(+994) 050 678 37 80
(+994) 070 534 65 52

qaynar xətt

Tahir Süleymanov
Qurbanovun istefasıyla bağlı yeni sensasiyalar - Müqaviləsi 6 illik deyilmiş, təzminat məbləği...

Qurbanovun istefasıyla bağlı yeni sensasiyalar - Müqaviləsi 6 illik deyilmiş, təzminat məbləği...

Qurban Qurbanovun AFFA-nın ona ödəməli olduğu təzminatdan imtina etməsi ilə bağlı bu gün Qol.az saytında yayımlanan xəbərdən sonra məşqçi ilə federasiya arasında artıq ləğv edilən əməkdaşlığa dair yeni maraqlı məqamlar ortaya çıxıb.

Qurban Qurbanov təzminatdan niyə imtina edib?

Daha öncə yaydığımız xəbərdə bildirilir ki, "Qarabağ"ın çalışdırıcısı bununla bağlı fikrini ötən şənbə günü AFFA İcraiyyə Komitəsinin iclası zamanı federasiya rəhbərliyinə çatdırıb.

Məhz həmin iclasda Qurbanovla müqavilənin ləğv edilməsi haqda qərar çıxarılıb. Həmin xəbərdə qeyd olunur ki, 46 yaşlı məşqçi ilə ötən il imzalanmış 6 illik  müqavilənin müddəti cəmi 1 il çəkib. Sənəd vaxtından əvvəl ləğv olunduğundan Qurbanovla bağlanmış müqavilənin şərtlərinə uyğun olaraq, ona təzminat ödənməlidir. AFFA üzərinə götürdüyü bu hüquqi öhdəliyi yerinə yetirməyə hazır olsa da, Qurbanov millidə pula görə  işləmədiyini söyləyərək təzminatdan boyun qaçırıb.

Millidəki fəaliyyətinə görə Q.Qurbanova AFFA-nın konkret nə qədər ödəməsi barədə məlumat verilmir. Amma daha əvvəl millimizi çalışdırmış Robert Prosineçkinin rəhbərlik etdiyi məşqçilər heyətinə illik 1 milyon 200 min avro ödəndiyi barədə xəbərlər var idi.


Qurbanovun istefaya göndərildiyi iclas

AFFA-nın açıqlaması...

Bu xəbərdən dərhal sonra federasiya azerisport.com saytı vasitəsi ilə məlumat yayaraq bildirib ki, Q.Qurbanov təzminatdan imtina ilə bağlı AFFA-ya rəsmi müraciət etməyib. Elə bu yazıda sensasiya sayıla biləcək bir fakt ortaya çıxıb. Sayt yazıb ki, Q.Qurbanovla müqavilə Avro-2020-nin sonuna qədər imzalandığından ona 5 illik deyil, 2 illik təzminat haqqı verilə bilər.

Bu yerdə müəyyən suallar yaranır. Axı, ötən il Q.Qurbanovun milliyə təyinatı rəsmən açıqlananda AFFA prezidenti Rövnəq Abdullayev jurnalistlərə bildirmişdi ki, “Qarabağ”ın çalışdırıcısı ilə 6 illik müqavilə bağlanıb.

İstər təzminat, istərsə də müqavilə məsələsi ilə bağlı Q.Qurbanovun özünün mövqeyini öyrənmək cəhdimiz baş tutmadı. Lakin məşqçinin yaxın ətrafından Qol.az-a bəlli olub ki, onunla AFFA arasında həqiqətən 3 illik müqavilə bağlanıbmış.

AFFA-nın mətbuat xidmətinin rəhbəri Firuz Abdulla da Qol.az-a açıqlamasında Q.Qurbanovla 3 illik müqavilə imzalandığını təsdiqləyib. O qısaca olaraq deyib ki, 46 yaşlı mütəxəsislə 6 illik əməkdaşlıq nəzərdə tutulub, amma ilkin olaraq 3 illik müqavilə bağlanıb.


Elxan Məmmədov

Bu müqavilə isə ötən həftənin şənbə günü AFFA İcraiyyə Komitəsinin iclasında rəsmən ləğv olunub.  Federasiyanın baş katibi Elxan Məmmədov həmin günü jurnalistlərə bildirib ki, qərarın verilməsində Q.Qurbanovun iki işdə işləməsinin çətinliyi əsas rol oynayıb: “Onun millidəki nəticələrinə baxıldıqdan sonra qərar qəbul edildi ki, fəaliyyətini bir işdə davam etdirsin və yığma komandanın baş məşqçisi kimi müqaviləsinə xitam verilsin. Bizim üçün “Qarabağ”ın beynəlxalq arenada və daxili çempionatda uğurlu çıxışı və gələcək inkişafı çox vacibdir. Başa düşürük ki, iki komandanın baş məşqçisi olmaq çox ağır yükdür”.


