1,5 manatlıq Region Liqası: futbolçular pullu hamamda yuyunur

AFFA-nın bölgə futboluna önəm verməməsi heç kimə sirr deyil. Topaz Premyer Liqasında cəmi bir əyalət klubunun yarışması öz yerində, divizionda da yalnız qondarma klublar mövcuddu. Ötən mövsümdən yeni yarış kimi start götürən Region Liqasına münasibət isə daha bərbaddı.

Baş katib Elxan Məmmədov son brifinq zamanı bu liqanı tərifləmiş, uğurlu layihə olduğunu dilə gətirmişdi. Gəncədən aldığımız xəbər isə kabinet bəyinin yalanını üzə çıxarır.

Futbolinfo.az xəbər verir ki, dünən baş tutan “Qoşqar” – “Göyəzən” matçında biabırçılıq yaşanıb. Gəncədəki qarşılaşmadan əvvəl qonaqlara paltarını dəyişmək üçün yer verilməyib, qazaxlılar soyuqda, açıq havada geymlərini dəyişib. Ən pisi matçdan sonra reallaşıb - “Göyəzən” futbolçuları şəraitsizlik üzündən yuyuna bilməyiblər.

Vəziyyətdən çıxış yolu axtaran qazaxlılar yaxınlıqdakı evlərin birində hamam tapıblar. Ev sahibi ilə razılaşaraq, adambaşı 1 manat 50 qəpik ödəyiblər və bütün futbolçular yuyunub.

Təşkilati məsələlərdə problem bununla bitmir. Matç polislərin gecikməsi üzündən vaxtında start götürməyib.

Maraqlıdı ki, “Qoşqar”ın oyunarında belə qəribəliklər tez-tez baş verir. Əvvəlki matçlar hakimlərin, tibb xidmətinin zamanında gəlməməsi üzündən bir neçə dəfə yubanıb.

O da maraqlıdı ki, dünən Region Liqasındakı görüşün baş hakimi olan Rəşad Əhmədov bu gün də Ağsuda idarəçilik edib. 2 günə 2 matçı yola verən referi meydan sahiblərinin “Kəpəz”lə matçında fit çalıb.

Elxan Məmmədov Region Liqasını uğurlu layihə kimi təqdim edəndə yəqin elə bunu nəzərdə tuturmuş!

Maksim Medvedev: “Bu sürprizi çox bəyəndim”

Maksim Medvedevin 400-ü - FOTOLAR

“FC Baku” oyun alveri edib? – AFFA-dan gözlənilməz qərar