamlı qələbə

21:48  Şeydayev “Dinamo”ya qarşı 68 dəqiqə oynadı

19:14  Nazarovsuz heç-heçə

18:32  Dadaşovun komandasına 1 qol bəs etdi

16:57  Balayevin komandasından ilk xal itkisi

14:34  Azər Əliyev “Arsenal”a qarşı 26 dəqiqə oynadı

13:24  Əzizovun komandasından daha bir qələbə

12:57  AFFA-nın araşdırması: “Füzuli” oyunçularının qəsdən uduzduğunu düşünür

12:34  Bezotosnının durumuna sabah aydınlıq gələcək

12:29  Vüqar Əsgərovun dublu “Dauqavpils”ə qələbə qazandırdı

12:14  Son oyunda turun rekordu

12:07  Bordinsiz qələbə

11:59  “Real” onu itirdi

11:32  Bəhlul Mustafazadə “Seltik”in hədəfində

11:07  Dadaşov oynadı, “Eştoril” qalib gəldi

10:15  İsrafilovsuz “Alkorkon” 4 qola üzüldü

09:11  “Traktorsazi”dən ardıcıl 2-ci məğlubiyyət

01:00  Dörd qolluq heç-heçə

00:41  Meydan sahiblərindən çətin qələbə

00:25  “Bursaspor” yenə qələbəyə həsrət qaldı

00:01  Avroliqada həftənin ən yaxşı futbolçusu bəlli oldu

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az