(+994) 050 678 37 80
(+994) 070 534 65 52

qaynar xətt

Vüsal Mahmudov
Tahir Süleymanov
Qış yuxusuna gedərkən: zirvədə və zirzəmidə qiyabi döyüş

Qış yuxusuna gedərkən: zirvədə və zirzəmidə qiyabi döyüş

Topaz Premyer Liqasında mövsüm yarılandı. Bir gündə yekunlaşan ikinci dövrənin son turu çempionluq mübarizəsini daha da kəskinləşdirdi. Çünki “Qarabağ”ın rəqibini darmadağın etdiyi həftədə “Neftçi” xal itirdi.

Medan sahibləri üçün qara tur 2 qolsuz heç-heçə və qonaqların 2 qələbəsi ilə yadda qaldı. Bu nəticələr autsayderlərin yerdəyişməsinə və liderlər arasında xal fərqinin üçə düşməsinə şərait yaratdı. Ölkə kubokunun ¼ final matçlarından sonra yaranacaq fasilədə klubların keçəcəyi hazırlıq, edəcəkləri transferlər mövsümün qalan hissəsinin şəklini müəyyənləşdirəcək.

“Keşlə” müdafiəçilərinin vurduğu qollarla “Sabah”ı yenib özünə gəldi. İndi heyətin təmizlənməsi və güclənməsi lazımdı. Əks halda, mövsümün sonuna kimi “Zirə”ylə qaçdı-tutdu oynayacaqlar. Hətta bunu bacarmaq üçün də komanda güclənməlidi, çünki “qartallar” da boş dayanmayacaq.

“Sabah”ın qeyri-sabitliyi yenə özünü göstərdi. Xüsusilə “Əlincə”də inamsız görünən Elşad Əhmədovun yetirmələri ili 4-cü pillədə başa vurdu. Bu, debütant üçün yaxşı nəticədi, lakin rəhbərliyin iddialarını, komandaya göstərdiyi diqqəti nəzərə alsaq, daha yaxşısı mümkün idi. 14 oyuna 17 xal çox da deyil və autsayderlə 7 xallıq fərq qıa müddətdə əriyə bilər.

“Qəbələ” qismən toparlanıb. Amma avrokuboklara düşmək üçün mütləq heyət gücləndirilməli, eyni zamanda məşqçi məsələsinə baxılmalıdı. Sənan Qurbanovla “qırmızı-qaralar”ı parlaq gələcək gözləmir. Toplanan xallar bir neçə futbolçunun yaxşı oyununun nəticəsidi, onlar dayananda komanda da büdrəyir.

İki texniki qələbə sayəsində 6-cı yox, 3-cü pillədə qərar tutan “Səbail” sanki hər oyuna heç-heçə üçün çıxır. “Qəbələ” ilə oyunda da minimum vəzifə yerinə yetirildi. Fasilə dövründə görüləcək işlərdən asılı olaraq qışdan sonra “Səbail”in əsl gücünə bələd olacağıq. Hələliksə komanda sıradan ortababdı və heyət zənginliyi komandanın oyununa sirayət etmir.

“Qarabağ”ın 6:0 hesabə qələbəsi əsəb partlayışı idi. Ağdamlılar “Sportinq”ə 1:6 hesablı məğlubiyyətdən sonra 2 autsayderə 11 qol vurub. Komanda sanki bu nəticələrlə Avropa klublarıyla səviyyə fərqimizi nümayiş etdirir. “Keşlə”ni, “Zirə”ni darmadağın edən komanda özü Avropa Liqasında eyni aqibətlə üzləşirsə, deməli, səviyyə fərqi ortadadı və bu yay qitə səhnəsində bizi fiasko gözləyir.

“Zirə”nin parlaq oynayıb arabir nəticə qazanması ənənəsi də bu tur işə yaramadı. 0:6-dan sonra baş məşqçi Samir Abasov ciddi islahatlara əl atmağa məcburdu.

“Neftçi”nin Baqali Dabosuz bir işə yaramadığı bu tur aydınlaşdı. Cəzalı fransızın yoxluğunda bakılılar çox “dişsiz” idi. Roberto Bordinin oynatdığı futbol mövsüm başlayandan tənqid olunur. İtaliyalı komandanı zirvədə saxlasa da, bu, daha çox rəqiblərin zəifliyi, eyni zamanda “Qarabağ”ın başının avrokuboklara qarışması ilə bağlı idi. Bundan sonra daha çətin olacaq.

“Sumqayıt”ın baş məşqçisi Ayxan Abbasov rəqibi əla analiz etmişdi və taktiki savaşda Bordinə uduzmadı. Düzdü, son dəqiqələrdə qonaqlar hətta 7 müdafiəçi ilə oynayırdı. Lakin büdcələr arasındakı fərq də elə 7 qatdı. Sumqayıtlıların normal hücumçusu, ehtiyat qüvvəsi olsaydı, “Neftçi”nin qapısına yol tapmaq da olardı. İndiki halda bir xal da qonaqlar üçün qənimət sayılmalıdı, bakılılarsa mütləq ayılmalı, heyəti gücləndirməlidi ki, “Qarabağ”la rəqabətdə duruş gətirsinlər.

FƏRİD


 
tarix: 10-12-2018 09:00


 
Xəbər lenti
27.06.2019

01:10   “Sumqayıt” da başladı

26.06.2019

22:30  Premyer Liqada yay bazarlığı - YENİLƏNİR

19:45  “Neftçi”nin Rumıniya klubu ilə oyunu yarıda qaldı

18:33  İtaliya millisində baş məşqçi ayrılığı

18:00  “Messiyəm” dedi, 23 qadını aldadaraq…

17:30  “Sumqayıt”da ispan məşqçi - RƏSMİ

17:00  “Qəbələ”dən “Sabah”a – RƏSMİ

16:40  Paytaxt klubunda yeni təyinat

16:21  “Neftçili Yay” futbol düşərgəsi başa çatdı

16:00  “Qarabağ”ın rəqibi milli üzvü ilə gücləndi

15:40  “Neftçi”nin rəqibindən kubokda darmadağın

15:20  “Barselona”nın qapıçısı rəsmən “Valensiya”da

15:00  “Qəbələ”nin 3 yetirməsi “Şüvəlan”da

14:40  Aftandil Hacıyevdən darmadağına şərh

14:20  “Səbail”dən növbəti transfer - RƏSMİ

14:00  Çempionlar Liqasında yeni mövsümə start verildi

13:30  “Fənərbaxça”da ayrılıq

13:00  “Mançester Siti”dən Belçika klubuna - RƏSMİ

12:30  “Sent-Etyen”dən Super Liqa klubuna

12:02  “Mançester Siti”də ayrılıq

11:41  Kamerun qələbə, Qana heç-heçə ilə başladı

11:20  Azərbaycan klubu ispaniyalı məşqçi gətirdi

11:00  “Barselona” hücumçusunu satdı

10:30  FİFA-dan Türkiyə klubuna sərt cəza

10:00  “Barselona”dan “Everton”a - RƏSMİ

09:30  Azərbaycan çempionuna ÇL püşkü öncəsi şad xəbər

09:00  “Zalsburq”dan Super Liqa klubuna

00:27  Mirabdulla icarə müqaviləsi imzaladı

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az