Əmrah Çelikel

Bu arada “Qarabağ” Q.Qurbanovun istefaya göndərilməsi ilə bağlı mövqeyini açıqlayıb. Klubun direktoru Əmrah Çelikel matc.az saytına bildirib ki, Q.Qurbanov ağır yükün altından çıxmağı bacarıb:  “Onun göstərdiyi nəticələr göz önündədir. Bu gün "Qarabağ"da heç bir problem yoxdur. O, millidə çalışdığı dönəmdə də olmayıb. AFFA rəhbərliyinin qərarına hörmətlə yanaşırıq. Milli komanda hamımızın fəxridi və ona xidmət etmək bizim borcumuzdur. Bizim Qurban müəllimə həmişə tam dəstəyimiz olub. Millini çalışdırdığı vaxtda da, ondan sonra da”.

Qurban Qurbanovun rədd etdiyi təzminatın məbləği...

Yenicag.az saytı isə yazıb ki, Qurban Qurbanov yığmanın baş məşqçisi olaraq aylıq 17 min manat maaş alıb. Bu isə illik 204 min manat deməkdir. Beləliklə, AFFA-nın qarşıdakı iki il üçün müqaviləni vaxtından əvvəl ləğv etdiyini nəzərə alsaq, Q.Qurbanovun 408 min manatdan imtina etdiyi üzə çıxır.


 
tarix: 11-12-2018 15:53


 
Xəbər lenti
26.04.2019

01:24   “Real” “Xetafe” səfərindən 1 xalla döndü

00:54   İtaliya kubokunda hər iki finalçı bəlli oldu

25.04.2019

23:06  “Qalatasaray” darmadağınla finalda

21:33  Ramil Şeydayev oynadı, komandası yenə uduzdu

19:33  Millimizin rəqibi yoxlama oyunu keçirəcək

19:00  “Bavariya” rekordunu yenilədi

18:24  “Mançester Siti” və Qvardioladan rekord

17:50  AFFA Gəncə şəhər stadionu ilə bağlı tender elan etdi

17:25  Azərbaycanda işləmiş məşqçidən Ayaz Quliyevə sərt tənqid

16:58  “Zirə”nin beş futbolçusu üçün ilk

16:21  40 il sonra gələn antirekord

15:43  “Üç xal qazana bilsək, bürünc medallara çox yaxınlaşacağıq”

15:26  İlk heç-heçə: 5-ci quru oyun

15:08  İtaliyalı futbolçu “Qarabağ”la oyunu unutmur

14:42  Şimşək çaxdı, oyun təxirə salındı

14:07  “Ayaks” 12 yaşında klubu təhqir edən futbolçunu transfer etdi - VİDEO

13:30  Premyer Liqada mövsümün rəmzi komandası

13:07  HAŞİYƏ: “Vandallar Bakıda tarixi abidəni dağıtdılar”

12:39  Premyer Liqada 26-cı tur rəqəmlərin gözü ilə

12:18  İki ildən sonra: Yenə yarımfinalda

12:01  “Sumqayıt” “20”-yə çatdı

11:54  Qvardiola tələsmir və… qadağa qoyur

11:45  Sulşer rəqibi tərifləyir

11:29  AFFA Region Liqası ilə bağlı qərar verə bilmir – araşdırma gedir

11:01  İtaliyada Bordinə şans vermədilər

10:30  Matç zamanı ağzına arı girdi, xəstəxanalıq oldu - FOTO

10:03  Azər Əliyevin komandası qələbəni əldən verdi

09:54  Lisenziya intizarı: AFFA klubların maliyyə hesabatını gözləyir

09:47  Quluzadənin komandası 4 qola üzüldü

09:21  Paşayev oynadı, komandası qalib gəldi

09:00  “Bakı” ölkədən, FIFA futboldan qovdu – danışılmış oyunlara görə

01:25  “Atletiko” “Barselona”nın çempionluğunu ertələdi

bütün xəbərlər >>>

Bütün hüquqlar qorunur. Məlumat internet səhifələrində istifadə edildikdə müvafiq keçidin qoyulması mütləqdir. 2013 © futbolinfo.az